JEREMIAH 29:12 - DAÜLANGPÜ LAIHING (BSI)

¹² Hahepak kü am peiyei ngei kü phophen, hatü ngei am kü janghen.

JEREMIAH 29:12 Referans Kwoze

JEREMIAH 33:3

Ngei kü nyüktuh hatü ngei nüng kü janghen hatü nüngi nenyingpü longpü hatü douja nüng kü ephahen.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

MENVIH KESHO 145:19

Büpa kü nyempüthüi lümpü peü büpai jiühünyeih; jomi nyükpü büpai danei büpai jom yanglangnyeih.

MENVIH KESHO 10:17

Oh Shembüpa, nüngi maanpü leipüthüi phoppü dannyeih; nüngi jomei mong wong kohhühen, nüngi jomi lenpü kü bangtuh,

ISAIAH 65:24

Jomi nyükshekü ngei janghen, jomi mang-e shekü ngei danhen.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

JEREMIAH 31:9

Jom thepyaki nyokei leikahen, ngei jom leishingkü phopyaki leikahen. Ngei jomü yungyen lemei mühen; Jom huluh neshuohhen mü jintükpü lem kü müei leihen; Mehenangkü ngeiyü Israel amei pa, hatü Ephraim amü ngelei hashongpa.

ISAIAH 30:19

Oh Jerusalemei nyupü Zion nanglakthü, am hajük kü netheppih. Ammi vaüpü eepü ngeü danei büpai am kü phahjiei deihhen; mechem büpai ha danhen büpai jangphahen.

EZEKIEL 36:37

Shembüpa Kahvangi hapakei enyüke: Shao chem ngei Israel ami phepü kü mong shuohhen, hatü jom kü ha dükhen: Ngei jomei nanglak mikhong keiha,

2 SHÜPPÜKENGPÜ 6:38

jomei mongdang, laangha kempai jom wüpküpei daipü kahdokei chebü chepa kü shuohpü mükjüp kahdok, nüngi jepü chingnyü hatü ngei nüng kü khümhen vepü shem philei meetü phopjema,

2 SHÜPPÜKENGPÜ 33:13

Mechem büpai büpa kü phoppa, Kahvangi büpai yüpü hatü phoppü kü jang, hatü Jerusalemei nyokei leiyei shao vanglem lem. Hahepak küang Manasseh-i Shembüpayü Kahvang khih shei nying.

JOB SHAHSHA APPÜ 22:27

Nüngi büpa kü phopjü büpai jangphahen, hatü nüngi lahtükpü dükaokhen.

ISAIAH 26:16

Oh Shembüpa, shanghahpü nangkü jomi nüng yemteke; mechem nüngi jom kü lohshuohpa, jomi nümei dangkao phopnyüke.

JEREMIAH 50:4

Hathü nyih kü hatü hapa hepak kü Israel hatü Judah nanglakthü chemi thepyaki Shembüpa, jomei Kahvang yemhen.

JEREMIAH 51:50

Am meshüki yan kübü yangei nyüpa, Pheiyei nenyu-i lüdaikemtuh! Tailu kahdok leiyao Shembüpa ngei deih-ei dangtuh, hatü Jerusalem ammei mongei deihtuh.

HOSEA 14:9

Üami nahnya, jomi ha yaonyüke, üami yepaoknya, büpai hapa nyingaoknyüke. Shembüpalei lemthüyü daülangi nyüke; Daülangpüthü ha kü kamnyeih, shejao mangthü ha kü huluh shuohnyeih.”