JEREMIAH 29:11 - DAÜLANGPÜ LAIHING (BSI)

¹¹ Am shingvaishi ngei tempü küpjan ngei nyingei nyüpeih shei Shembüpai enyüke; hayü am daeishehen küpjan, shejao am lomohhen nevai, am kü ngoikahen monglem shuohhen küpjan.

JEREMIAH 29:11 Referans Kwoze

MENVIH KESHO 33:11

Shejao Shembüpalei küpjan den kü lakshing nyunyeih; hatü büpalei mongeipü mükhongthü hüdenhalenshi nyunyeih.

MIKA 4:12

Shejao jomi Shembüpalei mongdeih nenying; Hah tenshingei hah kü shouppükei jom shouptükhen thaihüpü khih shei jomi büpalei küpjan nenying.”

MENVIH KESHO 40:5

Oh Shembüpa, ngelei Kahvang, nüngi ham kü thamapü douthü longi dükteke. Nüngi ham shing tempü douthü üpaiyao iehen neaoknyu; Ngei paoh hathü jung enüng shelangmeyü ngei ieaokhen mao ahshi nyeidaiteke.

JOB SHAHSHA APPÜ 23:13

Shejao büpa mechemao neyeiyanyih; üpai büpa khüei yaongaokhen? Büpai mehe mong, ha düknyüpeih.

YOUNG LAI 3:26

Munenei Shembüpai yangphahen shei omdanei nyupü-üng meipüba.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

ZEKHARIAH 1:6

Ngelei shahthü hatü ngelei shahkungnyüthü ngei chongphopü thibüthü homei eteke, shejao ambü ampai ha bangphei hiang hatü hanghi nepongangpü je? Hanangkü jom mong lep, hatü eteke, “Jeiyong Shembüpai jen kü jenei lemthü hatü douthü kü shangpükei büpai dükhen shei tempükei jen kü dükphüteke.”

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

JEREMIAH 30:9

Shejao jomi Shembüpa, jomei Kahvang hatü ngei jom shing vamhüpü David ongpa jomi chongphohen.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

EZEKIEL 11:16

Hanangkü chemi wüpküpei nyupü Israel am kü Shembüpai hapakei enyüke shei etuh: Ngei jomphong jatthü touei shomtüklangmao hatü kung kahmükei haitüklangmao, shohük shingvaishi jom nyushingei ngeiyü jom nyuishing vaihampeih.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

MENVIH KESHO 85:9

Hingmei büpa kü nyempüthü shingvaishi büpalei yemleipü yopailei nyüke, shejüang büpalei müknyinshekhang jenei kahdokei nyuhen.

ISAIAH 27:4

Ngei mongneshihnyih. Hühhihangi ngei kü lem bangei vamküjema, ngei hathü khüei vehokei daihen, hatü ngei hathü peü aw kü jaktükhen.

JEREMIAH 24:5

Shembüpa, Israel Kahvangi hapa enyüke: Hathü meipü adhajük keiha, Judah am üam hapa shing kübü Babylon kahdok wüpküpei shomei nyüpa, hathü kü ngei meipü adhajük kü keiha bamshi noteihen.

JEREMIAH 33:6

Shejoongpa, ngei hapa chingnyü kü meihüpü hatü yangnyu meipü shuohhen; ngei ngelei nanglakthü meihühen, hatü chingmeivangmei nyiushemmei changshi shuohhen.