JEREMIAH 29:10 - DAÜLANGPÜ LAIHING (BSI)

¹⁰ Shembüpai hapakei enyüke: Mechem bong pejempüan lomhenshang, ngei am touei peihen, hatü am hapa shingei müei leihen shei ngei lahpü jiühühen.

JEREMIAH 29:10 Referans Kwoze

ZEKHARIAH 7:5

Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

DANIEL 9:2

Büpai ong vaipü shongpü bong kü Shembüpai Jeremiah thibü kü Jerusalem bong pejempüan lavüngtoiyei yakphonghen shei epü nang ngei, Danieli daülangpü laithü kü yemei nyu.

JEREMIAH 27:22

Hathü kemei Babylonei deilanghen, hatü ngei hathü baong mangyem thahshi halei nyuhen. Hapheikü ngei hathü koei leihen hatü hatou shingei tuhhen shei Shembüpai enyüke.

JEREMIAH 25:12

Shejao mechem bong pejempüan lomhenshang, ngei Babylon ong hatü büpalei kahmük kü hanghi shuohhen, hatü den kü hapa kahdok lavüngtoiyei leitükhen shei Shembüpai enyüke.

ZEPHANIAH 2:7

Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.

JEREMIAH 27:7

Büpalei kahdok dohen hepak mangngoi thahshi jatthü peüi büpa, hatü büpalei cheha hatü chehü chongphohühen; hapheikü mon jom jati wong kohpü jatthü hatü longpü ongthü chongphohühen.

2 SHÜPPÜKENGPÜ 36:21

Jeremiah homei epü Shembüpalei shah jiüei vangbong pejempüan manglom thahshi lavüngtoiyei nyupü hepak kemei kü hapa kahdokei Sabbath themei nyu.

RUTH 1:6

Mechem pinnyü Moab kahdokei nyupa, Shembüpai laophülei nanglak kü hahying moihiman longi shuohnyuja shei danei Naomi hatü cheha nyilei nyüha nyi müei Moab leipü layaongei leihen tem.

2 SHÜPPÜKENGPÜ 36:22

Persia kü Cyrus-i ong vaipü shongpü bong kü Jeremiah homei epü Shembüpalei shah jiühühen shingvaishi Persia ong Cyrus-i büpalei ongching phangkü nyupü peü kü hapa shahyan baonghen hatü nyanghen Shembüpai Cyrus ongpalei mong kü thongpü shuoh.

EZRA 1:1

Persia kü Cyrus-i ong vaipü shongpü bong kü Shembüpalei shah Jeremiah homei epü jiühühen shingvaishi Shembüpai Persia ongpa Cyrus-i hapa nyangtü büpalei ongching peü kü baonghen mongnang thonghü:

JEREMIAH 25:11

Hapa kahdok kemei lavüngtoiyei leihen hatü ha jatthüi bong pejempüan thahshi Babylon ongpa chongphohen.

JEREMIAH 29:28

Mehenangkü büpai jen Babylonei nyushi hapakei eyei shompeih, “Halei hepak luangi nyuhen; bükhishem veyei halei nyutuh, hatü sheili sheiyei hapa kü vampü hah-ei nyutuh” shei epeih.

JEREMIAH 29:32

Shembüpai hapakei enyüke: Ngei Nehelam am Shemaiah hatü büpalei hühihathü hanghihühen; ngei ngelei nanglakthü kü mei dükpü eehen mü nanglakthü khongkü büpalei hühiha hükao yemmü netuhhen; mehenangkü büpai Shembüpa khüei yaongteke shei Shembüpai enyüke.

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

JEREMIAH 33:14

Ngei Israel am phang hatü Judah am shem kü lahtükpü jiühühen hepak ngoikünyüke shei Shembüpai enyüke.

ZEKHARIAH 1:12

Hahepak kü Shembüpalei phongshani, “Oh Jeiyong Shembüpa, nüngi Jerusalem hatü Judah chingnyüthü kü bong pejempüan thahshi mongshihteke, shejema hepak meshük lushi nüngi jom shing phahji shonglanghenang?” shei eteke.

EZRA 1:2

“Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

MENVIH KESHO 102:14

Mehenangkü nüngei chongphobüi yaongsho püchong kübhih yaongphaang peü kü bamnyüke.

EZEKIEL 11:17

Hanangkü Shembüpai hapakei enyüke shei etuh: Ngei jatthü toueipü amphong thailanghen, hatü am haidaipü kahmükthü leipü ngei am müei leilanghen, hatü ngei Israel kahdok shao am kü shuohhen.