JEREMIAH 28:9 - DAÜLANGPÜ LAIHING (BSI)

⁹ Shejao thibü üpai chingmeivangmei jung tetei enya, büpa kü hingshangpü thibü sheiyü büpai tetpü peü jiüküjü mon ehen” shei eteke.

JEREMIAH 28:9 Referans Kwoze

SHAHKÜP 18:22

Thibü hüki Shembüpalei men kü ejü ha jiüshi nedhaümjema, hapa shahjangü SHEMBÜPAleipü nevai. Hapa thibüi büpai deihpü epü mon hatü ammi büpa kü tenyem.

JEREMIAH 6:14

Jomi ngelei nanglakthülei makaw kü wongshi neshiüpükei deihshi shaphongnyüke; Meishi neshiüshiüi “meishi nyüke” shei enyüke.

JEREMIAH 14:13

Hahepak kü ngei eteke, “Oh Shembüpa Kahvang! Halei thibüthüi nanglakthü kü, ‘Ammi yan ne-eepih, nevaijü münghishaü nenyuküpih, shejao ngei hapa kahdok kü chingmeivangmei mon shuohhen’ shei enyüke.”

JEREMIAH 8:11

Jomi ngelei nanglakthülei makaw kü wongshi neshiüpükei deihshi shaphongnyüke. Meishi neshiüshiüi, “Meishi nyüke” shei enyüke.

JEREMIAH 4:10

Hahepak kü ngei, “Ah, Shembüpa Kahvang, üng kü yani jeshi tuhtü, ‘Am shingvaishiyü meishasha hih’ shei eshi mekei etü nüngi hapa nanglak hatü Jerusalem lueilemtüknya” shei e.

EZEKIEL 33:33

Mechem hathü peü vamhen, hatü hingmei peü vamhen shejüang jom mü thibü hük nyuhampü khih shei jomi nyinghen.

SHAHKÜP 18:21

“Shembüpai ne-epü shahjangü hami mekei etü nyingaokhen?” shei ehen aok.

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.