JEREMIAH 27:6 - DAÜLANGPÜ LAIHING (BSI)

⁶ Shaang ngei hapa kahmükthü peü ngei chongphopü Babylon ongpa Nebukadnezzar kü shuohtüktih, hatü phaüyemthüi dangkao büpa chongphohen shuohtüktih.

JEREMIAH 27:6 Referans Kwoze

JEREMIAH 28:14

Jeiyong Shembüpa, Israel Kahvangi hapakei enyüke: Babylon ongpa Nebukadnezzar chongphohen shingvaishi ngei jatthülei bhagchong kü nyiami lingpü pang paihühen, hatü jomi büpa chongphohühen. Phaüyemthüi dangkao büpa chongphohühen.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 43:10

Hapheikü jomphong kü, “Jeiyong Shembüpa, Israel Kahvangi hapakei enyüke” shei etuh: Ngei ngelei chongphobü Babylon ongpa Nebukadnezzar shomhen hatü hatouei ngei dungei tuhpü yaong shangkü büpai ong uoshing linghen, hatü büpai ongshem vehen.

ISAIAH 44:28

Ngei Cyrus kü, “Ngei nangjei nüng vanglem lemhen; Ngei mehe mongnya, ha nüngi dükhen, Jerusalem ne-ei leiyei lingtuh, hatü Phopshem chongnyiam yaong shao sheituh shei nüngi ngeükhüam shuohhen” shei epeih.

JEREMIAH 24:1

Jehoiakimei cheha, Jehoiakin Judah amei ongpa, hatü büpalei lakchongbüthü, mistrithü hatü komathü Jerusalem leipü Babylonei Nebukadnezzar ongpai wüpküpei shetei lüdaipheikü Shembüpai ngei kü adhajük mühdow nyi phopshem chingshelei haüshi huphüteke.

JEREMIAH 21:7

Hapheikü ngei Judah ong Zedekiah, büpalei lakchongbüthü hatü hapa chingnyü cham, yan hatü münghishaü kübü yangpüthü peü Babylon ongpa Nebukadnezzar hatü jom jühen yempü vepathü kü shuohtükhen. Büpai jom yani mahhühen; büpai jom kü phahji nevaijü yahyang shinshang meheyao nehuhen.”

JEREMIAH 22:25

Nüng jühen yempü, nüngi nyempü Nebukadnezzar hatü Babylon am kü nüng shuohtükhen.

JEREMIAH 49:30

“Lomi nyaidaituh! Hazorlei nyupüthü, yaongsha chüpülei jodaituh” shei Shembüpai enyüke. “Babylon ongpa Nebukadnezzari am khüei phaüshah showteke; büpai am khüei küpjan lingteke.”

EZEKIEL 29:12

Lavüngtoiyei yakphongpü kahdokthü khongkü Ijipü lavüngtoiyei, hatü mangtükpü chingnyüthü khong kü vangbong pinyi thahshi mangtüktü tuhphonghen. Ngei Ijip am jatthü touei haitükhen hatü kahmükthü touei yantükhen.

DANIEL 4:12

Hapalei phenlak longi veihen meishi, hapa kü betjük longi jükshi– kahdoknyüi hahhen changshi shiüteke. Phaüyemthüi hapa püdhüm kü nyiumei, ouhiyüh-i hapa pükaothü kü jep lingteke, hatü yemhimak lemphüli hapalei betjük hahteke.”

DANIEL 4:22

ha püyü Oh Ongpa, nüng khih! Nüngü longi shaoshi hatü wong kohshi longteke. Nüngü vangsho kü shongshi longteke, hatü nüngei nganhiwong kahdoknyü peü philei daiteke.

2 ONGPATHÜ 25:28

Büpai büpa kü shinshangei dük, hatü Babylon wüpküpei nyupü ongthü peü mü büpa kü dhüm kohpü uoshing shaopü shuoh.

2 SHÜPPÜKENGPÜ 36:23

Persia ongpa Cyrus-i hapakei enyüke: “Shembüpa, vangsho Kahvangi kahdoknyü ongching peü ngei kü shuohteke, hatü büpai Judah kahdok Jerusalemei laophü shing phopshem hük vehen ngei jeteke. Am mü büpalei nanglak üam nyüpa, jom leishihtuh; Shembüpa, jomei Kahvang jom mü nyemnyu!” shei e.

EZEKIEL 30:24

Ngei Babylon ongpalei lak wong kohhühen, hatü ngelei yanlu büpalei lak kü shümhühen; shejao ngei Pharaohlei lak bhagtükhen, hatü büpa touei dihen mü ma yahpü shennyaki vaüpü keiha büpa vaühühen.