JEREMIAH 27:5 - DAÜLANGPÜ LAIHING (BSI)

⁵ Ngelei ngan longpai hatü ngelei laklu wong longpai ngei kahdoknyü hatü halei nyupü hangku hatü yemhimakthü lingpeih, hatü ngei monghahpü shennyakthü kü shuohpeih.

JEREMIAH 27:5 Referans Kwoze

JEREMIAH 51:15

Büpai laophülei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

DANIEL 4:17

Hapa baong hanpeyü phongshanthü, hatü hapa shahphenü Daülangpü Hüki shuohpeih. Shejüang hangku yem nyunyui Jaipüba Kahvangü hangku ongching peü kü Jeiyong; Büpai büpa jepüthü kü shuohnyeih, hatü peü mü maanpü hangkuthü kü shuohnyüpeih shei nyinghen.”

ISAIAH 45:12

Kahdoknyü hatü halei nyupü hangku ngei lingpeih. Ngelei laki mon vangshothü paanei deishihpeih; hatü haleipü lithathü peü ngelei lakmongei tuhnyüpeih.

KOLOSI 1:16

Mehenangkü büpa kü vangsho hatü kahdoknyü kübü müki eepü, hatü müki ne-eepü dou peü ling: Ong uoshing vaijao, vanglem lempü vaijao nevaijü vanglem lempüthü nevaijü yemya yapüthü vaijao dou peü büpa homei ling, hatü büpa shing ling.

ISAIAH 42:5

Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

SHAKEI VAMPÜ 4:11

“Nüngü müknyinshekhang, dhüm hatü wong yahhen shangpüba, hamei Shembüpa hatü Kahvang; mehenangkü nüngi dou peü ling, hatü nüngi mongpü nangkü hathü nyuteke hatü lingteke.”

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

PHONGSHANTHÜ DOU 17:24

Kahvangi kahdoknyü hatü halei nyupü lemphü lingpeih; büpayü vangsho hatü kahdoknyü Shembüpa; büpai hangkulei laki lingpü khümshingei nenyunyih,

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

ISAIAH 51:13

Amü am Lingbü Shembüpa, vangshothü paanei deishihpü, kahdoknyü chongnyiam yaong haübü betükteke. Amü am kü shüveipüthülei mongshih eeyei, am mahtükhen khih shei nyihjeih nyempü vüngpai maei nyunyüke. Shejao am kü shüveipüthülei mongshih melei nyüpa?

ISAIAH 48:13

Ngelei laki kahdoknyü chongnyiam yaong sheipeih, ngelei lakdah-i vangshothü paanei deishihpeih; Mechem ngei hathü kü nyükhen, jom peü chemi yaongnyüpeih.

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

EZRA 1:2

“Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

SHAHKÜP 2:7

Shembüpa, ammei Kahvangi ammi dükpü lemphüli kü moihimanteke. Mangpü jahpan homei daipü lemyang kemei kü büpai am kü jungteke. Vangbong pinyi thahshi Shembüpa, ammei Kahvang am mü nyu, hatü ammi napü lemphü dangteke.

MENVIH KESHO 102:25

Hepak longi daiteke, nüngi kahdoknyü chongnyiam lingteke, hatü vangshothüyü nüngei lakdou.

SHAHKÜP 32:8

Jaipüba Kahvangi jatthü kü jom shing kahdok hanteke; Büpai hangkuli melei nyuhen ha hanteke. Büpai hangkuli kü jomei kahvangthü bhei-ie aimü viong mangyaong itteke.

SHAHKÜP 9:29

Shejao hathüyü nüngi nüng lompü vaihen shingvaishi jelangpü nanglakthü hatü nüngei laklu wong longpai Ijip leipü nüngi mülangpü nanglakthü khih.”

SHAHKÜP 5:16

Shembüpa, ammei Kahvangi am kü shuohpü kahdok kü yüluei nyuhen hatü am meishi nyuhen shingvaishi Shembüpa, ammei Kahvangi epükei anyü hatü ampa kü dhüm shuohtuh.

SHAHKÜP 4:35

Shembüpayü Kahvang; büpa kei lebü üpayao neshiü shei am kü nyinghühen shingvaishi Shembüpai am kü hapa hupeih.

SHAHKÜP 4:32

Amphong mangbüh shekü peihdaipü nyihthü kü yemhümao, Kahvangi kahdoknyü kü hangkuli lingpü nyih kübü hapakei longpü lemhükao vamla nevaijü hapa keipü lemhük dangkao danla? Vangsho jung hük kübü jung hük dohpü thahshi yemei veihümao.

SHAHKÜP 4:25

Ammi hapeü hüpeüthü büh-ei paüm-ei hapa kahdok kü luangi nyupheikü amphongi mang thahjema hatü lajei lemhük kei dangkao lingei Shembüpa tou kü nemeipü dükjema,

SHAHKÜP 4:17

nevaijü kahdoknyü kübü yemhimak nevaijü ouhiyüh,

SHAHKÜP 2:21

Jomao Anakim am kei wong kohshi, shennyak banghshi hatü shaohiang lushi nyuhampeih. Shejao Shembüpai jom mahtüktü Ammon am kü hapa kahdok shuohtü uohüpeih.

SHAHKÜP 2:19

Mechem amphongi Ammon am yopailei ngoihenshang, jom kü teshüvei nevaijü jom mü tehok; Ammon amei kahdok ngei am kü neyahphapih. Mehenangkü Lotei hühihathü kü ngei hapa kahdok shouhtüktih.

SHAHKÜP 2:9

Hahepak kü Shembüpai ngei kü, “Moab am kü teshüvei nevaijü jom mü tehok; mehenangkü ngei jomei kahdok am kü neshuohpih. Ngei Ar chingnyü Lotei hühihathü kü shuohtüktih” shei ephüteke.

MÜLANGPÜ 20:11

Mehenangkü nyih vok kü Shembüpai vangsho hatü kahdok, yungching hatü halei nyupü peü lingpeih, shejao nyih nyetpabü kü nyiumeiyei thempeih; hanangkü Shembüpai Sabbath moihimanhüpeih hatü ha daütükpeih.

KAHBHAO 9:6

Üpai hangkulei iy yenhühen, büpalei iy-ao yenhühen; Mehenangkü Kahvangi shennyakü Kahvang lepü kü lingpeih.

PHONGSHANTHÜ DOU 17:26

Bü hük kübü büpai jatthü peü kahdoknyü kempülei nyuhen lingpeih, hatü büpai jom nyuhen hepak hatü jom nyuhen shing kü viong lingei hanpeih.

KAHBHAO 1:25

Kahvangi haümyem, phaüyem hatü lüei kampü yem lem laolao ling, hatü Kahvangi hapayü meiangke shei vei.

MENVIH KESHO 96:5

Mehenangkü nanglakthülei kahvangthüyü lajeithü mon, shejao Shembüpai vangshothü lingpeih.

JEREMIAH 27:4

Jeiyong Shembüpa, Israel Kahvangi hapakei enyüke shei jomei ongthü kü nyem-ejanüng eyeishuoh: Ammei ongthü kü hapa etuh:

DANIEL 4:25

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen hatü chingshongei nyien kü haaishi shihen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa ongching shuohnyeih shei nyingei mangpei thahshi vangbong nyet nüng hapakei nyuhen.

DANIEL 5:18

Oh Ongpa, Jaipüba Kahvangi ampa Nebukadnezzar kü ongching hean, longhiong leihen müknyinshekhang lemphü shuohpeih.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

1 ONGPATHÜ 8:42

mehenangkü shennyakthüi nüngei men longpü hatü nüngei laklu wong longpü danei mechem kungpa shennyak hük peiyei hapa Phopshemei phophenshang,

NEHEMIAH 9:22

Nüngi jom kü ongchingthü hatü jatthü neühen shuoh, hatü jomei viong junghijang thahshi shuoh; jomi Heshbon am Sihon ongpa hatü Bashan am Og ongpalei kahdok kaamei yah.

DANIEL 2:38

Nüngei lakmong kü kahdoknyü hangku, kahdok shak kübü yemhimakthü, hatü shangouthü peü shak kü vanglem lemhen hean shuohteke. Nüngü hon shangjing ha khih.

DANIEL 4:14

Büpai ngeüwong anei lenteke: “Hapa pü agtüktuh, hapalei kaothü langtüktuh, hapalei phenlak kaongtüktuh, hatü betjük haitüktuh.

DANIEL 4:22

ha püyü Oh Ongpa, nüng khih! Nüngü longi shaoshi hatü wong kohshi longteke. Nüngü vangsho kü shongshi longteke, hatü nüngei nganhiwong kahdoknyü peü philei daiteke.