JEREMIAH 27:18 - DAÜLANGPÜ LAIHING (BSI)

¹⁸ Jom hingmeipü thibüthü vaijema, hatü Shembüpalei shah jom mü nyujema, Shembüpalei shem, Judah ongpalei shem hatü Jerusalemei aoei nyupü yungshongthü Babylonei yah-ei nedaihen mü jomi Jeiyong Shembüpa kü nyemphop.

JEREMIAH 27:18 Referans Kwoze

1 SAMUEL 7:8

Israel ami Samuel kü, “Ham nangkü leneiwongpü tedohdai; hatü büpai ham Philistia amei lak kübü yanghen phopshih” shei e.

JEREMIAH 18:20

Mei kü ten shemnyu je? Shejao jomi ngei shing kahsha shoteke. Ngei nüng touei yaongtü jom toueipü nüngei mongshih yahlanghen shingvaishi jomei men kü ngei epeih shei deihtuh.

1 ONGPATHÜ 18:24

Hapheikü Baal kahvangei thibüthüi jomei kahvangei men kü nyemphop, hatü ngeiyao Shembüpalei men kü phophen. Mepa Kahvangi aw shomei hapa moila hahkahenshang, büpayü Kahvang” shei ehen. Hahepak kü nanglakthü peüi, “Nüngi epü ha jiüangke” shei e.

1 SAMUEL 12:23

Nyeinya vaishi, ngei nangkeyü am shingvaishi nephoppü nangkü shei Shembüpa touei ngei mang nethahpih, hatü ngei am kü meipü, hatü jiüpü lem huphahen.

1 SAMUEL 12:19

Nanglakthü peüi Samuel kü, “Shembüpa, nüngei Kahvang kü nüng chongphobüthü nedihen shangmü phopeishuoh, ham shing ong hük yüpai hamei mangthü kü shao ühahpü khih” shei e.

MALAKI 1:9

Shaang, jen kü jangphahen shingvaishi Kahvang kü phopeishuoh. Henüng keipü moila shuohjü büpai am yahhen je? Büpai ammi phoppü kü nejangphapih, hatü hayü am pungpü vaikahen. Büpai am kü phahji huphahen je? shei Shembüpa Kahvangi enyüke.

EZEKIEL 22:30

Ngei hapa kahdok nemangtükhen shingvaishi hapa kahdokei men kü mangdaipü bham baongei yaonghen nangkü ngei shennyak hanei yemteke shejao hükao nedang.

EZEKIEL 14:14

halei Noah, Daniel hatü Job hathü paoh nyupü vailangmao jom hinglempai jom mon yanghen, shei Shembüpa Kahvangi enyüke.

JEREMIAH 42:2

Jeremiah thibü kü, “Chingmeilemlingei hami phepü kü nüngi banglangshih hatü Shembüpa, nüngei Kahvang kü aoei nyupü nanglakthü shing phopshih. Nüngiyao shaang eenyüke, chemü ham longi nyupeih, shejao shaang maani mon aoei nyüke.

JEREMIAH 15:1

Hahepak kü Shembüpai ngei kü eteke: “Hatoumü Mosa hi Samuel nyi ngei kü phopei yaongküpü paoh vailangmao, ngei henüng shennyakthü kü nephahjipih. Hathü ngei toueipü deitükkemtuh! Hathü deitüktuh!”

JEREMIAH 7:16

Nüngi hathü nanglak shingvaishi tephop, telen, nevaijü ngei kü teyü; mehenangkü ngei nüng kü nejangpih.

2 SHÜPPÜKENGPÜ 32:20

Hahepak kü Hezekiah ongpa hatü Amozlei cheha Isaiah thibü nyi-i hapa nang eshi vangsho am kü lenei phop,

1 ONGPATHÜ 18:26

Hanangkü jom shuohpü mohohbaong yah-ei hapakei ling, hatü jomphongi Baal kahvangei men kü dhom kübü om dhüshi, “Oh Baal kahvang, hami phoppü kü jangshih!” shei phop. Shejao meheyao jangpü neshiü; üpaiyao nejangshuoh. Jomi linghahpü moidü shinei phauktei.

KAHBHAO 20:17

Hapheikü Abrahami Kahvang kü phop, hatü Kahvangi Abimelekh, chenyüha hatü nyüha aathü peü hapeü anghen mü meitükshuoh;