JEREMIAH 26:9 - DAÜLANGPÜ LAIHING (BSI)

⁹ Mehekei nüngi Shembüpalei men kü hapa phopshem Shiloh kei leidaihen, hatü hapa chingnyü shennyak nenyui lavüngtoiyei leitükhen shei epa?” shei e, hatü Shembüpalei shemei Jeremiah shonei nanglakthü thai.

JEREMIAH 26:9 Referans Kwoze

PHONGSHANTHÜ DOU 22:22

Jomi hajük thahshi mon Pauli epü bang. Hapheikü jomi shao ngeü anei, “Kahdoknyü kübü büpa jütüktuh; büpa yemmü nyuhen nehanpih” shei lenteke.

PHONGSHANTHÜ DOU 21:30

Hahepak kü chingnyü kemei mopteke, hatü shennyakthü chemi mokei heih. Jomi Paul yepei phopshem leipü shüei ngai, hatü shüshülangi sha küptük.

PHONGSHANTHÜ DOU 13:50

Shejao Jehoda ami chingnyü kübü Kung am shennyak mübüthü hatü Kahvang kü vaipü noknyü kü laphen shaopü nyühathü kü ühing ittü Paul hi Barnabas nyi kü shüveitü hapa moidoi leipü changtük.

PHONGSHANTHÜ DOU 6:14

mehenangkü hapa Nazareth am Jisui hapa shing mangtükhen hatü Mosai jen kü shuohpü vanglem yeiyatükhen shei büpai epü hami dantepih” shei eteke.

PHONGSHANTHÜ DOU 5:28

“Hami amphong kü hapa men jung nenyuhhen hami am kü ngeükhüam wongmü shuohphei, shejao hatouei amphongi Jerusalemü ammei nyuhpüvenpai mateke, hatü amphongi hapa shennyakei iy ham shak kü kohühen temnyu khih” shei e.

JOHAN 8:59

Hanangkü jomi büpa kü shükhen yaong hom, shejao Jisu jodai, hatü phopshem leipü lüdai.

JOHAN 8:20

Jisui hathü shah phopshem mop jaoshingei nyuh-ei nyushi e, shejao üpaiyao büpa neyep; mehenangkü büpalei hepak shao-üng mangngoi-i nyuteke.

MARK 15:11

Shejao ngongpathüi Barabbas jeiyei ngaishih shei ehen nanglakthü kü nangthongteke.

MATHI 27:20

Shejao ngongpathü hatü behethüi Barabbas vehen shejao Jisu jühen nangkü khong yawhlang.

MATHI 21:23

Jisu phopshemei shüei nyuh-ei nyushingkü ngongpathü hatü behethü büpa touei peiyei, “Nüngi mehe wongi hathü dou düknya, hatü nüng kü üpai hapa wong shuohpa?” shei phe.

MIKA 2:6

“Teteivanei chongtevenkei” “hathü dou nang tetpüvanpü te-ekei, meheyao hanghi nepeiküpih shei jomei thibüthüi enyüke.”

AMOS 5:10

Shahphen shingei shahhing ne-epüthü kü yeanpü shennyak kü ammi jiühitnyüke, hatü shahhing epü shennyak küang eelanyüke.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

ISAIAH 29:21

Mih kü ühingpüthü, nemeipüthü kü hanghi shuohjü ha kü khüambakpüthü, hatü jiüpü shennyak meheyao ten neshiüpü kü nyongtükpüthü mahkemhen.

2 SHÜPPÜKENGPÜ 25:16

Mechem büpai ha eyei nyupa, ongpai büpa kü, “Hami nüngü ongpa kü shahnying venhen jepü je? Shah te-e; hei nevaijema jühen” shei e. Hanangkü thibüpai shah epü doh shejao eteke, “Mehenangkü nüngi ha dükpü nangkü Kahvangi nüng jütükhen temei nyüke shei ngei nyingnyüke, hatü nüngi ngei epü kü nebang.”

PHONGSHANTHÜ DOU 3:11

Mechem büpa Peter hi Johan nyi kü shongshi nyupa, thamaei nanglakthü chemi jomphong touei Solomonei Shemshom touei heih.

PHONGSHANTHÜ DOU 5:12

Shaang phongshanthü homei yashanyale, nyangeihepü hatü thamapü dou longi nanglakthü kü dük. Vaipüthü peü chemi Solomonei Shemshom shei epü shingei thai.

JOSHUA 18:1

Hapheikü Israel am khong kemei Shilohlei thai, hatü halei ashakshem veteke. Jomi vehok neü, hatü kahdok jom phangkü tuh.

JEREMIAH 32:3

Judah ongpa Zedekiah-i Jeremiah yepei khoklat kü hapakei epü nangkü küpteke, “Nüngi hapakei teteivanei epeih, ‘Shembüpai hapakei enyüke: Ngei hapa chingnyü Babylon ongpalei lak kü shuohtükhen hatü büpai ha hahtükhen.

JEREMIAH 33:10

Shembüpai hapakei enyüke: Ammi hapa shingkü, “Shennyak hatü yemhimak nenyuphei keyü angsha hih” shei eteihamteke. Shejao Judah hatü Jerusalem chingyangshong yemhimakao neshiüi nyupü shingkü,

JEREMIAH 36:29

Shao ongpa Jehoiakim kü Shembüpai hapakei enyüke shei etuh: Nüngi hapa laidü jaktüktü, “Mehekei nüngi Babylon ong peiyei hapa kahdok mangtüktü haleipü nyüha baha hatü yemhimak kemei jütükhen shei nyangpa?” shei eteke.

YOUNG LAI 4:13

Shejao hapayü thibüthülei mang tata kü, hatü ngongpathüi mang neshiüpü hangku jütükpü nangkü vampü khih.