JEREMIAH 26:5 - DAÜLANGPÜ LAIHING (BSI)

⁵ hatü ammi nebangjao ngei am touei leiyei leiyei shompü ngei chongphopü thibüthülei shah nebangjema,

JEREMIAH 26:5 Referans Kwoze

JEREMIAH 11:7

Ngei ambü ampa Ijip leipü müei daipü nyih mebü shinnyih thahshi, ‘Ngelei shah bangtuh’ shei leiyei leiyei shahvüng shuohpeih.

JEREMIAH 7:25

Ambü ampa am Ijip leipü vamei daipü nyih mebü shinnyih thahshi nyihjeih ngei ngelei chongphopü thibüthü jom touei shompeih;

JEREMIAH 7:13

Shaang, ammi hathü dou peü dükpü nangkü, shei Shembüpai enyüke, hatü ngei nedoh-i am kü eteke, shejao ammi ha nebang; mechem ngei am kü nyük, ammi nejangpeih;

EZRA 9:11

nüng chongphopü thibüthü homei ham kü, “Am peiyei yahhen nyupü kahdokü halei nyupü shennyakthüi jomei jiühitnalai dou homei sheihtükpü nedaünelangpü kahdok khih. Jomi kahdok jung hük kübü jung hük thahshi nedaünelangpai matükteke.

2 ONGPATHÜ 9:7

Nüngi nüngei shembü Ahab am shem jütükkemtuh, hatü ngei ngelei chongphobü thibüthü, hatü ngelei lebü chongphobüthülei iy Jezebel homei yenhüpü bhüh yemhen hih.

SHAKEI VAMPÜ 11:18

Kahmükthü mongpuk vamteke, shejao nüngei mongshih peiteke, hatü dipüthü kü shahphenhen, nüng chongphopü thibüthü, daülangpüthü hatü nüngei men kü nyempü longpü maanpü peü kü thintho shuohhen, hatü kahdoknyü mangtükpüthü mahtükhen hepak ngoiteke.”

SHAKEI VAMPÜ 10:7

shejao nyetpabü vangsho phongshani büpalei amit vünghen nyihthü kü Kahvangei doujo büpai laophü chongphopü thibüthü kü epükei vamkahen.”

ZEKHARIAH 1:6

Ngelei shahthü hatü ngelei shahkungnyüthü ngei chongphopü thibüthü homei eteke, shejao ambü ampai ha bangphei hiang hatü hanghi nepongangpü je? Hanangkü jom mong lep, hatü eteke, “Jeiyong Shembüpai jen kü jenei lemthü hatü douthü kü shangpükei büpai dükhen shei tempükei jen kü dükphüteke.”

AMOS 3:7

Hingmei, Shembüpai büpalei küpjan büpa chongphopü thibüthü kü ne-epheikü meheyao nedüknyih.

EZEKIEL 38:17

Shembüpa Kahvangi hapakei enyüke: Ngelei chongphobü Israel amei thibüthü homei shelei mebü ngei eyei heihpeyü nüng vaila? Hathü nyih kü ngei ngelei nanglak Israel am khüei nüng müei peihen shei vangbong longi jomi tetei heihteke.

2 ONGPATHÜ 24:2

Shembüpai büpa khüei Babylon am, Aram am, Moab am, Ammon am shom. Shembüpalei shah büpalei chongphopü thibüthüi epü keiha Judah am hahhen büpai hathü jatthü shom.

2 ONGPATHÜ 17:23

hatü Shembüpai büpa chongphopü thibüthü homei epükei Israel am büpa toueipü mangchangtük thahshi hapa mang kübü neyan. Hanangkü Israel amü laophülei kahdok kübü Assyria kahdokei shinnyih thahshi wüpküpei daiyei nyüpeih.

2 ONGPATHÜ 17:13

Shembüpai Israel hatü Judah kü büpalei thibüthü, hatü manghkhangthü homei, “Ammi ammei mang lemthü kübü mong leptuh, hatü ngei ammei bühipathü kü dükhen shuohpü, hatü ngei am kao ngei chongphopü thibüthü homei shuohpü shahkungnyüthü bangei düktuh” shei shahvüng shuoh-ei eteke.

JEREMIAH 29:19

mehenangkü jomi ngelei shah nebang, shei Shembüpai enyüke; ngei chongphopü thibüthü homei jom kü nedoh-i epü ngelei shah nebang” shei Shembüpai enyüke.

JEREMIAH 32:33

Jomi ngei kü jomei dhe nemee, dok leppeih; ngei düngei jom kü nyuhjao jomi ha nebang nevaijü ngei ungei-aeipü phangkü neshüpeih.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

JEREMIAH 35:17

Hanangkü Jeiyong Shembüpa Kahvang, Israel Kahvangi hapakei enyüke: Ngei Judah hatü Jerusalemei nyupüthü peü kü jom kü shuohhen shei epü shanghah shuohhen; mehenangkü ngei jom kü ephei shejao jomi nebang, ngei jom kü nyükjü jomi nejangnyu.

JEREMIAH 44:4

Nedoh-i ngei ngelei chongphobü thibüthü shomei, ‘Ngei nelümbenüng jiühitnalai dou tedük!’ shei etepih.