JEREMIAH 26:4 - DAÜLANGPÜ LAIHING (BSI)

⁴ Shembüpai hapakei enyüke shei jom kü etuh: Ammi ngelei shah nebangjema hatü ngei am kü shuohpü shahkung kü nemüjema,

JEREMIAH 26:4 Referans Kwoze

1 ONGPATHÜ 9:6

Shejao nüng nevaijü nüngei hühihathüi ngei toueipü yanei lüdaijema, hatü ngei am kü shuohpü shahkungnyü hatü vanglemthü kü nekami daiyei lebü kahvangthü chongphoei hathü kü khümjema,

JEREMIAH 44:10

Shinnyih thahshi jom nyingi maanpü nelei nevaijü dhüm nehunyu, nevaijü ngei am hatü ambü ampa mü tuhpü ngelei shahkung hatü vanglem kü nemünyu.

ISAIAH 1:20

Shejao amphongi ha yaktüktü ngei khüei yaongjema, amphong mih-ei yannah-i mahhen.’ Mehenangkü Shembüpalei jui ha eteke.

HEBREW 6:18

Mechemao nejeileaokpü doulem nyi nyüke. Mechem Kahvangi lemhük ehen, büpai shahshem ne-enyih, hatü mechem büpai lahhen shahshemi nelahnyih. Hanangkü jen üami büpa touei dhümloi dang, jen touei temei nyupü monglem kü wongshongi shonghen shingvaishi hapai jen kü wong hatü nyiushemmei shuohnyeih.

SHAHKÜP 31:20

Mechem ngei jomei chebü chepa kü lahpü amma hatü nyahjiü yenpü kahdokei müei daihen hatü mechem jomi mohmeiyei hahtü nyiushem kü nyuhenshang, jomi ngei tuhphongtü ngei mü vangpüshuwpü mangei lebü kahvangthü touei lepei hathü kü khümhen,

SHAHKÜP 11:32

ngei shinnyih am touei tuhphopü shahkungthü ven banghen kenhingtuh.

SHAHKÜP 4:44

Hapayü Mosai Israel am kü shuohpü Kahvangei shahkungnyü nyüke.

SHAHKÜP 4:8

Ngei shinnyih amphong kü shuohpü shahhing shahkung kei lebü longpü üam jatthülei hapa keipü shahkung hatü vanglemthü nyüpa?

JEREMIAH 17:27

Shejao ammi Sabbath nyih Jerusalem penyüsha homei hanggo kotü neshüpü homei Sabbath nyih daülangi tuhtuh shei ngei epü nebangjema, ngei Jerusalem penyüshathü kü mechemao nemethen aw vamhühen hatü hapai penyüshathü hahtükhen.’ ”

JEREMIAH 22:5

Shejao nüngi hathü shahkungthü nebangjema, hapa ongshemü lavüngtoiyei leitükhen shei ngei lahnyeih” shei Shembüpai enyüke.

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”

JEREMIAH 44:23

Ammi ayingshü jakei Shembüpa khüei mang thah hatü büpalei shah nebang nevaijü büpalei shahkung hatü vanglem kü nemüpü nangkü ammi shaang ponghahpü shanghah am kü peipeih” shei e.

JEREMIAH 7:14

hanangkü ammi mongnyangpü, ngei kü khümpü shem kü ngei Shiloh kü dükshuohpü keiha ngei ambü ampa kü shuohpü hapa shing kü dükhen.