JEREMIAH 26:21 - DAÜLANGPÜ LAIHING (BSI)

²¹ Mechem Jehoiakim hatü büpalei lakchongbüthü hatü veshanthüi Uriah-i epü shahthü danpa, ongpai büpa jühen yem, shejao mechem Uriah-i hapa danpa, büpa nyemei Ijiplei laongei yiüdai.

JEREMIAH 26:21 Referans Kwoze

MATHI 10:23

Mechem jomi am kü jila hükei shüveiphahen, hükpalei nyaidaituh; mehenangkü hingmei ngei am kü eshah, Shennyak Ha yiüshekü amphong Israel jilathü peü kü daiyei nekemi nyuhen hih.

MATHI 14:5

Herodi büpa jütükhüei deihjao büpai Jehoda am kü nyemei deih; mehenangkü jomi büpayü thibü hük shei ehamteke.

JEREMIAH 36:26

Ha nangjei, ongpai Jerahmeel ongpalei hapeü hük, Azrielei cheha Seraiah hatü Abdeelei cheha Shelemiah hathü kü Barukh nyangbü hatü Jeremiah thibü nyi yeptuh shei shahkung shuoh. Shejao Shembüpai jiji jotük.

2 SHÜPPÜKENGPÜ 16:10

Hapa thibüpai ha eshuohpü nangkü Asa longi mongshih; büpa longi mongshih-ei büpa yepei khoklatei tuh. Hahepak kü-üng nanglak hanei kü longi nemei-i shüvei.

MARK 6:19

Herodias-i büpa khüei ten deihshi nyu hatü jütükhüei deih, shejao nejüaok;

MATHI 10:39

Üami laophülei yangnyu dangnya, ha mahtükhen, hatü üami ngelei men kü jomei yangnyu mahtükhen, ha danghen.

MATHI 10:28

Üami büm mon jütü laangha nejüaok, hathü kü tenyem, shejao üpai laangha hatü büm nyiphen molo aw kü mahtükaok, büpa kü nyemtuh.

KANDOK 29:25

Shennyak kü nyempeyü aethitai leinyüpeih, shejao üpai Shembüpa kü nyemnya, yangei nyuhen.

MENVIH KESHO 119:109

Ngelei yangnyu ngelei lakei noshi nyüpükei ngei deihjao, ngei nüngei shahkungnyü nebepih.

2 SHÜPPÜKENGPÜ 24:21

Shejao jomi büpa khüei yaong, hatü ongpalei ngeükhüam homei jomi büpa yaongi shükei phopshem chingshelei jütük.

JEREMIAH 26:10

Mechem Judah am lakchongbüthüi ha jung danpa, jomi ongshem kübü Shembüpalei shemei aong, hatü phopshem kü Shaden Ja shadenei uo.

JEREMIAH 38:4

Hahepak kü lakchongbüthüi ongpa kü, “Hapa shennyakü jütükhen vaipü khih. Mehenangkü büpai epü shah homei hapa chingnyülei nyupü veshanthü hatü nanglakthü mong maanhütüknyüke. Hapa shennyakiyü nanglak meihen nevai, jom lomohhühen mon yemnyüke” shei e.

1 ONGPATHÜ 18:10

Shembüpa, nüngei vanyangyem Kahvangei men kü enyeih; nüng yemnüng ngelei shembü ongpai shennyak neshompü mepa jat nevaijü mepa ongchingao neshiüpih, hatü mechem jomi, “Büpa halei nenyu” shei eshuohhenshang büpai hapa jat nevaijü ongching kü, “Hami nüng ne-eeangpih” shei vangeishuwei ehampü vaai.