JEREMIAH 26:2 - DAÜLANGPÜ LAIHING (BSI)

² Shembüpai hapakei enyüke: Shembüpalei shahphen shingei yaongtuh, hatü Shembüpalei shemei khümnüng peipü Judah jilathü kübü nanglakthü kü ha etuh. Ngei nüng kü epü lemphü eyeishuoh; shah phahükao te-am.

JEREMIAH 26:2 Referans Kwoze

SHAHKÜP 4:2

Ngei epü kü amphongi meheyao te-ü nevaijü haleipü meheyao teyaktük, shejao ngei am kü shuohpü Shembüpa, ammei Kahvangei shah bangtuh.

PHONGSHANTHÜ DOU 20:27

mehenangkü Kahvangei küpjan kempü ngei am kü ne-e-i shümei netuh-angpih.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

JEREMIAH 19:14

Hapheikü Jeremiah-i teteivanei ehen shingvaishi Shembüpai Tophethlei shompü kübü nyokei lei, hatü Shembüpalei phopshem chingshelei yaongtü büpai nanglakthü kü,

JEREMIAH 1:17

Shejao nüng payü shünglok loktuh, hatü yaongei ngei nüng kü epü lemphüli jom kü eyeishuoh. Nüngi jom kü tenyem, hei nevaijema jom touei ngei nüng longi nyemhühen.

PHONGSHANTHÜ DOU 20:20

Am kü sheühhen kü lemhükao shümei netuhlangi am kü shahjangmei ngaiheyei nyuh-ei shem shem leiyao nyutepih.

PHONGSHANTHÜ DOU 5:42

Nyihjeih phopshemei hatü shem shem kü jomi Jisu-ü Messiah shei nyuhpü hatü baongpü nedoh-i nyu.

JOHAN 18:20

Jisui jangei, “Ngei kahdoknyü kü ngaiheyei etepih; ngei düngei Jehoda am peü thaipü Sinagog hatü phopshemei nyuh-ei nyuhampeih. Ngei joei meheyao ne-eangpih.

EZEKIEL 3:10

Büpai ngei kü, ‘Shennyak ha, ngei nüng kü epü shahthü kemei nüngei mongei yahtuh hatü nüngei dhaongi bangei yahtuh;

JEREMIAH 36:10

Nanglak peüi danshi Barukh-i Shembüpalei shem Shaden Ja touei jaandokei nyupü Shaphanei cheha laknyangbü Gemariahlei dungnukei yaongtü Jeremiah-i epü shah Shembüpalei shemei ha ieteke.

JEREMIAH 23:28

Mangh manghpü thibüthüi mangh etuh, shejao üpa kü ngelei shah nyu, hingshangi ha etuh. Hah mü hahtang melei shetteiaokhen? shei Shembüpai enyüke.

JEREMIAH 7:2

Shembüpalei phopshem shadenei yaongtü hapa shahjang baongtuh: “Am Judah nanglakthü üami hapa shem shaden homei peinya, Shembüpalei shah bangtuh.

SHAHKÜP 12:32

Ngei am kü epü lemphüli düktuh; ha kü meheyao te-ü, nevaijü haleipü meheyao teyaktük.

SHAKEI VAMPÜ 22:19

hanei ami hapa thihivam lai shah kübü yah-ei yaktükjema hapa lailei eyei nyupükei Kahvangi yangnyu pü kübü hatü hapa daülangpü chingnyü büpalei hean yahlanghen.

PHONGSHANTHÜ DOU 5:25

Hahepak kü hanei am peiyei, “Veituh, amphongi khoklatei yepei küppü shennyakthüyü phopshemei yaongshi shennyakthü kü nyuhnyüke” shei lenei e.

JOHAN 8:2

Dhom mü shao büpa phopshemei pei. Shennyakthü peü büpa touei pei, hatü büpai jomphong kü nyuhhen pang.

LUK SHAHSHA APPÜ 19:47

Nyihjeih büpai phopshemei nyuh-ei nyu. Ngongpathü, shahkung nyuhbüthü, nanglak mübüthü peüi büpa jühen lem yemei nyu;

JEREMIAH 42:4

Jeremiah thibüi jomphong kü, “Meiteke, amphongi epükei ngei Shembüpa, ammei Kahvang kü phophen, hatü Shembüpai mehe jangei ephahen, ha ngei am kü ephahen; ngei meheyao am kü ne-epha-i netuhlangpih” shei e.

SHAHKÜP 12:5

Am jatthülei kahmük peü khongkü Shembüpai büpalei men tuhhen shingvaishi shing hük jehen; halei nanglakthü peü peiyei büpa kü khümhen.

JEREMIAH 7:27

Hanangkü nüngi hathü shah kemei jom kü eyeishuoh, shejao jomi ha kü nebangkahen. Nüngi jom kü nyükjao jomi nejangphahen.

EZEKIEL 33:7

Hanangkü shennyak ha, ngei nüngü Israel am jat shingvaishi yombü hük leihüpeih; mechem nüngi ngelei ju kübü shah danhenshang, nüngi jomphong kü ngelei shahvüng shuohtuh.

EZEKIEL 40:4

Hapa shennyaki ngei kü, “Shennyak ha, nüngei müki veituh, nüngei dhaongi bangtuh hatü ngei mehe huphahen, ha kü mong shuohtuh; hapa nadang kü nüng hatouei deipeih. Nüngi eepü lemphüli Israel phang kü etuh” shei ephüteke.

JOSHUA 8:35

Israel am khong nyüha, hashih hatü jom mü lakeiloiyei nyupüthü thaipü touei Mosai epü shahjük hükao Joshua-i ne-ie-i netuhphong.

JEREMIAH 1:7

Shejao Shembüpai ngei kü, “Ngeiyü hashih hih shei te-e; mehenangkü ngei nüng üam touei shomhen, hathü peü touei daihen, hatü ngei mehe nüng kü etuh shei e, ha nüngi ehen.

JEREMIAH 25:2

Hapakei Jeremiah thibüi Judah nanglak hatü Jerusalemei nyupüthü peü kü eteke:

JEREMIAH 28:5

Hahepak kü Shembüpalei shemei yaongpü ngongpathü hatü nanglakthü nyushi Jeremiah thibüi Hananiah thibü kü jangei eteke.