JEREMIAH 26:18 - DAÜLANGPÜ LAIHING (BSI)

¹⁸ Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

JEREMIAH 26:18 Referans Kwoze

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

MIKA 1:1

Judah amei ongthü Jotham, Ahaz, Hezekiah, hathüi vanglem lempü denshem kü Samaria hatü Jerusalem nangkü Moresheth am Mikah touei shakei vampü Shembüpalei shah büpai eepü manghkhang.

NEHEMIAH 4:2

Büpai büpalei sheühbüthü hatü Samaria leipü veshanthü touei, “Jehoda am patenthüi mehe lingnya? Jomi bham lingei leiaokhen je? Jomi moila shuoh-ei aokhen je? Jomi nyih hük kü temaokhen je? Awi hahtükpü yaongthü khongpü shao mei leiyei lingaokhen je?” shei eteke.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

JEREMIAH 17:3

Ammei kahmük kempülei ammei mang nangkü ngelei kahshang, ammei mophimo, hatü dounyünangba mü ammei vaümchongthü peü vepathü kü shuohtükhen.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

MENVIH KESHO 79:1

Oh Kahvang, jatthüi nüngei mükjüp kahdokei peiteke; jomi nüngei daülangpü phopshem sheihtük; jomi Jerusalem mangtükteke.

JEREMIAH 51:37

Babylonü benpülangpü nyüp yakshing leitükhen, shahhishuwlei jep leitükhen, Üpaiyao nenyupü nyembenüng, hatü eelanyongnya shing leitükhen.

2 ONGPATHÜ 19:25

Nüngi ha nedanangpü je? ngei ha tempheikü hepak longi daiteke, penyü showtükpü chingnyüthü nyüp yakshing leitükhen shei ngei aivang den mebü küpjan tempeih, hatü ha shaang dhaümnyu khih.

2 SHÜPPÜKENGPÜ 32:26

Shomshi Hezekiah hatü Jerusalem nanglakthüi jom changmeipü nangkü maanpü lei; hanangkü Hezekiahlei nyih kü Shembüpa mongshihpü jom kü nepei.

MIKA 4:1

Dohpü nyih kü hapa vamkahen: Hakei-üng Shembüpalei phopshem kahshangü peü mü shaopü kahshang leihen; Kahshangthü peü khongkü shaoshi linghen, hatü shennyakthü halei bhümei shühen.