JEREMIAH 25:7 - DAÜLANGPÜ LAIHING (BSI)

⁷ “Shejao amü laophü nyingi ma yahhen mü ammi ngei epü nebangi ammei lakdou-i ngei mongshihhüpeih” shei Shembüpai enyüke.

JEREMIAH 25:7 Referans Kwoze

2 ONGPATHÜ 21:15

mehenangkü jomei bühipa Ijip kübü vamei leipü nyih kübü shinnyih thahshi jomi ngei touei mang dük, hatü ngei mongshih vamhüteke” shei Shembüpai eteke.

KANDOK 8:36

Shejao üami ngei nedangnya, jom nyingi ma yahnyüke; Üami ngei kü jiühitnya, dipü kü bamnyüke.

2 ONGPATHÜ 17:17

Jomi jomei hapeüthü aw kü jakei moila shuoh. Jomi phongyom thiphepü lemphü düktei, hatü Shembüpa mongshihhüei büpa touei mang dükhen shingvaishi jom nyingi jom yutük.

SHAHKÜP 32:21

Jomi kahvang nevaipü dou hüki ngei mükhühhüteke, jomei yahlak neshiüpü lajei-i ngei mongshihhüteke. Nanglak nevaipü jatthü ngei noteihen, hatü jomi ha kü mong yunghühen. Ngapa jatthü ngei noteihen, hatü ha kü jom mongshihhühen.

NEHEMIAH 9:26

Shejao jomi ven nedani nüng khüei yaong; jomi nüngei shahkung ngaümpheilei tuhphong. Jomi nüng touei mong lepei leihen shahvüng shuohpü thibüthü jütük; jomi nüng kü ne-ienelemi nyembenüng mang thah.

JEREMIAH 25:8

Hanangkü Jeiyong Shembüpai hapakei enyüke: Ammi ngelei shah nebangpü nangkü,

JEREMIAH 44:8

Ammei lakdoui hatü am nyupü Ijip kahdokei lebü kahvangthü kü moila shuoh-ei mehekei ngei mongshihhünya? Am laophü nying mahhen, hatü kahdoknyü jatthü peü touei thaüvaü hatü eelatükpü dou hük leihen.

2 SHÜPPÜKENGPÜ 24:19

Shejao jom mong lepei leihen shingvaishi Shembüpai thibüthü shom, shejao jomi hathü kü nebang.

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

JEREMIAH 22:21

Nüng angeideiyei nyushi ngei etepih, “Ngei ha kü nebangpih” shei nüngi epeih. Hashih mebü-üng ngelei shah nebangpeyü nüngei vanglem vaihampeih.

JEREMIAH 29:19

mehenangkü jomi ngelei shah nebang, shei Shembüpai enyüke; ngei chongphopü thibüthü homei jom kü nedoh-i epü ngelei shah nebang” shei Shembüpai enyüke.

JEREMIAH 44:7

Shaang Shembüpa, Jeiyong Kahvang, Israel Kahvangi hapakei enyüke: Judah leipü baha, nyüha hashih naüha jütüktü lihila netuhhen mü mehekei am nyingi henüng keipü shanghah vongshüh koei peihahnya?

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.