JEREMIAH 25:3 - DAÜLANGPÜ LAIHING (BSI)

³ Judah am Amonei cheha Josiah-i ong vaipü bong anpüjempabü kü pangei shinnyih ngoishi bong hapüjem mongkü Shembüpalei shah ngei touei peiteke, hatü nedoh-i ngei am kü etepih, shejao ammi ha nebangpeih.

JEREMIAH 25:3 Referans Kwoze

JEREMIAH 26:5

hatü ammi nebangjao ngei am touei leiyei leiyei shompü ngei chongphopü thibüthülei shah nebangjema,

JEREMIAH 11:7

Ngei ambü ampa Ijip leipü müei daipü nyih mebü shinnyih thahshi, ‘Ngelei shah bangtuh’ shei leiyei leiyei shahvüng shuohpeih.

JEREMIAH 1:2

Amonei cheha Josiah-i Judah kü vanglem lempü bong anpüjempabü kü Shembüpalei shah büpa touei pei,

JEREMIAH 7:13

Shaang, ammi hathü dou peü dükpü nangkü, shei Shembüpai enyüke, hatü ngei nedoh-i am kü eteke, shejao ammi ha nebang; mechem ngei am kü nyük, ammi nejangpeih;

JEREMIAH 29:19

mehenangkü jomi ngelei shah nebang, shei Shembüpai enyüke; ngei chongphopü thibüthü homei jom kü nedoh-i epü ngelei shah nebang” shei Shembüpai enyüke.

2 SHÜPPÜKENGPÜ 34:8

Josiah vanglem lempü bong anpüshetpabü kü kahdok hatü phopshem daüpheikü büpai Azaliahlei cheha Shaphan hatü Jerusalem leipü governor Maaseiah mü Joahazlei cheha Joah nyangbü shei Shembüpa, büpalei Kahvangei phopshem lingei leihen shom.

2 SHÜPPÜKENGPÜ 34:3

Büpa vanglem lempü bong shetpabü maanpü hashih hük nyushi büpai chebü Davidei Kahvang yemhen chongpang. Bong anpünyipabü kü büpai Judah hatü Jerusalem kübü vaümchongthü, Asherah nyüha kahvangei lajeithü hatü lebü lajeithü peü mangei yaktükhen chongpang.

2 TIMOTI 4:2

Shahjangmei chongventuh; dühü kü hatü dühü nevaipü hepak kü temei nyutuh, inyainyempü longpai, hatü kenhingei nyuhpai nejiüpü kü yeantuh, loh-eishuoh, hatü nangthongtuh.

JOHAN 8:47

Üam Kahvang leipü nyüpa, Kahvangei shahthü bangnyeih. Amphongi hathü nebangpü lappeyü amphongü Kahvang leipü nevai” shei e.

JOHAN 8:2

Dhom mü shao büpa phopshemei pei. Shennyakthü peü büpa touei pei, hatü büpai jomphong kü nyuhhen pang.

MARK 1:35

Nepphei vangngai pibom kü büpa lomi paoei daiyei vüngmakpü shing hükei phop.

JEREMIAH 44:4

Nedoh-i ngei ngelei chongphobü thibüthü shomei, ‘Ngei nelümbenüng jiühitnalai dou tedük!’ shei etepih.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

JEREMIAH 25:4

Shembüpai nedoh-i büpalei thibüthü shomteke, shejao ammi nebang.

ISAIAH 55:2

Hahying nevaipü kü mehekei ammi lop tüknya? Mepai am hüneshemhü, ha kü mehekei nang mahnya? Ngei epü kü kenhingei bangtuh: mehe mei, ha hahtuh, hatü hetmei kü mong hüshemtuh.

MENVIH KESHO 81:13

Oh ngelei nanglakthüi ngelei shah danlangmeyü, Israel ami ngelei lemthü kü kamlangmeyü

1 ONGPATHÜ 22:3

Israel ongpai büpalei lakchongbüthü kü, “Ramoth-Gileadü jenei kahdok shei nyingla? Shejao jeni Aram ongpalei lak leipü hapa nyokei leilanghen meheyao nedüknyu khihma!” shei e.

MÜLANGPÜ 8:20

Shembüpai Mosa kü, “Dhom mü lomi paotuh hatü Pharaoh yungei yiüküjü pongteiyei büpa kü Shembüpai hapakei enyüke shei etuh: Jomphong ngei kü khümhen shingvaishi ngelei nanglakthü leishihtuh.

KAHBHAO 22:3

Hanangkü Abrahami dhom mü lomi büpalei gadu kü uotü büpa mü nethe nyi hatü cheha Isak mü, hatü moila jakhen pü yah-ei kotü Kahvangi büpa kü hushuohpü tailu shing hükei dai.

2 SHÜPPÜKENGPÜ 34:1

Mechem Josiah ong vaipa, büpa nyübüh vangbong shet nyu, hatü büpa Jerusalemei bong hapüanpühük vanglem lem.

2 SHÜPPÜKENGPÜ 36:15

Shembüpa, chebü chepalei Kahvangi laophülei nanglak hatü büpalei nyushing kü bampü nangkü büpalei shahjang kobüthü homei nedoh-i shah shom,

JEREMIAH 7:25

Ambü ampa am Ijip leipü vamei daipü nyih mebü shinnyih thahshi nyihjeih ngei ngelei chongphopü thibüthü jom touei shompeih;

JEREMIAH 32:33

Jomi ngei kü jomei dhe nemee, dok leppeih; ngei düngei jom kü nyuhjao jomi ha nebang nevaijü ngei ungei-aeipü phangkü neshüpeih.

JEREMIAH 35:14

Rekhabei cheha Jonadabi büpalei hapeüthü kü yiü neyinghen ngeükhüam shuohteke hatü ha shahkung noteiyei dainyüke. Shinnyih thahshi jomi yiü neyingnyu; mehenangkü jomi chebü chepalei shahkung bangnyüke. Ngei am kü leiyei leiyei ephei hih shejao ammi ngei epü nebang.

JEREMIAH 36:1

Josiahlei cheha Jehoiakimi Judah kü ong vaipü bong alipabü kü SHEMBÜPAleipü hapa shah Jeremiah touei pei:

JEREMIAH 36:2

“Laidü hük yahtuh hatü ngei Israel, Judah hatü lebü jatthü nangkü Josiah-i vanglem lempü hepak kübü eyei heihdaipü shinnyih thahshi etükpü shahthü peü ha kü nyangtuh.

2 ONGPATHÜ 17:13

Shembüpai Israel hatü Judah kü büpalei thibüthü, hatü manghkhangthü homei, “Ammi ammei mang lemthü kübü mong leptuh, hatü ngei ammei bühipathü kü dükhen shuohpü, hatü ngei am kao ngei chongphopü thibüthü homei shuohpü shahkungnyüthü bangei düktuh” shei shahvüng shuoh-ei eteke.

2 SHÜPPÜKENGPÜ 24:19

Shejao jom mong lepei leihen shingvaishi Shembüpai thibüthü shom, shejao jomi hathü kü nebang.

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

JEREMIAH 22:21

Nüng angeideiyei nyushi ngei etepih, “Ngei ha kü nebangpih” shei nüngi epeih. Hashih mebü-üng ngelei shah nebangpeyü nüngei vanglem vaihampeih.

EZEKIEL 33:4

hatü hanei-i ha dantü, ha shahvüng kü nehaka-i nyupü nangkü vepa peiyei büpa jütükjema, büpa mahpü iy büpalei shangjing kü kohen.

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.