JEREMIAH 24:9 - DAÜLANGPÜ LAIHING (BSI)

⁹ Ngei jomü kahdoknyü jatthü peü touei nyemhübenüng, mang dou leihühen, ngei metouei jom changei deishihhen, halei jomü peüi yaüpülungpü, mihnyi pü, eelanyongnya dou hatü thaüvaüthemthe leihühen.

JEREMIAH 24:9 Referans Kwoze

JEREMIAH 29:18

Ngei jom kü yan, münghishaü, hatü chamhilemi changhen, hatü melei ngei jom shomhen hatouei jomü kahdoknyü ongchingthü peü touei jiühitbenüng, thaüvaütükpü dou, nyembenüng, eelanyongnya leihühen;

JEREMIAH 15:4

Hezekiahlei cheha Manasseh, Judah ongpai Jerusalemei dükpü dou tata kü lebü jatthü touei ngei hathüyü jiühitbenüng kei leihühen.”

SHAHKÜP 28:37

Shembüpai am haitükhen kahmükthü kübü nanglakthüi am ponghahpü eetü haneitophen hatü am kü nyennyangei naamnyi nyiphahen.

JEREMIAH 34:17

Hanangkü Shembüpai hapakei enyüke: Ammi ngelei shah nebang; amphongi jempü Israel am kü bümei hean neshuohpü nangkü shaang ngei am kü bümei hean shuohnyeihhapa bümei heanü yan, cham hatü münghishaü homei mahhen shuohnyeih shei Shembüpai enyüke. Ngei amphongü kahdoknyü jatthü peü touei jiühitbenüng leihühen.

1 ONGPATHÜ 9:7

ngei Israel nanglakthü kü shuohpü kahdok kübü jom changtükhen, hatü ngelei men kü khümhen shingvaishi ngei daütükpü hapa Phopshem ngei yaktükhen. Hahepak keyü mih jathili touei mihnyipü leihen, hatü peüi yaüeilungei ehen.

JEREMIAH 29:22

Jom nangkü Judah am Babylon wüpküpei nyupüthü peüi hapa thaüvaü shah noteihen, ‘Babylon ongpai Zedekiah hatü Ahab nyi aw kü jaktükpükei Shembüpai am kao dükphahen.’

JEREMIAH 26:6

ngei hapa shemü Shiloh kei leitükhen, hatü hapa chingnyü-ü kahdok shak kübü jatthü khongkü thaüvaütükpü dou hük leitükhen.

JEREMIAH 25:18

Jerusalem hatü Judah jilathü, haleipü ong hatü lakchongbüthü, jom shinnyih nyupükei lavüngtoiyei leihühen, peüi yaüpülungpü, mihnyi pü, eelanyongnya dou hatü thaüvaüthemthe leihühen;

ISAIAH 65:15

Ammei menü ngei jepüthüi thaüvaüteihen shingvaishi tuhphonghen, hatü Shembüpa Kahvangi am dihühen; shejao büpa chongphopüthü kü büpai lebü men shuohhen.

2 SHÜPPÜKENGPÜ 7:20

ngei Israel am kü shuohpü kahdok kübü bhitükhen, hatü ngei kü khümhen daütükpü hapa phopshem yaktükhen. Ngei ha ngei toueipü yaktükhen, hatü mih jatthü touei kandok hük nevaijü shahsho kü shihhen mü leitükhen,

SHAHKÜP 28:25

Shembüpai am vepathüi aokhühen. Amphongi jom touei lem hük kü mon peihen shejao jom toueipü amphong lem nyet kü nyaihen, hatü kahdoknyü nanglaki am mehe ponghahnya ha eeyei nyemhen.

EZEKIEL 26:2

Shennyak ha, mehenangkü Tyre ami Jerusalem nangkü, “Aha, jatthü kü showpü penyüsha bendaiteke, hatü hapa shaden ngei kü apei nyüke; sheyü pinnyü-ü mangtükteke, ngei daeisheyei leihen” shei eteke.

EZEKIEL 25:3

Jomphong kü, ‘Shembüpa Kahvangei shah bangtuh. Shembüpa Kahvangi hapakei enyüke’ shei etuh: Mechem ngelei phopshem sheihtükpa, hatü Israel kahdok lavüngtoiyei nyupü hepak kü, hatü Judah nanglakthü wüpküpei daishingkü ‘Hüha’ shei epü nangkü,

JEREMIAH 44:22

Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.

JEREMIAH 44:12

Ijiplei yiüei nyuhen shei tempü Judah am aopü nanglakthü peü ngei yah-ei daihen; jom peü Ijiplei mahhen; jom peü yani nevaijü chami dihen. Jomphongü thaüvaü, nyembenüng, eelanyongnya ne-ienelem dou kei leidaihen.

JEREMIAH 42:18

Jeiyong Shembüpa, Israel Kahvangi hapakei enyüke: Ngelei mongshih Jerusalemei nyupüthü kü khüpshuohpü keiha, mechem am Ijiplei yiüei nyuhen ngelei mongshih khüpphahen. Amphongü thaüvaütükpü dou, nyembenüng, eela hatü yaüeilungtükpü dou leihen. Ammi hapa shing sheyü ne-eehen.

JEREMIAH 19:8

Ngei hapa chingnyü mangtükhen, hatü mihnyi yangnyai dou leitükhen; hapa shing peih-ei daipüthü peüi ha lomohpü eeyei nyemei deihhen.

MENVIH KESHO 69:11

Mechem ngei owhen dhoila ashak thüngpa, jomi ngeiyü shahlemlak kü shihnyüke.

ISAIAH 43:28

Hanangkü ngei phopshem leipü pameithü veühüpeih; Jakob chemjalak kü mangtükhen, hatü Israel am mih-i shahlong ehahhen hanpeih.

EZEKIEL 5:8

Jeiyong Shembüpai hapakei enyüke: Ngei, am khüei peikünyeih, hatü mih jatthüi eeshi ngei am kü shahphenhen.

EZEKIEL 23:46

Shembüpa Kahvangi hapakei enyüke: Jiji khüei khongnyü hük müei leikei hatü jijinyi nyempühanpü hatü lupülempü amei lak kü shuohtüktuh.

JEREMIAH 44:13

Ngei Jerusalemei nyupüthü yan, münghishaü, hatü chamhilemi hanghihüpü keiha ngei Ijip kahdokei nyupüthü hanghihühen.