JEREMIAH 24:5 - DAÜLANGPÜ LAIHING (BSI)

⁵ Shembüpa, Israel Kahvangi hapa enyüke: Hathü meipü adhajük keiha, Judah am üam hapa shing kübü Babylon kahdok wüpküpei shomei nyüpa, hathü kü ngei meipü adhajük kü keiha bamshi noteihen.

JEREMIAH 24:5 Referans Kwoze

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

NAHUM 1:7

Shembüpayü meiangpeih; büpayü shangpong yakying hepak kü jen loishing nyüke. Büpa kü hinglempüthü kü büpai jungnyüpeih.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

2 TIMOTI 2:19

Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

GALATIA 4:9

Shejao shaang ammi Kahvang nyingei peiteke, nevaijü Kahvangi am nyingteke. Shejema mekei etü ammi shao wong nekohpü hatü vanglem lempü laanghathü lemei lepdainya? Amphongi hathü phangkü shao aa vaihüpü je?

1 KORINT 8:3

shejao üpai Kahvang kü bamnya, Kahvangi büpa nyingnyeih.

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

MATHI 25:12

Shejao büpai, “Hingmei ngei am kü enyeih, ngei amphong nenying” shei jangei e.

MENVIH KESHO 119:71

Nüngei shahkung nyinghen shangmü ngei kü hanghi shuohpeyü meipü khih.

MENVIH KESHO 119:67

Nüngi ngei kü hanghi shuohshekü ngei lemnyong kü daipeih, shejao shaang ngei nüngei shah bangei düknyeih.

SHAHKÜP 8:16

Jahpanei büpai am kü ambü ampai mechemao nehahpü manna hahhen shuohpeih. Pheilei am kü moihimanphahen shingvaishi büpai am kü shanghah shomei dokpeih.

JEREMIAH 24:4

Hahepak kü Shembüpalei shah ngei touei peiteke:

JEREMIAH 29:4

Jeiyong Shembüpa, Israel Kahvangi Jerusalem leipü Babylon wüpküpei Nebukadnezzari müei deilangpü nanglakthü peü kü hapakei enyüke:

JEREMIAH 29:20

Hanangkü shaang Shembüpalei shah bangtuh, ngei Jerusalem kübü Babylon wüpküpei shomtükpü amphong peü.

EZEKIEL 11:17

Hanangkü Shembüpai hapakei enyüke shei etuh: Ngei jatthü toueipü amphong thailanghen, hatü am haidaipü kahmükthü leipü ngei am müei leilanghen, hatü ngei Israel kahdok shao am kü shuohhen.

LEVI 26:44

Shejao jom vepa kahdokei nyujoong ngei jom mü vangteipü mangei chemjalak kü netuhphonghen, hatü nemahtükhen; mehenangkü ngeiyü Shembüpa, jomei Kahvang.

JEREMIAH 29:11

Am shingvaishi ngei tempü küpjan ngei nyingei nyüpeih shei Shembüpai enyüke; hayü am daeishehen küpjan, shejao am lomohhen nevai, am kü ngoikahen monglem shuohhen küpjan.

EZEKIEL 11:20

Shejüang jomi ngelei shahkung hatü vanglemthü kü mühen. Jomü ngelei nanglak, hatü ngeiyü jomei Kahvang vaihen.