JEREMIAH 24:10 - DAÜLANGPÜ LAIHING (BSI)

¹⁰ Ngei jom hatü chebü chepa kü shuohpü kahdok leipü mangmah thahshi ngei jom khüei yan, münghishaü hatü cham shomhen.

JEREMIAH 24:10 Referans Kwoze

ISAIAH 51:19

Hapa shanghah lemnyi am kü hetteke, üpai am nyiumeihühen? Lomoh aühaü, mahpüchahpü, shaühile, hatü baonghok kungve kü üpai am kü phahjihen?

EZEKIEL 33:27

Shembüpa Kahvangi hapakei enyüke shei hathü kü etuh: Ngeiyü vanyangyem Kahvang, lavüngtoiyei yakphongpü shingthülei nyupüthü yani mahhen, hatü üam koshoyalei nyu, hathü phaüyemthüi hahtükhen, hatü üam kahshang hatü yaongshathülei joshi nyu, chami dikemhen.

EZEKIEL 7:15

Chingyangshongei depülaopü, shemongei cham hatü shaühile-i maei nyüke. Kahlei phaülei nyupüthüi yani mahhen, chingnyülei nyupüthü cham hatü shaühile-i dikemhen.

JEREMIAH 34:17

Hanangkü Shembüpai hapakei enyüke: Ammi ngelei shah nebang; amphongi jempü Israel am kü bümei hean neshuohpü nangkü shaang ngei am kü bümei hean shuohnyeihhapa bümei heanü yan, cham hatü münghishaü homei mahhen shuohnyeih shei Shembüpai enyüke. Ngei amphongü kahdoknyü jatthü peü touei jiühitbenüng leihühen.

JEREMIAH 27:8

Shejao mepa jat nevaijü ongchingi Babylon ongpa Nebukadnezzar ongpa chongnephohen, hatü Babylon ongpalei pang nepaihenshang, Nebukadnezzar homei ngei chemjalak kü mangmahtük thahshi ngei hapa jat yan, münghishaü, hatü chamhilemi hanghihühen.

JEREMIAH 19:7

Hapa shingei ngei Judah hatü Jerusalem amei küpjanthü mangtükhen. Ngei jomei vepathülei yani mahhühen; jom jühen yempüthülei lak kü shuohhen, hatü ngei jomei mahmahng asha alang hatü yemhimakthülei phai leitükhen.

JEREMIAH 16:4

Jom dinten vamei dihen. Jom kü üpaiyao mahng nethephen, nevaijü jomei mahng nevühen; jomü kahdok shak kü mohoh het kei yaüshi nyuhen. Jomü yan hatü münghishaü-i dihen, hatü jomei mahng asha alang, hatü phaüyemthülei phai vaihen.

JEREMIAH 15:2

Hatü jomi, “Ham melei daihen?” shei phephüjü nüngi hathü kü, “Shembüpai hapakei enyüke” shei etuh: “Dihen demtüktü nyupüthü dikemtuh; Yani mahhen demtükpüthü yani mahtuh; Münghishaü-i dihen demtükpüthü münghishaü-i dikemtuh; Wüpküpei daihen demtükpüthü wüpküpei daituh.”

JEREMIAH 9:16

Jom nevaijü chebü chepai nenyingpü jatthü touei ngei jom haitükhen; jom mangmah thahshi ngei jom pheikü yan shomhen.

JEREMIAH 5:12

Jomi Shembüpa nang shahshem eteke, hatü, ‘Büpai meheyao nedükphapih. Jen kü mehe tenao nepeiküpih; münghishaü, hokpüheipü meheyao ne-eepih’ ” shei eteke.

SHAKEI VAMPÜ 6:8

Ngei veishuohjü haipih-i thüngpü koyei hük nyu. Hapa kü uopübalei menü Dipü nyuteke, hatü büpa mü yimching müshi ee; hatü jomphong kü kahdoknyü phaihan ali kü phaihan hük kü yani, münghishaü-i, chamhilemi hatü phaüyemthüi jühen ngan shuoh.

SHAHKÜP 28:21

Am peiyei nyuhen kahdokei amphong peü dinlemi mangdikem thahshi Shembüpai cham peihühen.

JEREMIAH 21:9

Hapa chingnyülei nyupüthü peü yan, münghishaü nevaijü chami dihühen. Shejao am kü ching shümpü Babylon am touei üpai daiyei shakei vamhenshang, büpa hatü chenyüha nyi yangei nyuhen.

JEREMIAH 42:17

Ijiplei yiüei halei chingchingei nyuhen shei deihpüthü peü yan, münghishaü, hatü chami dikemhen; ngei koei peipü shanghah kübü aohen nevaijü yanghen hükao nechongkahen.”

1 ONGPATHÜ 14:15

Shembüpai Israel am kü bheihen, hatü yungei pingu jenlenpükei nyuhen. Büpai chebü chepa kü shuohpü hapa meipü kahdok kübü bhitükhen, hatü Euphrates yung homei haitükkemhen; mehenangkü jomi Asherah nyüha kahvangei lajeithü lingpü nangkü Shembüpa mongshih.

JEREMIAH 9:15

Hanangkü Jeiyong Shembüpa, Israel Kahvangi hapakei enyüke: Ngei hapa nanglakthü kü laonghiyak ühshuohnyeih hatü leü nemeipü yung yingshuohnyeih.

JEREMIAH 14:12

Jomi shüaeiyunglejao jomi lenpü ngei nedannyih, hatü jomi jakpü moila hatü hahying moila shuohjao ngei hathü neyahhen, shejao yani, münghishaü homei, hatü chami ngei jom mahtükhen.

JEREMIAH 29:17

Hih, Jeiyong Shembüpai hapakei enyüke: “Ngei jom khüei yan, münghishaü hatü cham shomhen, hatü ngei jomü hahhen nemeipü adhajük kei leitükhen.

JEREMIAH 29:18

Ngei jom kü yan, münghishaü, hatü chamhilemi changhen, hatü melei ngei jom shomhen hatouei jomü kahdoknyü ongchingthü peü touei jiühitbenüng, thaüvaütükpü dou, nyembenüng, eelanyongnya leihühen;

JEREMIAH 32:24

Veituh, Babylon ami hapa chingnyü shümhen dü daknyüke. Yan, münghishaü hatü chamhilemi hapa hahhen nyupü Babylon am kü shuohtükhen. Nüngi mehe etepa, ha vampü shaang nüngi eenyüke.

JEREMIAH 32:25

Shejao Oh Shembüpa Kahvang, hapa chingnyü Babylon am kü shuohtükhen mü nyujao nüngi ngei kü, “Denbüthü eeshi kah shaktuh” shei ngei kü eteke.

JEREMIAH 42:22

Hanangkü shaang ha nyingtuh: Am daiyei chingchingei nyupüthü shingei yan, münghishaü hatü chami dikemhen.”

EZEKIEL 6:11

Jeiyong Shembüpai hapakei enyüke; Lak aptuh, la shouptuh hatü “Onyükei!” shei lentuh. Mehenangkü Israel am phangi nemeipü mang hatü jiühitbenüng dou lemphü dükteke. Hanangkü jomphongi yan, shaühile hatü chamhilemi mahkemhen.