JEREMIAH 24:1 - DAÜLANGPÜ LAIHING (BSI)

¹ Jehoiakimei cheha, Jehoiakin Judah amei ongpa, hatü büpalei lakchongbüthü, mistrithü hatü komathü Jerusalem leipü Babylonei Nebukadnezzar ongpai wüpküpei shetei lüdaipheikü Shembüpai ngei kü adhajük mühdow nyi phopshem chingshelei haüshi huphüteke.

JEREMIAH 24:1 Referans Kwoze

JEREMIAH 29:2

Hapayü Jehoiakin ongpa, hatü chenyü, ongshem leipü lakchongbüthü, Judah hatü Jerusalem kübü mübüthü, mistrithü hatü lahhinei dou dükpüthü Jerusalem leipü lüdaiphei kü nyuhampeih.

2 SHÜPPÜKENGPÜ 36:10

Sheileilila hepak kü Nebukadnezzar ongpai büpa yahnüng deishih-ei büpa mü Shembüpalei phopshem leipü dounyünangba kemei shetei lei, hatü büpa jeiyei chepa naü-eepa Zedekiah Judah hatü Jerusalem kü ong vaihüteke.

ZEKHARIAH 3:1

Hahepak kü büpai Shembüpalei phongshan touei Joshua ngongchong yaongshi ee, hatü büpa nyonghühen shingvaishi büpalei lakdah philei Kahshih yaongshi huphüteke.

ZEKHARIAH 1:20

Hahepak kü Shembüpai ngei kü koma jom ali kaoklak notü huphüteke.

AMOS 7:7

Büpai ngei kü shao hapa huphüteke: Vü shetei lingpü bham touei Shembüpai büpalei lakei vü hük notü yaongshi ee.

AMOS 7:4

Jeiyong Shembüpai ngei kü shao hapa huphüteke: Shembüpa Kahvangi aw homei hanghihühen tempü eeteke; hapa aw yungching longpü kü bah, hatü kahdokao hahtük.

AMOS 7:1

Shembüpa Kahvangi ngei kü hapa huphüteke: Ongpalei phaihan vetlangpheikü shao nyipabü phenha neenpü hepak kü büpai shoukhanbaong longi temei ngei manghkhang kü eeteke.

AMOS 3:7

Hingmei, Shembüpai büpalei küpjan büpa chongphopü thibüthü kü ne-epheikü meheyao nedüknyih.

EZEKIEL 19:9

Nyiamphaaki mantü jomi büpa nyiamdulei shüei shütü Babylon ong touei müei dei. Jomi büpa khoklatei küpphong, hanangkü hajük kü büpa ngüngpü Israel kahshangthülei nedani leidai.

2 ONGPATHÜ 24:10

Büpalei hepak kü Babylon am Nebukadnezzar ongpalei lakchongbüthü aongei Jerusalem shüm,

ISAIAH 13:1

Babylon am nangkü Amozlei cheha Isaiah-i eepü manghkhang shah:

JEREMIAH 27:20

Babylon ongpa Nebukadnezzari Jerusalem leipü Babylonei Jehoiakimei cheha Judah ongpa Jehoiakin mü lebü Judah hatü Jerusalem kü mübüthü wüpküpei deishingkü büpai hathü koei nedai.

JEREMIAH 28:4

Shao ngei Babylon wüpküpei daipü Jehoiakimei cheha, Judah ongpa Jehoiakin hatü nanglakthü peü hapa shingei müei leihen; mehenangkü ngei Babylon ongpalei pang mangtükhen’ shei Shembüpai enyüke.”

JEREMIAH 29:1

Hapayü Jeremiah-i wüpküp leipü yangei nyupü behethü, ngongpathü, thibüthü hatü Nebukadnezzari Jerusalem leipü Babylon wüpküpei deilangpü nanglakthü touei shompü lai kü nyangpü shahthü:

JEREMIAH 37:1

Babylon ongpa Nebukadnezzari Josiahlei cheha Zedekiah Judah kü ong vaihen shingvaishi Jehoiakimei cheha Jehoiakin kü jeiyei jeteke.

JEREMIAH 13:19

Negeb leipü chingnyüthü üpaiyao aphen neshiüi küptükhen. Judah am peü dhaomü wüpküpei deilangteke.

EZEKIEL 17:4

haleipü moungjaang bhagtü yah-ei daiyei bhei leihpü chingnyülei bhei leihpüthü nyupü kahdokei sheiteke.