JEREMIAH 23:8 - DAÜLANGPÜ LAIHING (BSI)

⁸ shejao Israel hapeüthü apsha kahdok hatü büpai haitükpü kahdokthü leipü Israel am müei leipü vanyangyem Kahvang shei lahhen nyihthü ngoikünyüke shei Shembüpai enyüke. Hapheikü jomi jomei kahdokei nyuhen.

JEREMIAH 23:8 Referans Kwoze

EZEKIEL 34:13

Ngei hathü jatthü hatü kahmükthü leipü thaiyei leilanghen, hatü jomei lompü kahdokei leilanghen, hatü ngei jomphong kü Israel kahshangthü, yungyenthü hatü hangku nyupü kahdok peü philei ühyinghen.

ZEPHANIAH 3:20

Hapa nyih, ngei am haidaipüthü shemei müei leihen, mechem ngei am shao bümeiyangma leihühen, Kahdoknyü hangku peü khongkü ngei am kü dhüm shuohhen, hatü menvih shuohhen shei Shembüpai enyüke.

EZEKIEL 39:28

Shejüang jomi ngeiyü Shembüpa, jomei Kahvang shei nyinghen; mehenangkü ngei jom wüpküpei deishih, hatü hükao ne-aophongi jomei kahdokei müei leipeih shei nyinghen.

EZEKIEL 37:25

Ngei ngelei chongphobü Jakob kü shuohpü kahdok, chebü chepa am nyuhampü kahdokei jom nyuhen. Jom hatü jomei hühihathü halei den kü nyuhen, hatü ngelei chongphobü David keipü ong hüki jom kü den kü ong vaihen.

EZEKIEL 36:24

Ngei am jatthü peü toueipü, kahmükthü peü lemeipü thailanghen, hatü ammei kahdokei müei leihen.

JEREMIAH 23:3

Ngei haitükpü ngelei mithü kahmük peü leipü ngei thaihen, hatü kahdok yemei müei leihen; halei jomi hapeüthü longi angei nanglak dahen.

ISAIAH 14:1

Shembüpai Jakob kü shinshangei deihhen, hatü shao chem büpai Israel am jehen, hatü büpai jom jomei kahdokei chingchingei nyuhühen. Kung amao jom mü shephen, hatü Jakob phang mü mongjemhen,

JEREMIAH 8:3

Ngei melemei jom changtükhen, ha mang jathiliyü yemmü nyupü leimeyü didaipü-üng lümhen shei Jeiyong Shembüpai enyüke.

JEREMIAH 16:15

shejao jomi, “Apshaphi kahmük kübü hatü büpai changtükpü kahmükthü peü kübü ham Israel am müei leipü vanyangyem Shembüpa nyüpeih” shei ehen. Mehenangkü ngei jomei chebü chepa kü shuohpü kahdokei jom müei leihen.

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

JEREMIAH 31:8

Veituh, ngei apshaphi kahdok leipü jom müei leikahen, hatü kahdok dohpü leipü jom thailanghen. Jom khongkü mükphüngpa, hatü la khodaipü nyuhen, hapeü anghen nyüthü hatü anghen tüngpü nyühathü nyuhen; khongnyü longpü hük leikahen.

JEREMIAH 32:37

Ngei mongshihpai ngei jom changei deishihpü kahmükthü leipü jom thaiyei leilanghen; hapa shingei ngei jom müei leiyei nyiushemmei kü jom chingchingei nyuhühen.

EZEKIEL 28:25

Shembüpa Kahvangi hapakei enyüke: “Mechem ngei Israel nanglakthü jatthü touei haidaipü thaiyei leihen, hatü jatthüi eeshi ngelei daülangshemshepü huhenshang, shejüang jomi ngei ngelei chongphopü Jakob kü shuohpü kahdokei chingchingei nyuhen.

JOEL 3:7

Shaang ngei ammi yutükpü shingthü leipü jom thaiyei leihen; ammi mehe jom kü dükpa, ha am kü ngei shemhen.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

JEREMIAH 16:14

Shejoongpa nyihthü ngoikünyüke shei Shembüpai enyüke. Nanglakthüi hajük kü, “Israel am Ijip leipü müei leipü vanyangyem Shembüpa nyüpeih” shei ne-ehen,

EZEKIEL 36:35

Hatü jomi, “Hapa kahdok lavüngtoiyei tuhphongpeyü shaangü Eden pemong kei leidaiteke, hatü lavüngtoiyei yakphongpü, bentükpü jilathü sheyü shennyaki maei penyü showlangteke” shei ehen.

MIKA 7:15

Am Ijip kahdok kübü vamei daipü nyih kü kei ngei jom kü yashanpü douthü huhen.