JEREMIAH 23:5 - DAÜLANGPÜ LAIHING (BSI)

⁵ Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

JEREMIAH 23:5 Referans Kwoze

ISAIAH 4:2

Hapa nyih kü Shembüpalei pükao nethe meishi hatü müknyinshi nyuhen, hatü kahdok kü vampü betjükü Israel am aopüthülei mongong hatü müknyinshekhang nyuhen.

ISAIAH 52:13

Veituh, ngelei chongphobüi kon kohshi dükkahen; Büpayü longei shangei anshihhen, hatü dhüm longi shuohhen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

ZEKHARIAH 3:8

“Shaang bangtuh, Oh Joshua ngongchong, hatü nüng touei uoshi nyupü nüngei küphüthü, amphongü ngoikahen dou nang nyangeihepü nyüke: Ngei chongphobü, üpa kü Kao shei nyüknya, shakei ngaiphahen.

ISAIAH 53:2

Büpayü Shembüpa touei sheili pü hük keiha, hatü kahvan kü nyem phaatpükei longpeih. Jeni büpa kü mük shahhen mü, nevaijü jeni lümhen mü büpa kü meheyao dhemeilaüma, nevaijü bethünghangbong neshiü.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

SHAKEI VAMPÜ 19:11

Hapheikü ngei vangsho aptüktü ee, hatü halei koyei shola hük nyuteke. Hapalei uopüba keyü Monglemaokpü hatü Hingshangpü shei nyük. Büpai shahhingi shahphennyeih hatü vehok hoknyeih.

AMOS 9:11

“Hapa nyih kü, ngei dodaipü David ongching lingei leihen. Ngei hapa leipü bentükpü shinghipheithü lingei leihen, hatü shelei nyupükei ja lingei leihen.

JEREMIAH 30:9

Shejao jomi Shembüpa, jomei Kahvang hatü ngei jom shing vamhüpü David ongpa jomi chongphohen.

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

HEBREW 8:8

Shejao Kahvangi laophülei nanglakthü kü pungpü dangei büpai hapakei enyüke: “Hingmei nyihthü peikünyüke, ngei Israel phang, hatü Judah am phang mü vangpüshuwpü ja hük linghen shei Shembüpai enyüke;

JOHAN 1:45

Philipi Nathanael pongei büpa kü, “Hamphongi Nazareth am Josephei cheha, üpa jung Mosai shahkungnyüthü kü hatü thibüthüi eyei nyu ha pongtepih” shei e.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

JEREMIAH 31:27

Ngei Israel hatü Judah phang kü hangku hatü yemhimak li chemi haihen hepak ngoikünyüke shei Shembüpai enyüke.

JEREMIAH 22:3

Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

ISAIAH 53:10

Büpalei büm mintükhen, hatü hanghihühenü Shembüpai mongpü nyuteke, hatü Shembüpai büpalei yangnyu-ü mangthü shingvaishi moila hük leitükjao, büpai laophülei hühiha eehen, hatü yangnyu shoshoshi nyuhen, hatü büpa homei Shembüpai mongpü aokpü danghen.

JOHAN 1:49

Nathanaeli jangei, “Nyuhbü, nüngü Kahvang Ha khih! Nüngü Israel amei Ongpa khih!” shei e.

MATHI 2:2

“Jehoda amei ong hük bühpü melei nyüke? shei pheyei pei. Hamphongi büpalei litha heong philei eepeih, hatü büpa kü khümhen peiküpeih” shei e.

EZEKIEL 34:29

Ngei jom kü kahcheü kohpü kahdok shuohhen, hatü kahdok kübü aeipülepü dohtükhen, hatü lebü jatthüi neienelempü kü jom nehanghihen.

MENVIH KESHO 80:15

hapayü nüngei laki sheipü nyalingngupai.

MENVIH KESHO 45:4

Shahhing hatü daülangshemshepü men kü aokpü dangei müknyinshekhang kü daituh; nüngei lakdah-i nyembenüng dou dükhütuh.

JEREMIAH 22:30

Shembüpai hapakei enyüke: “Ha shennyakü hapeü neshiüpükei nyangei tuhtuh. Shennyak hük laophülei nyih kü uoshing jeihen neshiüpü; Mehenangkü büpalei hapeüthü üpaiyao David ong uoshing kü uohen nevamhen, hatü Judah kü shao vanglem nelemhen.”

JEREMIAH 22:15

Cedar pü yah-ei shem vepai nüng meipü ong leshi leihünyu je? Ampai hahtü yingtü mehe shahhing hatü mehe jiüpa ha nedükangpü je? Hanangkü büpa mü lemphüli meishi nyuhampeih.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

ISAIAH 42:6

Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

JEREMIAH 29:11

Am shingvaishi ngei tempü küpjan ngei nyingei nyüpeih shei Shembüpai enyüke; hayü am daeishehen küpjan, shejao am lomohhen nevai, am kü ngoikahen monglem shuohhen küpjan.

EZEKIEL 21:27

Mangtükhen! mangtükhen! ngei hapa chingnyü mangtükhen! Shejao hapa chingnyü hanghihühen nangkü ngei jepü shennyak mangpei thahshi ha nevamhen. Hapa pheikü mon ngei büpa kü hapa shuohhen.”

EZEKIEL 45:8

Hapa kahmük moidoiyü Israel kü vanglem lempü ongpalei kahdok phaihan vaihen; shejüang büpai nanglakthü kü neshüveihen; shejao aopü kahdok kemei Israel jatthülei kahdok vaihen.

HOSEA 1:11

Judah nanglakthü hatü Israel nanglakthü mongjemhen, hatü jomi jom shing mübü hük jehen, hatü jomi hapa kahmük yahhen hatü dapüshepü nyuhen; mehenangkü hapa Jezreel nyih-ü longpü nyih vaikahen.

2 SAMUEL 23:3

Israel Kahvangi eteke; Israel amei Yaongnyüi ngei kü eteke: Kahvang nyemshi üpai ngelei nanglak kü shahhing kü vanglem lemnya,

MENVIH KESHO 99:4

Wong kohpü Ongpa, shahhing kü bampü, nüngi shahhing chonglingei tuhteke; nüngi Jakob kü shahhing, hatü daülangshemshepü dükteke.

ISAIAH 9:5

Vehok kü thuhpü veshanthülei lathuh peü, hatü iy hoitükpü owhilang peü aw kü jaktükhen.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

ISAIAH 33:5

Shembüpayü meshük longpüang! büpa shangei nyüke; büpai Zion shahhingi, hatü daülangshemshepai mahüteke.

ISAIAH 45:24

Jomi ngei nang hapakei ehen: “Shembüpa kü monha daülangpü, hatü wong nyüpeih.” Üami büpa khüei yaongnya, büpa touei peiyei veü ponghen.

EZEKIEL 34:16

Ngei mahdaipüthü yemhen, paüdaipüthü yemei leihen, hatü ngei jomei makaw thünghen, hatü ngei wong nekohpüthü wong kohhühen, shejao nitshüpü hatü wong kohpüthü mahtükhen. Ngei shahhingi jom kü ühyinghen.

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.