JEREMIAH 23:36 - DAÜLANGPÜ LAIHING (BSI)

³⁶ Shejao amphongi, “Shembüpalei shah” shei ju kü vamei te-etei; mehenangkü laophü laophülei shah-i hanggovih leidaiteke; hapa keiha vanyangyem Kahvang, Jeiyong Shembüpa, jenei Kahvangei shah nyongnyongdah-i leitüknyüke.

JEREMIAH 23:36 Referans Kwoze

2 PETER 3:16

Büpalei lai peü kü hathü aihük jung eyei nyangnyüke. Büpalei laithü kü nyinghen wongpü douthü maani kohshi nyüke; hapayü nenyingpüthü hatü shing nenüngpüthüi laophü mahhen mü Laihing kü jomi dükpükei nyongnyongi lingtüknyüke.

ISAIAH 3:8

Mehenangkü Jerusalemi huluh shuohteke, hatü Judah doteke; mehenangkü jomei shah hatü dou Shembüpa khüei nyuteke; jomi büpalei müknyinshekhang ompü sheihtükteke.

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

MENVIH KESHO 120:3

Am kü mehe shuohhen? Mehe nyeinya am kü dükphahen Oh lueilempü yeijaang?

MENVIH KESHO 64:8

Jomei jubenyeijaang tata kü büpai jom lomohhühen; jom eepü peüi nyempai ngaüm dhihen.

2 ONGPATHÜ 19:4

Assyria ongpai büpalei Rabshakeh shomei vanyangyem Kahvang kü longi yaüeilungei eteke, hatü hapayü Shembüpa nüngei Kahvangi ha dan, hatü Shembüpa nüngei Kahvangi hathü shah nangkü büpa kü hanghi shuohhen. Hanangkü aoei nyupü nanglakthü shingvaishi nüngi phoptuh” shei e.

1 THESALONIKA 1:9

mehenangkü ammi ham mekei mongongshi yah, ha jom nyingi shah-om shuohteke. Vanyangyem hatü hingshangpü Kahvang chongphohen shingvaishi am mekei lajei kübü mong lepei Kahvang touei leipa,

GALATIA 6:5

Mehenangkü peüi laophülei hanggo kohen vongbong.

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

LUK SHAHSHA APPÜ 19:22

Büpalei shembüi büpa kü, “Nüngei shah kü-üng ngei nüng shahphenhen, nüng nemeipü chongphobü! Nüngi ngeiyü shihmangpü shennyak; ngei melei nethai haleipü yahnyeih, hatü melei nehai, haleipü vetnyeih shei nyingei nyüke.

MATHI 12:36

Ngei am kü enyeih, shahphenpü nyih shennyak peüi laophüi etükpü nelishah peü kü shahnyok shuohhen;

ISAIAH 28:22

Shaang ammi langmaanshapshüpü dohtuh, hei nevaijema am yepei shapü nyiamvü wong kohkahen. Shembüpa, Jeiyong Kahvangi kahdok mahtükhen tempüngei dantepih.

KANDOK 17:20

Mongnyong kohpü shennyaki mechemao angeideiyei nenyunyih; Üpai lueilemei enya, vongshüh kü shünyüpeih.

MENVIH KESHO 149:9

temtükpü shahphen jom kü dükeishuoh. Hapayü büpa kü hinglempüthü peü shing müknyinshekhang nyüke. Shembüpa vihtuh!

MENVIH KESHO 12:3

Shembüpai yawhpüyangpü, hatü changmeipü yeijaang dehtüktuh,

1 SAMUEL 17:36

Hapa keiha nüngei chongphobüi shahnyü hi sheptao jühampeih. Hapa nejaptükpü Philistia naühayao hathü kei-üng nyukahen; mehenangkü büpai vanyangyem Kahvangei veshanthü kü chengteke.

1 SAMUEL 17:26

Davidi büpa touei chemi yaongpüthü kü “Hapa Philistia naüha jüpü hatü Israel am kü ne-ienelempü kübü yangpü shennyak kü mehe shuohhen epa? Vanyangyem Kahvangei veshanthü kü vehok chenghen üpa nejaptükpü Philistia naüha ang?” shei phe.

SHAHKÜP 5:26

Vanyangyem Kahvangi aw kübü vamei shah epü danpheikü yemmü amphong kei nyuphei je?

JEREMIAH 23:37

“Shembüpai nüng kü mehe jangpa?” nevaijü “Shembüpai mehe ephopa?” shei amphongi thibü kü pheyei nyunyüke.

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.