JEREMIAH 23:32 - DAÜLANGPÜ LAIHING (BSI)

³² Shahshem mangh tetei eteipüthü kü ngei khünyüpeih shei Shembüpai enyüke. Jomi ngelei nanglakthü kü shahshem eyei lemnyongei mülangnyüke, shejao ngei jom neshom nevaijü neje. Jomi maaniyao nanglakthü nanglei nedanghünyu shei Shembüpai enyüke.

JEREMIAH 23:32 Referans Kwoze

ZEPHANIAH 3:4

Pinnyülei thibüthüyü changmeipü, lawlüppü mon nyüke. Pinnyülei ngongpathüi daülangpü shing sheihtüknyüke, hatü jom kü jiüpükei shahkungnyü yeiyatüknyüke.

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

JEREMIAH 7:8

Yahlak neshiüpü lueilempü shahthü kü hinglemei am hatouei nyüke.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

MATHI 15:14

Jom hei-üng tuhphongtuh. Jomü mükphüngpü lem mübüthü. Mükphingpa hüki lebü mükphüngpa müjema jijiphen kahshalei vühen” shei e.

JEREMIAH 29:31

Nehelam am Shemaiah nangkü Shembüpai hapakei enyüke shei wüpküpei nyupü peü touei shomtuh: Ngei neshomshomi Shemaiah-i am kü teteivanei epai am shahshem kü hinglemhüei mülangpü nangkü,

JEREMIAH 23:25

Ngelei men kü shahshem teteivanpü thibüthüi epü shah ngei dantepih. Jomi, “Ngei mangh hük manghpeih! Ngei mangh hük manghpeih!” shei enyüke.

JEREMIAH 23:16

Jeiyong Shembüpai hapakei enyüke: “Ammi thibüthüi teteivanei epü kü tebang; jomi am kü angsha monglem shah-i mahünyüke. Jomi jomei sholi kü peipü manghkhang enyüke; SHEMBÜPAleipü epü nevai.”

ISAIAH 3:12

Hasho naü-eethüi ngelei nanglakthü kü shüveihen, nyühathüi jom shak kü vanglem lemhen. Oh ngelei nanglakthü, ammei mübüthüi am lemnyong kü münyüke; jomi am lembienei deilangnyüke.

SHAHKÜP 18:20

Shejao ngei etuh shei nekangpü kü üpa thibüi ngelei men kü ehenshang, nevaijü üpa thibüi lebü kahvangthülei men kü ehenshang, büpayü jütükhen.

2 KORINT 1:17

Ngei ha küpjan lingpeyü meishi nedeih-i lingpeih shei deihpü je? Ngei ngelei küpjanü kahdoknyü hangku yemya kü hepak hük kü-üng, “Hih, hih” hatü “Nevai, nevai” shei ehen temtü lingnyu hiang?

JOB SHAHSHA APPÜ 13:4

Shejao amphongü shahshemi hangei yahtü nyüke; am peü yahlak neshiüpü dinbüthü khih.

ISAIAH 9:15

behe hatü longhivangthüyü shangjing, hatü shahshem nyuhpü thibüthüyü mei.

JEREMIAH 23:13

Samaria am thibüthü khongkü ngei hapa jiühitbenüng dou eepeih: Jomi Baal kahvangei men kü teteivannyüke, hatü ngelei nanglak Israel am lemnyongei münyüke.

JEREMIAH 23:31

“Hih” thibüthüi laophülei yeijaang aülaüei etü, “Shembüpai hapakei enyüke” shei eteipüthü kü ngei khüei nyüpeih shei Shembüpai enyüke.

YOUNG LAI 3:37

Shembüpai nedükpheikü üpai mehe etü hapa vamhüaokhen?

ZEKHARIAH 10:2

Yaongnaüyathüi lueilemei enyüke; Phongyompüthüi shahshem manghkhang eenyüke; jomi shahshem manghthü tetnyüke. jomi angsha nyiushemmei shuohnyüke. Hanangkü mi yombü neshiüpü mithü hanghipükei shennyakthü paüeiyonei longteinyüke.