JEREMIAH 23:3 - DAÜLANGPÜ LAIHING (BSI)

³ Ngei haitükpü ngelei mithü kahmük peü leipü ngei thaihen, hatü kahdok yemei müei leihen; halei jomi hapeüthü longi angei nanglak dahen.

JEREMIAH 23:3 Referans Kwoze

JEREMIAH 32:37

Ngei mongshihpai ngei jom changei deishihpü kahmükthü leipü jom thaiyei leilanghen; hapa shingei ngei jom müei leiyei nyiushemmei kü jom chingchingei nyuhühen.

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

EZEKIEL 11:17

Hanangkü Shembüpai hapakei enyüke shei etuh: Ngei jatthü toueipü amphong thailanghen, hatü am haidaipü kahmükthü leipü ngei am müei leilanghen, hatü ngei Israel kahdok shao am kü shuohhen.

JEREMIAH 31:8

Veituh, ngei apshaphi kahdok leipü jom müei leikahen, hatü kahdok dohpü leipü jom thailanghen. Jom khongkü mükphüngpa, hatü la khodaipü nyuhen, hapeü anghen nyüthü hatü anghen tüngpü nyühathü nyuhen; khongnyü longpü hük leikahen.

MENVIH KESHO 106:47

Ham yangtuh, Oh Shembüpa, hamei Kahvang, hatü jatthü toueipü ham thailangtuh, shejüang hami nüngei daülangpü men kü menvih shuohhen, hatü nüng kü menvih-ei müknyinshekhanghen.

EZEKIEL 36:24

Ngei am jatthü peü toueipü, kahmükthü peü lemeipü thailanghen, hatü ammei kahdokei müei leihen.

EZEKIEL 36:37

Shembüpa Kahvangi hapakei enyüke: Shao chem ngei Israel ami phepü kü mong shuohhen, hatü jom kü ha dükhen: Ngei jomei nanglak mikhong keiha,

MIKA 7:12

Assyria kübü Ijip thahshi, Ijip kübü Euphrates thahshi, yungching kübü yungching thahshi, kahshang kübü kahshang thahshi, hapa nyih kü ammei nanglakthü lem peü kübü am touei thaikemkahen.

JEREMIAH 8:3

Ngei melemei jom changtükhen, ha mang jathiliyü yemmü nyupü leimeyü didaipü-üng lümhen shei Jeiyong Shembüpai enyüke.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

JEREMIAH 31:7

Shembüpai hapakei enyüke: “Jakob nangkü mongongpai kesho loktuh; jatthü khongkü peü mü shongpüba kü menvih kesho loktuh, hatü, ‘Oh Shembüpa, aoei nyupü nüngei Israel nanglak yangtuh’ shei etuh.”

JEREMIAH 46:27

Nüng tenyem, Oh Jakob, ngelei chongphobü; Nüng mong telai, Oh Israel. Hingmei ngei am tailu kahdok leipü, hatü wüpküp kahdok leipü am hatü ammei hühihathü yanglanghen. Shao Jakob ne-yei chingmeivangmei hatü nyiushemmei kü nyuhen, üpaiyao büpa nenyemhühen.

LEVI 26:9

Ngei am kü shinshangei veihen hatü am betjük jükhühen hatü am nanglak dahühen, hatü ngei am mü vangpüshuwpü dükhen.

JEREMIAH 16:15

shejao jomi, “Apshaphi kahmük kübü hatü büpai changtükpü kahmükthü peü kübü ham Israel am müei leipü vanyangyem Shembüpa nyüpeih” shei ehen. Mehenangkü ngei jomei chebü chepa kü shuohpü kahdokei jom müei leihen.

JEREMIAH 50:19

Shejao Israel am jomei kahdokei nyokei leihühen, hatü büpai Karmel hatü Bashan kü vampü hahying hahshi nyuhen, hatü Ephraim hatü Gilead shangtaothülei hüshemei hahhen.

EZEKIEL 36:11

hatü ngei am kü hangku hatü yemhimak daphahen. Jom daeisheyei betjük jükhen, hatü meyangpü hepak kü keiha chingchingei nyuhühen, hatü sheleipü kao nyeishi daeishehen. Shejüang ngeiyü Shembüpa Kahvang khih shei amphongi nyinghen.

MIKA 2:12

Shejao, Oh Israel, ngei hingmei am peü thailanghen, Ngei hingmei-üng Israel am aoei nyupüthü peü chemi thailanghen. Mi khaok kü mi thaiyei tuhpükei, ammei kahdok ngelei nanglaki maei nyuhen.