JEREMIAH 23:24 - DAÜLANGPÜ LAIHING (BSI)

²⁴ Ngei ne-eeaokhen mü hanei joaokhen je? shei Shembüpai enyüke. Ngei vangsho hatü kahdoknyü maei nenyupü je? shei Shembüpai enyüke.

JEREMIAH 23:24 Referans Kwoze

KANDOK 15:3

Shembüpalei müki lemphüli eenyüpeih; ten hi mei lemphü kü veishi nyunyüpeih.

MENVIH KESHO 139:7

Nüngei laangha toueipü ngei melei daihen? Nevaijü nüng toueipü ngei melei mokdaihen?

MENVIH KESHO 90:8

Hami pungpü nüng touei haüshi nyüke, hamei jopü mang nüngei müknyinshekhang vangngai touei ngaiteke.

ISAIAH 29:15

Am üami Shembüpa kü ammei küpjan chüloh-i jonya, hatü ammei dou vangnyakei jonya, hatü, “Üpai ham eehen? Üpai ham nyinghen?” shei epüthü onyükei!

1 ONGPATHÜ 8:27

Shejao hingmei, Kahvangü kahdoknyülei nyuhen je? Vangsho dangkao hapa keiha peü mü shaopü vangsho kü dangkao nüng necha-ükhih; shejema mekei etü hajük maanpü ngei vepü Phopshem kü nüng chahenang!

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

ISAIAH 66:1

Shembüpai hapakei enyüke: “Vangsho-ü ngelei ong uoshing, kahdoknyü-ü ngelei la shoupshing. Menüng keipü shem amphongi ngei kü melei vephahenang? Ngei nyiumeihen shing melei nyüpa?

MENVIH KESHO 10:11

Büpai laophü nyingi, “Kahvangi ha betüktih; büpai laophülei dhe jümlangtü sheyü ne-eenyih” shei enyüke.

2 SHÜPPÜKENGPÜ 6:18

Shejao hingmei Kahvangü shennyak mü kahdoknyülei nyuhen je? Vangshothü, hei-üng shaopü vangshothü kü dangkao nüng nechajü hajük maanpü ngei vepü shem kü nüng chahen je?

EPHESIA 1:23

büpa peü philei peü shak kü maei nyüke.

2 SHÜPPÜKENGPÜ 2:6

Shejao üpai büpa shing shem hük veaokhen, mehekei shejü büpayü vangsho, hakei-üng shaopü vangsho kao büpa nechapih. Büpa kü moila shuohhen shing mü lenei büpa shing shem vehen ngei üpaang?

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

EZEKIEL 9:9

Büpai ngei kü, “Israel hatü Judah amei mangü ahshi-üng ahdaiteke; kahmük kemeilei jüteipai maei hatü Jerusalemü iy-aongmashateipai madaiteke. Jomi, ‘Shembüpai kahmük yaktükteke; Shembüpai meheyao ne-eenyih’ shei enyüke.

EZEKIEL 8:12

Hahepak kü büpai ngei kü, “Shennyak ha, Israel am behethüi vangnyak kü laophü laophülei lajei tuhpü vaümchongei mehe düknya ha nüngi eela? shei e. Shembüpai jen ne-eenyih; Shembüpai hapa kahdok betüktih” shei jomi enyüke.

JEREMIAH 49:10

Shejao ngei Esaü-ü bümbai tuhphongpeih, ngei büpalei doujo shakei ngaiyei tuhphongpeih, hatü büpai ha nejohah-aoki nyüke. Büpalei hühihathü jütükteke, büpalei shem am hatü chingyowthü mahtükteke, hatü büpa sheyü neshiü.

MENVIH KESHO 148:13

Jomi Shembüpalei men longhütuh; mehenangkü büpalei men monha longei anshihhen; büpalei müknyinshekhang kahdok hatü vangsho shak kü nyüke.

KAHBHAO 16:13

Hanangkü pinnyü mü shah eteipü Shembüpa kü pinnyüi, “Nüngü El-roi; mehenangkü pinnyüi, ‘Ngei kü veipü Kahvang ngeiyao shaang büpa eetepih’ ” shei e.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

JOB SHAHSHA APPÜ 34:21

Mehenangkü shennyak dailem kü büpalei mük chishi nyüke, hatü büpai jomei lakham peü eenyeih.

JOB SHAHSHA APPÜ 34:22

Mang dükpüthü jehen mü shangmang nevaijü shangmang vangnyak meleiyao neshiü.

JEREMIAH 16:17

Ngelei mük jomei lemthü kü veishi nyüpeih; jom ngei touei joshing neshiü; nevaijü jomei mang ngei touei joshi neshiü.

JEREMIAH 32:19

nüngi kon kohpü hatü nüngei dou peü yashanshi; nüngei müki hangkulei lemthü peü kü veishi nyüke, hatü peü kü laophülei lem hatü laophüi dükpü kübü betjük shangshi nüngi laklei shuohnyüke.

DANIEL 2:22

Büpai chülohpü hatü shajothü shakei vamhünyeih; Büpai vangnyak kü mehe joshi nyu, ha nyingnyüpeih, hatü vangngaiyü büpa mü nyunyeih.

MENVIH KESHO 139:8

Ngei vangsholei aongjajao, nüng halei nyüke; ngei Sheolei lemshi nyudaijao nüng haleiyao nyüke.