JEREMIAH 23:22 - DAÜLANGPÜ LAIHING (BSI)

²² Shejao jom paoh ngelei thaihiyu kü omlangmeyü jomi nanglakthü kü ngelei shah ehen, hatü jomei nemeipü lem hatü douten kübü lepei leihah shepeih.

JEREMIAH 23:22 Referans Kwoze

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.

JEREMIAH 25:5

Jomi am kü, “Shaang am peüi ammei nemeipü lemthü hatü ammei douten kübü mong leptuh. Shejüang Shembüpai am hatü ammei bühipa kü denshing shuohpü kahdokei nyuhen.

JEREMIAH 23:18

Shejao jomi hapa eehen hatü danhen mü Kahvang thaihiyu kü üpa ompa? Üpai büpalei shah bangei danpa?

PHONGSHANTHÜ DOU 20:27

mehenangkü Kahvangei küpjan kempü ngei am kü ne-e-i shümei netuh-angpih.

EZEKIEL 13:22

Ammei shahshemi daülangpü shennyakei mong maanhüteke, hatü nemeipüthü kü jomei mang lem kübü nyokei leiyei yanghen nevai-i hapa lem kübü lepei neleihen mongnang thongteke.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

1 THESALONIKA 5:6

Hanangkü lebüthü kei jen shishi nenyushah, shejao jeni mükpaonathashi ungei-aeiyei nyushah.

EZEKIEL 3:17

“Shennyak ha, ngei nüngü Israel jat kü yombü leihüteke; hanangkü ngei epü shah bangtuh hatü jomphong kü ngelei shahvüng shuohtuh.

EZEKIEL 2:7

Jomi bangjao nebangjao nüngi jomphong kü ngelei shahthü eyeishuoh; mehenangkü jomphongü khüei yaongpü jatli.

EZEKIEL 18:30

Oh Israel am phang, ammei lemthü aimü ngei ammei shahphenhen shei Shembüpa Kahvangi enyüke. Mong leptuh! Ammei mang kübü nyokei leituh; shejüang mangi am nevüshihhen.

JEREMIAH 36:3

Üpai nyingpa, mechem Judah ami ngei jom kü shuohhen shei tempü shanghah jung danhenshang, jom peüi jomei mang lemthü kübü mong lephen aokpeih; hapakei vaijema ngei jomei mang hatü jomi shaitükpü mang peü tükhen.”

JEREMIAH 9:12

Ha nyingaokhen mü üpa kü kon changshi nyüpa? Ha baongei ehen mü üpa kü Shembüpalei ju kübü vamei eshuohpa? Üpaiyao peih-ei nekamteihen mü mehekei hapa kahdokü lavüngtoiyei yakphongpa?

JEREMIAH 23:14

Shejao Jerusalem am thibüthü khongkü nyeinya nemeipü dou ngei eepeih. Jomi mükbongjuyung düknyüke, hatü shahshem kü kamnyüke; Jomi douten dükpüthülei lak wong kohhünyüke; hapai üpayao mang kübü nyokei neleinyu. Ngei touei jom peü Sodom am keiha, hatü Jerusalemü Gomorrah kei nyüke.

EZEKIEL 13:5

Ammi Israel am phang shingvaishi bendaipü bham nelingpü nangkü Shembüpalei nyih kü ammei vepa kü khangei neyaongaokpih.

AMOS 3:7

Hingmei, Shembüpai büpalei küpjan büpa chongphopü thibüthü kü ne-epheikü meheyao nedüknyih.

MALAKI 2:6

Jomei ju kü shahhing nyuhpü nyüke, hatü jomei jubenyeijaang kü meheyao nejiüpü neshiü. Büpa ngei mü chingmei kü hatü kangshangi kam, hatü mang kübü longi müei lei.