JEREMIAH 23:17 - DAÜLANGPÜ LAIHING (BSI)

¹⁷ Ngei yakphongpüthü kü jomi düngei, “Am mü chingmei nyuhen” shei enyüke, hatü mongdang vaanpüthü peü kü, “Mepa shanghah-ao nepeiküpih” shei enyüke.

JEREMIAH 23:17 Referans Kwoze

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

JEREMIAH 13:10

Ngelei shah nebanghüpü, mong vaanei laophüi mongpü lem kü daipü hatü lebü kahvangthü chongphoei khümpü mang shennyakthüyü hapa yahlak neshiüi mangdaipü shüng ashak kei nyuhen.

AMOS 9:10

Ngelei nanglak khong kübü mang shennyakthü peü kemei, hatü üami, “Mehe tenao jen kü nedhaümküpih nevaijünepongpih” shei epüthü peü vepalei lak kü mahkemhen.

MIKA 3:5

Shembüpai thibüthü nang hapakei enyüke: “Ngelei nanglakthü lemnyong kü müpü thibüthü nangkü, hanei-i hahhen yahshuohjema, chingmei vangmei nyutuh” shei baongnyüke, Shejao üpai hapakei nedükshuohhen, büpa khüei vehokhen jomi temnyüke.

JEREMIAH 9:14

shejao jomei mong vaanei chebü chepai nyuhshuohpü keiha Baal kahvang pheikü lüdaipü nangkü ha vampeih.

JEREMIAH 8:11

Jomi ngelei nanglakthülei makaw kü wongshi neshiüpükei deihshi shaphongnyüke. Meishi neshiüshiüi, “Meishi nyüke” shei enyüke.

JEREMIAH 5:12

Jomi Shembüpa nang shahshem eteke, hatü, ‘Büpai meheyao nedükphapih. Jen kü mehe tenao nepeiküpih; münghishaü, hokpüheipü meheyao ne-eepih’ ” shei eteke.

SHAHKÜP 29:19

Shinnyih hamü omei nyupü üpaiyao hapa lappü dantüktü laophülei mong vaanei, ngei mongpü lem kü longteijao meihen shei tedeih. Hapai am nemeipü hatü meipü peü aihük mü lomohhen.

ZEKHARIAH 10:2

Yaongnaüyathüi lueilemei enyüke; Phongyompüthüi shahshem manghkhang eenyüke; jomi shahshem manghthü tetnyüke. jomi angsha nyiushemmei shuohnyüke. Hanangkü mi yombü neshiüpü mithü hanghipükei shennyakthü paüeiyonei longteinyüke.

EZEKIEL 13:22

Ammei shahshemi daülangpü shennyakei mong maanhüteke, hatü nemeipüthü kü jomei mang lem kübü nyokei leiyei yanghen nevai-i hapa lem kübü lepei neleihen mongnang thongteke.

EZEKIEL 13:10

Chingmeivangmei neshiüshiüi, “Chingmeivangmei nyüpeih” shei eyei ngelei nanglakthü lemnyongei mülangpü nangkü, hatü mechem nanglakthüi bham linghenshang, hathüi hapa kü dhoni nyiotüknyüke,

JEREMIAH 18:18

Hahepak kü jomi, “Kei, jeni Jeremiah khüei phaüshah showshah; mehenangkü ngongpai nyuhpüvenpü, nevaijü nyingpüthüi epü shah, nevaijü thibüthü leipü shah nemahnyu. Kei, jenei shah-i büpa yepshah hatü büpai epü kü mong neshuoh-i tükshah” shei eteke.

JEREMIAH 6:14

Jomi ngelei nanglakthülei makaw kü wongshi neshiüpükei deihshi shaphongnyüke; Meishi neshiüshiüi “meishi nyüke” shei enyüke.

JEREMIAH 3:17

Hahepak kü Jerusalem keyü Shembüpalei ong uoshing shei nyükhen, hatü jatthü peü halei Shembüpa nyushing Jerusalemei thaihen hatü jomi hajük kü mong vaanei jomei mangi mongpü lem kü nedaihen.

BHEI-IE 11:20

shejao lenyang hük kemei ammei shuonghiju kü yenshi, hatü mangteng thahshi hahhen. Mehenangkü ammi am mü nyupü Shembüpa yakphong, hatü, “Ham Ijip leipü mehekei layaongei daihahpa?” shei büpa kü eelaei eteke.

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

LUK SHAHSHA APPÜ 10:16

Üami ammi epü bangnya, ngei epü bangnyüke, üami am yaktüknya, ngei hatü ngei shompüba yaktüknyüke.

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.

JEREMIAH 4:10

Hahepak kü ngei, “Ah, Shembüpa Kahvang, üng kü yani jeshi tuhtü, ‘Am shingvaishiyü meishasha hih’ shei eshi mekei etü nüngi hapa nanglak hatü Jerusalem lueilemtüknya” shei e.

ISAIAH 57:21

Nemeipüthü shingvaishi chingmei neshiü” shei ngelei Kahvangi enyüke.

2 SAMUEL 12:10

Hanangkü shaang, nüngei shemong kübü yan mechemao neyanpih; mehenangkü nüngi ngelei shah neyah-i Hit am Uriahlei nyüha nüngei nyüha vaishi yahteke.

1 SAMUEL 2:30

Hanangkü Shembüpa, Israel Kahvangi hapakei enyüke: Ammei shemong hatü mükhiphangi düngei ngei touei chongphohen shei lahteke, shejao shaang Shembüpai enyüke: ‘Ngei toueipü taishi lüdaituh; üami ngei kü dhüm shuohnya, ngei jom kü dhüm shuohhen, üami ngei yaktüknya, ngeiyao jom nyonghühen.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

ZEPHANIAH 1:12

Hahepak kü ngei awdük noshi Jerusalem yemhen, hatü laophü kü laophüi mongnyangtü nyupüthü, hatü üamei mongkü Shembüpai mehe tenao meiyao nedükphapih shei deihnya, ngei jom kü shüveihen.

ISAIAH 30:10

Jomi manghkhang eepüthü kü, “Hajük kü manghkhang te-ekei” hatü thibüthü kü, “Mehe jiü, hapa nang teteivanei te-ekei shei enyüke. Ham kü mongongbenüng mon eshih, mehe lekahen ha mon eshih;

JEREMIAH 18:12

Shejao jomi nüng kü jangei, “Hayü nadang neshiü. Hami hamei küpjanthü kü kamhen; ham peüi hamei mang mongdang vaanpü lem kü mühen” shei ephahen.

EZEKIEL 13:19

Nük lakbaoh hük nangkü hatü aan bhaok hük tata kü ammi ngelei nanglakthü touei ngelei men yaüteke. Dihen nejiüpüthü jütük, yemmü nyuhen neshangpü yemmü tuhnyüke. Ammi ngelei nanglakthü kü shahshem enyüke hatü jomi ha kü hinglemnyüke.”

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

SHAHKÜP 29:18

Shinnyih hamü yaongshi nyupü baha, nyüha, shemongsha nevaijü jathili üpaiyao Shembüpa, jenei Kahvang toueipü nelepdaihen hatü ha jatthülei kahvangthü kü nekhümhen kentuh. Hapayü shahyakpü pü tünglang hatü leü nemeipü pü kei nyukahen.