JEREMIAH 23:16 - DAÜLANGPÜ LAIHING (BSI)

¹⁶ Jeiyong Shembüpai hapakei enyüke: “Ammi thibüthüi teteivanei epü kü tebang; jomi am kü angsha monglem shah-i mahünyüke. Jomi jomei sholi kü peipü manghkhang enyüke; SHEMBÜPAleipü epü nevai.”

JEREMIAH 23:16 Referans Kwoze

JEREMIAH 14:14

Hahepak kü Shembüpai ngei kü, “Hathü thibüthüi ngelei men noshi shahshemi teteivannyüke; ngei jomphong neshom, nevaijü nanglakthü kü etuh shei ngei jom kü ne-eangpih. Jomi am kü shahshem manghkhang, yahlak neshiüpü tetshahvanshah, hatü jomei sholi kü peipü lushahlemshah enyüke.

EZEKIEL 13:6

Jomei manghkhangü nejiü, hatü jom tetpüvanpü kemei shahshem. Shembüpai jom neshomshomi, “Shembüpai hapakei enyüke” shei enyüke hatü jomi epü nyemjiüja shei deihnyüke.

MATHI 7:15

Shahshem thibüthü kü lituh; jomi am touei mi-ow owtü peinyüke shejao mongü shuw kei mangshi nyüke.

EZEKIEL 13:3

Jeiyong Shembüpai hapa enyüke: Manghkhang ne-eepü kü laophü kü lepükei epü thibüthü onyükei!

1 JOHAN 4:1

Bampü küphüthü, laangha peü kü ammi hingtelem, shejao hathüyü Kahvang leipü laanghathü vaila shei dokei veituh; mehenangkü shahshem thibüthü kahdoknyü kü longi vamei daiteke.

JEREMIAH 23:21

Ngei hathü thibüthü neshomshomi jomi laophülei shahjang kotü longteinyüke; Ngei jom kü ne-epü kü jom teteivanei enyüke.

2 ONGPATHÜ 17:15

Jomi büpalei shahkungnyüthü nebangi mong vaan, hatü büpai chebü chepa am mü vangteishuwteipü, hatü büpai jom kü shuohpü shahvüng yaktük. Jomi yahlak neshiüpü lajeithü kü khümei yahlak neshiüi leidai. “Jomi dükpükei tedük” shei Shembüpai jom kü ngeükhüam shuohlangmao jomi jom ngeih-ei shonei nyupü jatthülei deiaei nyuhteke, hatü Shembüpai tedük shei epü douthü dük.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

JEREMIAH 23:26

Jomei sholi kü lejapü eyei meshük lushi hapa thibüthü nyuhenang?

EZEKIEL 22:28

Haleipü thibüthüi bhamba kü dhon yungi phupükei phuei jomei mang jonyüke; jomi shahshem manghkhang eenyüke. Ngei ne-epü kü jomphongi ngei epükei, ‘Shembüpai hapakei enyüke’ shei enyüke.

EZEKIEL 13:23

Hanangkü hajük kü ammi shahshem manghkhang nevaijü phongyomthiphepü neeehen; ngei ngelei nanglakthü ammei lak leipü yanghen. Shejüang ngeiyü Shembüpa Kahvang shei ammi nyinghen.

EZEKIEL 13:16

Jerusalem kü chingmeivangmei neshiüshiüi chingmeivangmei nyüpeih shei Jerusalem nang teteivanei manghkhang eepüthü neshiü’ shei ngei ehen” shei Shembüpa Kahvangi enyüke.

JEREMIAH 29:8

Mehenangkü Jeiyong Shembüpa, Israel Kahvangi hapakei enyüke: “Am mü chemi nyupü thibüthü hatü phongyompüthüi am kü lueilemhen mü tenyu, hatü jomi manghpü manghthü kü tebangtei;

JEREMIAH 9:20

Shembüpalei shah bangtuh, Oh nyüha, hatü büpalei ju kübü shah nüngei dhaongei shühahtuh; Anha kü mahng kesho hük nyuh-eishuoh, hatü nüngei küphü kü mahng thephen nyuh-eishuoh.

JEREMIAH 2:5

Shembüpai hapakei enyüke: Ambü ampai ngei toueipü yandaihen mü jomi ngei kü pungpü mehe yeppa? hatü jom yahlak neshiüpü douthü pheikü daiyei jomao yahlak neshiüi leidaiteke.

KANDOK 19:27

Ngelei hapeü, nyuhpüvenpü nebangi dohdaijema, nüngi nyingpühingpü kübü yandaihen.

ROM SHAHSHA APPÜ 1:21

mehenangkü jomi Kahvang nyingjao jomi büpa kü Kahvang kei dhüm neshuoh nevaijü büpa kü menvih neshuoh, shejao jomei mongdeih yahlak neshiüi leidai, hatü jomei sholi kü vangnyaki madai.

JEREMIAH 9:12

Ha nyingaokhen mü üpa kü kon changshi nyüpa? Ha baongei ehen mü üpa kü Shembüpalei ju kübü vamei eshuohpa? Üpaiyao peih-ei nekamteihen mü mehekei hapa kahdokü lavüngtoiyei yakphongpa?

YOUNG LAI 2:9

Pinnyülei pe shaden kahmongei shüdaiteke; jomei nyiam pe khih mü nihdaiteke. Pinnyülei longhiongthü peü wüpküpei daiyei lebü jatthü chi kü nyüke. Hajük kü shahkungnyü nenyuhneven; thibüthüi sheyü SHEMBÜPAleipü manghkhang ne-eehen.

1 ONGPATHÜ 22:11

Shaang Kenaanahlei cheha Zedekiah-i nyiami vaung hük lingtü büpai, “Hapa yah-ei nüngi Aram am mangmahkem thahshi hokhen shei Shembüpai enyüke” shei e.

2 SHÜPPÜKENGPÜ 18:5

Hanangkü Ahab ongpai thibüthü jom kho ali chemi thaihütü jomphong kü, “Ngei Ramoth-gilead am khüei hoknüng daihen hi nedaihen?” shei phe. Jomphongi, “Daituh; mehenangkü Kahvangi ongpalei lak kü jom shuohhen khih” shei e.

JEREMIAH 29:23

Mehenangkü jomi Israel kü nyembenüng mang dükteke; chingyowpalei nyüha mü mükbongjuyung dükteke, hatü ngei neshomshomi ngelei men kü shahshem eteke. Ngei ha nyingnyeih hatü ngei ha kü denpü shuohnyeih shei Shembüpai enyüke.”