JEREMIAH 23:11 - DAÜLANGPÜ LAIHING (BSI)

¹¹ “Thibü hatü ngongpa nyiphen Kahvang nenying; Ngelei shemei dangkao ngei mang eenyüke” shei Shembüpai enyüke.

JEREMIAH 23:11 Referans Kwoze

ZEPHANIAH 3:4

Pinnyülei thibüthüyü changmeipü, lawlüppü mon nyüke. Pinnyülei ngongpathüi daülangpü shing sheihtüknyüke, hatü jom kü jiüpükei shahkungnyü yeiyatüknyüke.

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

EZEKIEL 23:39

Jijilei lajeithü kü jijilei hapeüthü moila shuohpü nyih-üng jijinyi ngelei daülangpü shemei shüei hapa sheihtükpeih. Jijinyi-i ngelei shemei ha dükpeih.”

JEREMIAH 32:34

Ngei kü khümhen vepü phopshem jomi jiühitnalaipü lajeithü tuh-ei jomi ha sheihtükpeih.

EZEKIEL 8:16

Hatü büpai ngei phopshem pekon mongei müei shü. Halei phopshem shaden touei shemshom hi moidü nyi aa kü baha jom hapünga hükshing phopshem philei dok mee, heong philei dhe meetü vanghe kü aümei shatü shatü khümei eeteke.

JEREMIAH 11:15

Jomi hajük mang dükyaki ngelei shemei ngei bampü nanglakthü kü mehe jiüpü hean nyuhen? Lahpü hatü yemhimak moila shuohpai shanghah khaplükhen shei deihnyu je? Hapai mongmeihühen deihnyu je?

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

JEREMIAH 7:30

Judah nanglak ngei touei mang dou dükteke shei Shembüpai enyüke; ngei kü khümpü shem sheih-ei jomi jiühitnalaipü lajei tuhteke,

2 SHÜPPÜKENGPÜ 36:14

Anyei vaishi ngongpa mübüthü peü hatü nanglakthü nyeinya hingnelemi jatthüi dükpü jiühitnalai douthü dükei Shembüpai Jerusalemei daüei tuhpü phopshemao sheihtük.

EZEKIEL 8:11

Hathü touei Israel am behethü jom pejempüan mü Shaphanei cheha Jaazaniah-ao jom mü omshi yaongshi eeteke. Jom peüei lakei ayingshü jakpü shung notü hatü ayingshü jakpü awshit aongei eeteke.

EZEKIEL 7:20

Jomü jomei chühiyük meipü kü changmeihampeih, hatü hapai jomei jiühitnalaipü lajeithü linghampeih. Hanangkü ngei hathüyü jom shingvaishi nedaünelangpü dou leihühen.

JEREMIAH 23:15

Hanangkü thibüthü nangkü Jeiyong Shembüpai hapakei enyüke: “Ngei jom kü shahyakpü hahying ühhen, hatü dihen leü kohpü yung yingshuohhen; Mehenangkü Jerusalem leipü thibüthü homei Kahvang nenyingpü douthü kahdok kü vamhüteke.”

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

2 SHÜPPÜKENGPÜ 33:7

Büpai laki lingpü lajei yah-ei Shembüpalei shemei tuh, hapa nang Kahvangi David hatü cheha Solomon nyi kü, “Israel jat peü khongkü ngei jepü hapa shem hatü Jerusalem kü ngei kü khümhen;

2 SHÜPPÜKENGPÜ 33:5

Shembüpalei shem chingshe nyiphenei büpai lithathü kü khümhen moidüthü ling.

JEREMIAH 50:6

Ngelei nanglakthüyü mah-ei nyupü mithü; jomei mi yombüthüi jom lemnyong kü mülangpeih, hatü vakhivien kü longteihüei angpeih. Jomphongi mikhaok betüktü kahshangei longteiyei nyupeih.

YOUNG LAI 2:20

Veituh, Oh Shembüpa, nüngi hanghi shuohpü kü! Nyühathüi laophüi bühhahpü hapeüthü jüei hahnyüke; Ngongpathü hatü thibüthü Phopshemei jütükkemnyüke!

EZRA 10:18

Ngongli kübü hathüi kungyiük yahteke: Jozadakei cheha Jeshua hatü jeihinaülei phang kü: Maaseiah, Eliezer, Jarib hatü Gedaliah.

EZEKIEL 44:10

Shejao Israel am lemnyong kü lüdaishingkü ngei toueipü taishi yanei lüdaipü, lajeithü kü khümei lemnyong kü lüdaipü Levi ami hapa hanghi kohen.

ZEPHANIAH 3:3

Pinnyülei lakchongbüthüyü ngüngpü mailangthü khih; pinnyülei shahphenbüthüyü phu-ao neao-i hahteipü shuwthü khih.