1 Ngelei mithü het hahshing leipü mahtükpü hatü haitükpü mi yombüthü onyükei! shei Shembüpai enyüke.
Mi yombüthüyü sholi neshiü, hatü Shembüpa kü nephenyu. Hanangkü jom nedaneshe hatü jomei yemhimak kemei haidaipeih.
Jeiyong Shembüpai hapa enyüke: Manghkhang ne-eepü kü laophü kü lepükei epü thibüthü onyükei!
Mechem büpai khongnyü eepa, büpai jomphong kü shinshangei deih; mehenangkü jomphongü ponghahpü hatü sheühbü neshiüi mi yombü neshiüpü mithü kei nyuteke.
Vanglüki nüngei mi yompüthü peü mao-ei lüdaihen, hatü nüngei küphüthü peü wüpküpei lüdaihen. Hahepak kü nüngei mang nangkü nüng veühen hatümongmanghen.
Kung am vanglem lempüthü longi peiyei ngelei nyalingngupai kah mangtük; jomi ngelei kah nyeütük; Jomi ngelei bamhüpü kahdok bhih kahdok leitükpeih.
Ngelei nanglakthüyü mah-ei nyupü mithü; jomei mi yombüthüi jom lemnyong kü mülangpeih, hatü vakhivien kü longteihüei angpeih. Jomphongi mikhaok betüktü kahshangei longteiyei nyupeih.
Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.
Üpa mi yombü nevai, shejao lathahbü mon hatü laophülei mi nenyu, büpai shahhishuw peipü eeyei mithü mon tuhphongtü mokdainyeih, hatü shahhishuw peiyei jom shüknyüke hatü yantüknyüke.
Gühpayü gühhen, jühen hatü mangtükhen nangkü mon peinyeih. Ngeiyü jomphong yangnyuyem nyuhen, hatü changshi nyuhen shingvaishi yiüpeih” shei e.
Hanangkü Shembüpa, Israel Kahvangi ngelei nanglak mi yombüthü kü hapakei enyüke: “Mehenangkü ammi ngelei mithü kü nejungnelangi haitük, hatü changtükpü nangkü, ammi dükpü douten tata kü ngei am kü hanghi shuohhen shei Shembüpai enyüke.
Jom hei-üng tuhphongtuh. Jomü mükphüngpü lem mübüthü. Mükphingpa hüki lebü mükphüngpa müjema jijiphen kahshalei vühen” shei e.
Amphongü ngelei mithü, hatü ngelei thüngkon shangei üh-ei haümpü mithü, hatü ngeiyü ammei Kahvang shei Shembüpa Kahvangi enyüke.
Mehenangkü amphongi tüngpü mithü peü kü bhagchongi hatü ngaüpi hungteke, hatü hathü mangyandai thahshi hokei changteke.
Gühpai güh yephahjü veüpü keiha, Israel amao jomei ongthü, lakchongbüthü, jomei ngongpa hatü thibüthü peü veühen.
Ngei shekü peipüthü peü gühpa hatü peileipa, hatü mithüi jomphong kü nebangnyu.
Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.
mohitap kü Jerusalemei moilahen deihpü mithü dahühen. Hapa keiha bentükpü chingnyüthü hangkui maei nyuhen. Shejüang jomi ngeiyü Shembüpa khih shei nyinghen.
Shembüpalei shah ngei touei peiteke:
Ngei mi yombüthü khüei mongshih vamnyüpeih, hatü ngei mübüthü hanghihühen; Mehenangkü Jeiyong Shembüpai büpalei mi khong Judah am phang junghen, hatü jomü vehok kü changmeipü koyei kei leihühen.