JEREMIAH 22:7 - DAÜLANGPÜ LAIHING (BSI)

⁷ Ngei am khüei laophü laophülei lahhilaong notü jüpü am shomphahen, hatü jomi ammei cedar pü meipüthü agei aw kü jaktükhen.”

JEREMIAH 22:7 Referans Kwoze

ISAIAH 37:24

Nüngei phongmokbüthü homei nüngi Shembüpa kü yaüei eteke, hatü nüngi, ‘Ngei koyei khari mü Lebanon kahshang shaopü thahshi aongtepih. Haleipü shaopü cedar, hatü meipü cypress püthü agtepih; hapa shangching teppü hatü hapa yingnyü yingnyak thahshi shütepih.

JEREMIAH 21:14

Ammi dükhahpü betjük aimü ngei am kü hanghi shuohhen shei Shembüpai enyüke. Ngei ammei phaüthü kü awi haphen, hatü ha kü shonpü lemphü hahtükkemhen.

MATHI 22:7

Ongpa mongshih. Büpai veshanthü shomei shennyak jüpüthü jütük, hatü jomei chingnyü awi haptük.

ZEKHARIAH 11:1

Ammei penyüsha aptuh, Oh Lebanon; ammei cedar püthü awi hahtükhen!

JEREMIAH 5:15

Ngei am touei tailu leipü jat hük müei leikahen, Oh Israel am phang shei Shembüpai enyüke. Hapayü aivang mebü nyupü jat hük; ammi jomei shah nedan nevaijü jomi mehe enya ha ami nedanaokhen.

JEREMIAH 15:8

Yungching bhihhiphang mao nyeishi ngei vaümnyü longi vamhühen. Heshotapa kü ngei thehilathülei nyüthü khüei jühen am müei peihen. Ngangahük kü ngei jom kü shanghah hatü nyemhihan koei peihen.