JEREMIAH 22:6 - DAÜLANGPÜ LAIHING (BSI)

⁶ Judah ongpalei ongshem nangkü Shembüpai hapakei enyüke: “Ngei touei amü Gilead keiha nyujao, Lebanon shangching leshi nyulangmao, ngei amü hingmei mü bhih kahdok leitükhen, shennyak nenyupü ching kei leitükhen.

JEREMIAH 22:6 Referans Kwoze

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

MENVIH KESHO 107:34

Shennyakthü nemeipü nangkü büpai betjük jükpü kahdok hüm kohpü kahdok leitüknyeih.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

ISAIAH 27:10

Penyü showtükpü chingnyü-ü lavüngtoiyei chongkahen, hangku nyushingü yingnyü keiha vüngmaki leidaihen. Halei mohohthüi het hah-ei lemeileyei, haleipü phenha vunglak peü meeklanghen.

JEREMIAH 26:18

Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 7:34

Ngei jomei mongongmonglepü ngeü, Judah chingnyü hatü Jerusalem chingyangshongei yiükyah lashompü ngeühinga kemei dohtükhen; mehenangkü hapa kahdokü lavüngtoiyei leitükhen.

KAHBHAO 37:25

Hapheikü jomphong hahyingei nyushing kü jomi veishuohjü Ishmael am ut kü uotü Gilead leipü müh, meli hatü nyalingngupai van kotü Ijiplei yiüjapü eeteke.

JEREMIAH 22:24

Shembüpai Judah amei ongpa Jehoiakimei cheha Jehoiakin kü eteke, “Hingmei ngeiyü vanyangyem Kahvang, nüngü ngelei lakdahphi kü sheppü anguti kei nyulangmao, ngei nüng bhühtükhen.

JEREMIAH 21:14

Ammi dükhahpü betjük aimü ngei am kü hanghi shuohhen shei Shembüpai enyüke. Ngei ammei phaüthü kü awi haphen, hatü ha kü shonpü lemphü hahtükkemhen.

JEREMIAH 21:11

Anyei vaishi Judah am ongsha ongshem kü, “Shembüpalei shah bangtuh” shei etuh;

JEREMIAH 4:20

Shanghah kü shanghah dheanei, kahmük kemei lavüngtoiyei leidaiteke. Ngangahük kü ngelei ashakshem; kanja mong aa kü ngei loishing bendaiteke.

SOLOMONEI KESHO 5:15

Büpalei layü douvang yaong shemnyü hon shangkü shemei lingpükei nyüpeih. Büpalei hangbongü Lebanon keiha, cedar püthü kei meishi nyüpeih.

SHAHKÜP 3:25

Shembüpa, ngei Jordan yungyen homei heih-ei kahcheü kohpü kahdok, nethe meipü phaüshang kahmük hatü Lebanon kü veishah” shei eteke.

BHEI-IE 32:1

Reuben hatü Gad phang nyilei yemhimak longi nyuteke. Mechem jomi Jazer hatü Gilead amei kahdok kü yemhimak haümhen longi meihen khih shei veiaokpa,

SOLOMONEI KESHO 4:1

Nüng mekei nela meipüang ngei bampünyü! Oh mekei meipüang! Shokuh phangei nüngei mükü athuba kei shüke. Nüngei sho-ü Gilead Kahshang leipü yumhathü mum dheüei leiküpükei shüke.

JEREMIAH 50:12

ammei nyü chemjalak kü veü ponghen, hatü am bühpü hümlungnyü mongshanghen. Babylonü jatthü khongkü peü mü maanpü jat leihen, hapayü kahvan, bhih kahdok leidaihen.

ZEKHARIAH 11:1

Ammei penyüsha aptuh, Oh Lebanon; ammei cedar püthü awi hahtükhen!

ISAIAH 37:24

Nüngei phongmokbüthü homei nüngi Shembüpa kü yaüei eteke, hatü nüngi, ‘Ngei koyei khari mü Lebanon kahshang shaopü thahshi aongtepih. Haleipü shaopü cedar, hatü meipü cypress püthü agtepih; hapa shangching teppü hatü hapa yingnyü yingnyak thahshi shütepih.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

JEREMIAH 8:22

Gileadei meli neshiüpü je? halei meli nobü neshiüpü je? Mehekei ngelei nanglakthüi büm yangei neleinya?