JEREMIAH 22:5 - DAÜLANGPÜ LAIHING (BSI)

⁵ Shejao nüngi hathü shahkungthü nebangjema, hapa ongshemü lavüngtoiyei leitükhen shei ngei lahnyeih” shei Shembüpai enyüke.

JEREMIAH 22:5 Referans Kwoze

AMOS 6:8

Jeiyong Shembüpai büpa nyingi vangeishuwteke Jeiyong Shembüpai enyüke: “Ngei Jakob changmeipü nelümnyih, hatü jomei penyüsha kü jiühitnyeih. Ngei hapa chingnyü hatü halei nyupü lemphü vepa kü shuohtükhen.”

HEBREW 6:13

Mechem Kahvangi Abraham mü lahpü hük lingpa, büpai lahhen mü büpa dok kü longpü üpayao neshiüpü nangkü büpai laophü nyingi,

JEREMIAH 17:27

Shejao ammi Sabbath nyih Jerusalem penyüsha homei hanggo kotü neshüpü homei Sabbath nyih daülangi tuhtuh shei ngei epü nebangjema, ngei Jerusalem penyüshathü kü mechemao nemethen aw vamhühen hatü hapai penyüshathü hahtükhen.’ ”

KAHBHAO 22:16

“Ngei, ngei nyingi lahtepih shei Shembüpai enyüke: Nüngi nüngei halom dangkao shümei nedoh-i ha dükpü nangkü,

JEREMIAH 39:8

Babylon ami ongshem hatü nanglakthülei shem awi haptük hatü Jerusalem bham bentük.

ISAIAH 1:20

Shejao amphongi ha yaktüktü ngei khüei yaongjema, amphong mih-ei yannah-i mahhen.’ Mehenangkü Shembüpalei jui ha eteke.

HEBREW 6:17

Hapa keiha mechem Kahvangi lahtükpü mükjüp danghenthü kü büpalei nejeilepü nyingnyoi mükhong nyeishi lekei huhüpa, büpai hayü lahpü hüki vangpeih.

HEBREW 3:18

Ven nedanpüthü kü epü nevaijema büpai lah-ei ngelei nyiushemmei kahdokei neshüaokpih shei üam kü epa?

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

MENVIH KESHO 95:11

Hanangkü ngei mongshihpai, “Jomi ngelei nyiushemmei kahdokei neshüaokpih” shei vangtükpeih.

2 SHÜPPÜKENGPÜ 7:22

Hahepak kü jomi-üng, “Jom Ijip kahdok leipü müei leipü Shembüpa chebü chepalei Kahvang yakphongtü lebü kahvangthü yah-ei hapa chongphoei khümpü nangkü büpai hapa shanghah vongshüh peü shuohpüja” shei eteihen.

2 SHÜPPÜKENGPÜ 7:19

Shejao ngei nüng kü shuohpü shahkung hatü vanglemthü yakphongtü lepei daiyei lebü kahvang chongphoei khümjema,

MATHI 23:38

Veituh, ammei phopshem am touei lavüngtoiyei tuhphünyeih.

JEREMIAH 26:4

Shembüpai hapakei enyüke shei jom kü etuh: Ammi ngelei shah nebangjema hatü ngei am kü shuohpü shahkung kü nemüjema,

JEREMIAH 44:26

Shejao Ijiplei nyupü Jehoda am, Shembüpalei shah bangtuh: Ijiplei nyupü Israel nanglakthüi hajük kü jomei ju kübü vamei, ‘Vanyangyem Shembüpa ‘shei ne-epih shei ngei, ngelei longpü men kü vangei enyeih shei Shembüpai enyüke.

2 SHÜPPÜKENGPÜ 7:21

hatü shaang hapa phopshem dhüm kohshi nyüke, shejao peihpü shaipü peüi, “Mehekei Shembüpai hapa kahdok hatü phopshem kü hapakei dükshuohpa yo?” shei ehen.

JEREMIAH 12:7

Ngei ngelei shem yakphongpeih, ngei ngelei mükjüp tuhphongpeih: Ngei ngelei mongdangi bampüba vepathülei lak kü shuohtükpeih.