JEREMIAH 22:3 - DAÜLANGPÜ LAIHING (BSI)

³ Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

JEREMIAH 22:3 Referans Kwoze

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

JEREMIAH 22:17

Shejao nüngei mükhimongü shahhing e-epü mop danghen, mang neshiüpü iy yenhen, mih kü shüveitü aettei daihen deihshi nyüke.

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.

EZEKIEL 22:7

Hapa chingnyü kü nyupü peüi nyühipa kü dhüm neshuohnyu; hapa chingnyülei nyupü benhayahathü leipü aeteishenyüke; hashihha hatü vaümnyüthü nyongtüknyüke.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

JOEL 3:19

Shejao Ijipü shingkong leihen, Edomü bhih kahdok leidaihen; Mehenangkü jomi Judah kahdok hahteke, hatü mang neshiüpü nanglakthü jüteke.

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

JEREMIAH 5:28

jom nitei hatü nyülüki leinyüke. Jom mang dou dükhen kü hajük shei neshiü; jomi shahhingi shahphen neshuohnyu; Jomi hashihhathü kü jomei jiüpü hean neshuohnyu, hatü ponghahpüthü kü shahhing nedükshuohnyu.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

KANDOK 23:10

Ammei shongpü viong lemchang kü tephintei, nevaijü hashihhathülei kah lenei teyah;

MENVIH KESHO 68:5

Hashihhathü kü pa, hatü vaümnyüthü kü khüambakpeyü Kahvang; büpalei daülangpü shingei nyüke.

2 ONGPATHÜ 24:4

hatü nyeinya vaishi büpai mang neshiüpü iy longi yenhü. Mehenangkü büpai Jerusalemü mang neshiüpü iy yenpai mahü, hatü Shembüpai mang tükhen nemong.

SHAHKÜP 24:7

Shennyak hüki jempü Israel shennyak hük yepei daiyei aa kü kei noteijema hatü yutükjema, shennyak yeppü shennyakü jütükhen vongbong. Am toueipü henüng mang daütükhen vongbong.

JEREMIAH 26:16

Hahepak kü lakchongbüthü hatü nanglakthü peüi ngongpathü hatü thibüthü kü, “Hapa shennyak tejü; büpai Shembüpa, jenei Kahvangei men kü jen kü epü khih” shei e.

KANDOK 6:17

Changmeiyei naammük veipü, shahshem epü yeijaang, mih kü iy-aongshapü lak;

MENVIH KESHO 94:21

Jom chemi daülangpüthü khüei shah shownyüke, hatü mang neshiüpüthü jütüknyüke.

MENVIH KESHO 94:6

Jomi vaümnyü hatü yenpathü jütüknyüke, jomi hashihhathü jünyüke,

JOB SHAHSHA APPÜ 24:9

“Nyühaüm kübü hashihha aetei yahteipü shennyak hanei nyüke; taopalei naü bheishe hang kü yahlangnyüke.

JOB SHAHSHA APPÜ 22:9

Nüngi vaümnyüthü lakkong deishihteke, hatü hashihhathü kü nemei-i dükteke.

2 SAMUEL 23:3

Israel Kahvangi eteke; Israel amei Yaongnyüi ngei kü eteke: Kahvang nyemshi üpai ngelei nanglak kü shahhing kü vanglem lemnya,

SHAHKÜP 27:19

“Üami benha kü, hashihha kü, hatü vaümnyü kü shahhing nenonya, hapa shennyak kü thaüvaü hettuh.” Hahepak kü nanglak peüi, “Amen!” shei ehen.

SHAHKÜP 25:1

Mechem shennyak nyi dehenshang, hapayü shahphen shingei deihen, hatü shahphenbüthüi jiüpü shennyak dah shakei hatü nejiüpü shennyak nyonghüei shahphenhen.

SHAHKÜP 10:18

Büpai hashihha hatü vaümnyü khüambaknyeih hatü lakeiloipü shennyakthü kü bamnyeih hatü jom kü hahying hatü ashakviha shuohnyüpeih.

LEVI 19:15

Shahhingi shahshem teleihü; taopa kü baong hanei nevaijü longpü am kü hayaoha bamei teno, shejao shahhingi ammei chingyowpalei shahphentuh.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

MÜLANGPÜ 22:22

Ammi vaümnyü nevaijü hashihha üpa kao naamei teno.

MATHI 23:23

Akhümmong-üm shahkung nyuhbü hatü Phariseethü, onyükei! Mehenangkü amphongi haohilai eheni napa, nemha, nemnyü kübü ankhong shuohnyüke, shejao hapa mü vihpü shahkung eheni, shahhing, phahji, hatü hinglempü hathü nedüki yaktüknyüke. Lebüthü ne-amtüki ammi hathü dükhen vaipeih.

MÜLANGPÜ 22:21

Chem kü nyudaipü benhayaha kü nejiüi nevaijü naamei tedük; mehenangkü amphongü Ijip kahdokei benha vaihampeih.

ISAIAH 58:6

Ngei nabenüng shüaeiyunglepeyü hapa hih: Shahhing ne-epü nyiamvü laihen, hatü mih kü shapü vü shehen, Ponghahpüthü bümei leihühen, hatü lungsha kemei laitükhen.

ISAIAH 58:7

Aeipüthü kü ammei hahying hanhen, shem neshiüpü taopathü kü loihen shem shuohhen; Bümkong eejü ashakviha shuohhen, hatü laophülei shem am kü sheühhen, hathü hih.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

JEREMIAH 19:4

Mehenangkü jomi ngei yakphong hatü hapa shingü lebü kahvangthülei shing leitük; jomi halei jom nevaijü jomei bühipathü nevaijü Judah ongthüi mechemao nenyingpü kahvangthü kü moila shuohteke, hatü jomi hapa shingü mang neshiüpü iy yenhüpai matükteke.

YOUNG LAI 3:36

shennyak hük kü shahhing nedükpü kü Shembüpai henüng keipü kü neveinyu je?

EZEKIEL 18:12

Büpai taopa hatü ne-angpüthü kü shüveinyüke, büpai gühnyüke, hatü lahtü yahpü jiüshi nyokei neshuohnyu. Büpai lajeithü kü veinyüke, büpai jiühitpü douthü düknyüke.

EZEKIEL 45:9

Shembüpa Kahvangi hapakei enyüke: Oh Israel ongthü, hajük kü dohtuh! Nemei-i dükpü hatü shüveipü tuhtüktuh; mehe shahhing hatü jiü, ha düktuh. Ngelei nanglakthü hapa kahdok leipü changtükei heihpü kübü dohtuh shei Shembüpa Kahvangi enyüke.

AMOS 5:24

Shejao shahhingpa yungyen kei yenhütuh; Daülangshemshepü mechemao nejeppü yunglok kei yenhütuh.

SHAHKÜP 24:17

Yenpa-oupa nevaijü hashihhathü kü jiüpü hean ammi aetei teyah, nevaijü bheishe hang nangkü vaümnyülei ashak chüngei teyah.

MENVIH KESHO 82:4

Wong nekohpü hatü neaoknethangpüthü yangtuh; nemeipü amei lak kübü jom yangtuh.

EZEKIEL 18:7

Büpai üpa kao neshüveinyu, shejao büpai lahtü luhahpü hang jiüshi shemtüknyüke, büpai negühnyu shejao taopathü kü hahying shuohnyüke, hatü bümkong nyupüthü kü ashakviha shuohnyüke.

AMOS 5:15

Ten kü jiühittuh, mei kü bamtuh. Shahphen shingei shahhing etuh. Jeiyong Shembüpa Kahvangi Josephei hühiha yemmü nyupüthü kü phahjihen.