JEREMIAH 22:22 - DAÜLANGPÜ LAIHING (BSI)

²² Vanglüki nüngei mi yompüthü peü mao-ei lüdaihen, hatü nüngei küphüthü peü wüpküpei lüdaihen. Hahepak kü nüngei mang nangkü nüng veühen hatümongmanghen.

JEREMIAH 22:22 Referans Kwoze

ZEKHARIAH 11:17

Oh mithü yakphongpü aung neleipü mi yombü onyükei! Yanlui büpalei bhagchong, hatü mük lakdahphi kü baphütuh! Büpalei bhagchong juwtüktuh, büpalei mükdah chemjalak kü phüngtüktuh.”

HOSEA 13:15

Büpa jeihinaüthü khongkü longi dalangmao ngei bhih kahdok kübü heong vanglük shomhen, hatü jomei yunglok ütükhen; hatü yungkuk jeptükhen. Büpalei hahpuong hatü thushong douvang peü aetlanghen.

JEREMIAH 12:10

Kung am vanglem lempüthü longi peiyei ngelei nyalingngupai kah mangtük; jomi ngelei kah nyeütük; Jomi ngelei bamhüpü kahdok bhih kahdok leitükpeih.

JEREMIAH 10:21

Mi yombüthüyü sholi neshiü, hatü Shembüpa kü nephenyu. Hanangkü jom nedaneshe hatü jomei yemhimak kemei haidaipeih.

JEREMIAH 20:11

Shejao Shembüpayü ngei mü wong kohpü hampa kei nyüpeih; hanangkü ngei kü shüveipüthü huluh shuohhen hatü aokpü nedanghen. Jomi neaokhen hatü hingmei veü ponghen. Jomei veü mechemao nebehen.

ISAIAH 64:6

Ham peüi mang thahteke, hatü hamei daülangpü douthü kemei ashakten kei leidai; Ham peü phenlak lei kaudai, hatü vanglüki keiha hamei mangi ham maoei lüdai.

ZEKHARIAH 11:8

Len hük mongkü ngei mi yombüthü jom jem changtük; mehenangkü jomi ngei kü jiühit, hatü ngeiyao mongshih.

HOSEA 4:19

Jomü alüngleple-i maoei deilanghen, hatü jomei moila-i jom kü-üng veü koei peihen.

JEREMIAH 2:37

Hapa shing leipü nüngi nüngei shangjing kü laki düktü daihen; mehenangkü nüngi monglempüthü Shembüpai yaktükteke, hatü jom homei nüngi meheyao nanglei nedangpih.

JEREMIAH 2:8

Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.

ISAIAH 65:13

Hanangkü Shembüpa Kahvangi hapakei enyüke: Ngelei chongphobüthüi hahhen, shejao amphong aeiyei nyuhen; Ngelei chongphobüthüi yinghen, shejao am yung leyei nyuhen; Ngelei chongphobüthüi mongonghen, shejao am veühühen;

JEREMIAH 4:30

Oh ching nyaipü am, am mehe düknya? Mehekei ammi ow hakla hatü hon-ow ownya? Mehekei ammi mük kü long nyiotü, ammei mükkam longhünya? Angsha kü am nela lingteinyu khih. Ammei chühimaithüi am yakphongteke; jomi am jühen yemnyüke.

JEREMIAH 5:13

Thibüthüyü vanglük kei mon; mehenangkü epü shah jomei mongei neshiü. Hanangkü ha jom kü dükshuohhen.

JEREMIAH 7:19

Shejao jom ma yahhüpeyü ngei je? Nevai, jom nyingi ma yahnyüke, hatü jom nyingi veü dangnyüke.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

HOSEA 12:1

Ephraim ami dhom kübü nyak dhüshi dükpü lemphüli angsha dou, hatü douten düknyüke. Jomi shahshem hatü dehilao nyeinya dahünyüke; Jomi Assyria am mü chingmei lempongnyüke, hatü Ijip am kü olive mainga shomnyüke.

JEREMIAH 2:36

Hajük yoshi nüngei Kahvangei lem kübü yeiyaei mehekei dainya? Assyria ami nüng veühüpükei, Ijip ami am veühühen.