JEREMIAH 22:21 - DAÜLANGPÜ LAIHING (BSI)

²¹ Nüng angeideiyei nyushi ngei etepih, “Ngei ha kü nebangpih” shei nüngi epeih. Hashih mebü-üng ngelei shah nebangpeyü nüngei vanglem vaihampeih.

JEREMIAH 22:21 Referans Kwoze

JEREMIAH 32:30

Israel hatü Judah nanglakthü lebü meheyao nedüki jom nethe hepak mebü mang mon thahpeih; Israel nanglakthüi lebü meheyao nevai shejao jomei lakdoui ngei mongshihhüpeih shei Shembüpai enyüke.

JEREMIAH 3:25

Jen veüpai lemshi nyudaishah, hatü haipülempai jen kü nyemjümpha. Hashih mebü shinnyih thahshi ham hatü hamei bühipa kemei Shembüpa, hamei Kahvang khüei mang thahteke; hami Shembüpa, hamei Kahvangei shah nebang.

ISAIAH 48:8

Ammi chemao mangdan, nevaijü mangnying, shelei mebü ammei dhaong kü ha neshü. Am meshük lueilemnya, ha ngei meishi nyingei nyüpeih; Hanangkü am keyü bühhinüng khüei yaongpüam shei nyüknyeih.

KANDOK 30:9

Hei nevaijema, ngei longi anghen, hatü nüng yakphonghen khih, hatü “Shembüpayü üpaang?” shei ehen, nevaijü ngei taoei tuhjema ngei gühhen hatü ngelei Kahvangei men dhüm neshiüi leitükhen khih.

EZEKIEL 20:8

Shejao jomi ngei khüei yaong hatü ngei epü kü nebang; jom üpayao jomei mük mopü jiühitpü douthü neyaktük, nevaijü jomi Ijip amei lajeithü netuhphong. Hahepak kü jom Ijiplei nyushiüng ngei ngelei mongshih jom kü khüphühen shei deihteke.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

EZEKIEL 20:28

Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.

EZEKIEL 20:21

Shejao hapa hühihathüi ngei khüei yaongteke: Jomi ngelei vanglem kü nemü, ngelei shahkung noteihen khih shei jomi kenhingei nedeih, hatü ngelei Sabbath mangtükpeih. Jomi hathü paoh bangei düklangmeyü yemmü nyuhen. Hanangkü jahpanei nyushi ngelei mongshih ngei jom kü khüpeilangei shuohhen deihpeih.

EZEKIEL 20:13

Shejao Israel am phangi jahpanei ngei khüei yaongpeih; jomi ngelei vanglemthü nenotei, shejao ngelei Sabbath longi mangtükpeih; jomi paoh ha düklangmeyü yemmü nyuhen vaipeih. Hahepak kü jahpanei nyushiüng jom men mahtükhen ngei ngelei mongshih khüpeilangei shuohjü hiang shei deihpeih.

JEREMIAH 2:31

Oh ha denhivan kübü nanglakthü, Shembüpalei shah deih-ei dangtuh! Ngei am kü phaüshihhaomang kei, nevaijü shangmang kahdok kei chongküpü je? Shejema mehekei ngelei nanglakthüi, “Ham mongpükei longteihen hih; ham nüng touei nepeiküpih” shei epa?

2 SHÜPPÜKENGPÜ 33:10

Shembüpai Manasseh hatü büpalei nanglakthü kü shah e, shejao jomi ha kü mongneshuoh.

SHAHKÜP 31:27

Am meshükpa mong vaan, hatü khüei yaongnya, ha ngei nyingnyüpeih. Ngei yemmü nyushi dangkao hajükjük Shembüpa khüei yaongjema, ngei didaipheikü am meshük khüei yaonghen?

SHAHKÜP 9:24

Shejao ammi Shembüpa, ammei Kahvang khüei yaong. Ammi büpa kü hingnelem nevaijü ven nebang. Ngei amphong nyinghinüng ammi Shembüpa khüei yaongpeih.

SHAHKÜP 9:7

Jahpanei nyushi ammi Shembüpa, ammei Kahvang mongshihhüpü ha deihtuh hatü tebetük. Am Ijip tuhtü layaongpü nyih kübü shinnyih hatou shing ngoipü thahshi ammi Shembüpa khüei yaonghampeih.

MENVIH KESHO 129:1

Ngei nethe hepak mebü ngei kü shüveihampeih Israel ami hapakei etuh

JEREMIAH 3:24

Shejao ham hashih mebü hapa veübenüng douthüi hamei bühipa ami nyiuei dükpü, jomei yemhimakthü, jomei yiükha yeshangthü peü lühtükpeih.

JEREMIAH 13:10

Ngelei shah nebanghüpü, mong vaanei laophüi mongpü lem kü daipü hatü lebü kahvangthü chongphoei khümpü mang shennyakthüyü hapa yahlak neshiüi mangdaipü shüng ashak kei nyuhen.

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

JEREMIAH 48:11

Moab amü panghinüng nyiushemmei kü nyuhampeih; Dük hük kübü hük shei necheitei-i dükshongei nyupü yiü keiha, chemao wüpküpei mangdai. Hanangkü büpa kü ngü meipü nemangdai, nevaijü hapalei vong büpü neyeiya-i nyüke.

ZEKHARIAH 7:7

Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”

JEREMIAH 2:25

Nüngei la kü tüngshi, hatü üng üshi temoktei. Shejao nüngi, “Ngei kung amei kahvang bamnyeih, ngei hathü pheikü daihen hih” shei nüngi eteke.

JEREMIAH 25:3

Judah am Amonei cheha Josiah-i ong vaipü bong anpüjempabü kü pangei shinnyih ngoishi bong hapüjem mongkü Shembüpalei shah ngei touei peiteke, hatü nedoh-i ngei am kü etepih, shejao ammi ha nebangpeih.

JEREMIAH 25:4

Shembüpai nedoh-i büpalei thibüthü shomteke, shejao ammi nebang.

JEREMIAH 25:7

“Shejao amü laophü nyingi ma yahhen mü ammi ngei epü nebangi ammei lakdou-i ngei mongshihhüpeih” shei Shembüpai enyüke.

JEREMIAH 25:8

Hanangkü Jeiyong Shembüpai hapakei enyüke: Ammi ngelei shah nebangpü nangkü,

ZEPHANIAH 3:2

Pinnyüi Shembüpalei ngeü nedan, yeanpü sha neyah, Shembüpa kü hingnelem; Kahvang yopailei neheih.