JEREMIAH 22:18 - DAÜLANGPÜ LAIHING (BSI)

¹⁸ Hanangkü Josiahlei cheha Jehoiakim, Judah amei ongpa nangkü Shembüpai hapakei enyüke: “Üpaiyao büpalei mahngshe kü, ‘Onyükei, jeihinaü!’ ‘Onyükei, nyahinaü!’ shei nethephen. Üpaiyao ‘Onyükei, ngelei shembü!’ ‘Onyükei, ngelei ongpa!’ shei neyounghen.”

JEREMIAH 22:18 Referans Kwoze

JEREMIAH 16:6

Hapa kahdok kü longpü maanpü peü dihen; jomei mahng nevühen, üpaiyao jom nangkü büm kü nevethahhen hatü sho nekuphen.

1 ONGPATHÜ 13:30

Hapheikü büpai hapa mahng büpalei mahngchongei vü, hatü jomi büpa kü, “Oh ngelei jeihinaü, ngelei jeihinaüthü!” shei mahng thep.

JEREMIAH 22:10

Nüngi didaipü ong nevaijü büpa lomohpü kü tethep; Halei meyü wüpküpei lüdaipüthü shing shahyaki theptuh; mehenangkü büpa mechemao laophülei kahdokei nyokeineleikahen, nevaijü hapa ne-eehen.

JEREMIAH 16:4

Jom dinten vamei dihen. Jom kü üpaiyao mahng nethephen, nevaijü jomei mahng nevühen; jomü kahdok shak kü mohoh het kei yaüshi nyuhen. Jomü yan hatü münghishaü-i dihen, hatü jomei mahng asha alang, hatü phaüyemthülei phai vaihen.

JEREMIAH 34:5

meishi-üng nyuei dimei mü dihen. Mekei ambü ampa, nüng she kübü ongthü kü dhüm shuoh-ei ayingshü jakpa, hapa keiha nüng dishing kao dhüm shuoh-ei ayingshü jakei, ‘Onyükei, hamei ongpa’ shei mahng thephen. Mehenangkü ngei ha etüktih shei Shembüpai enyüke.”

2 SHÜPPÜKENGPÜ 35:25

Jeremiah-i Josiah kü mahng kesho hük ling hatü shaang thahshi nyüha baha kesho lokpüthüi jomei mahng kesho kü Josiah deih-ei loknyeih. Hapayü Israel kü bü vanglem hük leipeih hatü hapayü Mahng Kesho kü nyangei nyüpeih.

2 SAMUEL 1:26

ngei nüng kü mahng thepnyeih, Oh ngelei mongjempa Jonathan; Nüngi ngei kü longi kenpeih; Nyühathüi kenpü mao nyeishi nüngi ngei kü kenpü thamashi.

2 ONGPATHÜ 23:6

Büpai Shembüpalei Phopshem leipü Asherah nyüha kahvangei lajei chingnyü haolei Kidron Kahjilei deiyei aw kü jaktük, hatü hapa depla yah-ei khih mü ngümtü ching mahngchongei haitük.

2 ONGPATHÜ 23:36

Jehoiakim vanglem lemei chongpang shingkü büpa bong hapünga behe nyu; büpai Jerusalemei bong anpühük ong vaiteke. Chenyü-ü Rumah am Pedaiahlei yiükha Zebidah nyu.

2 ONGPATHÜ 24:6

Jehoiakim didaipheikü cheha Jehoiakini büpa kü jeiyei ong vaiteke.

2 SHÜPPÜKENGPÜ 36:5

Jehoiakim ong vaishingkü büpa nyübüh vangbong hapünga nyu, hatü büpai Jerusalemei bong anpühük vanglem lem. Büpai Shembüpa, büpalei Kahvang touei mang dou dük.

JEREMIAH 22:12

shejao metou shingei büpa müei deiyei küplang, hapa shingei büpa dihen; büpa hajük kü hapa kahdok ne-eehen.

1 SHÜPPÜKENGPÜ 3:15

Josiahlei hapeüthü: Hashongpa Johanan, nyipabü Jehoiakim, jempabü Zedekiah, alipabü Shallum.

JEREMIAH 21:11

Anyei vaishi Judah am ongsha ongshem kü, “Shembüpalei shah bangtuh” shei etuh;

JEREMIAH 36:30

Hanangkü Judah ongpa Jehoiakim nangkü Shembüpai hapakei enyüke: Büpa kü jeiyei David ong uoshing kü uohen hahimoi hükao nenyuhen, hatü büpalei mahngü nyihnüng vanghenyü sham kü hatü yanüng vangsho nyien kü haihühen mü noei deiyei yakphonghen.