JEREMIAH 22:17 - DAÜLANGPÜ LAIHING (BSI)

¹⁷ Shejao nüngei mükhimongü shahhing e-epü mop danghen, mang neshiüpü iy yenhen, mih kü shüveitü aettei daihen deihshi nyüke.

JEREMIAH 22:17 Referans Kwoze

2 PETER 2:14

Jomei mük mükbongjuyungi maei mang kü hüneshemnyu. Jomi shing nenüngpüthü yawh-ei yahnyüke; jomü hahnempü mongdang jükshi nyüke; jomü thaüvaütükpü hashihthü nyüke!

EZEKIEL 19:6

Mechem büpa longpa, büpai lebü mailangthü mü het yemei longtei, hatü büpai yemhimak shükei hahhen nying, hatü büpai shennyak jüei hah.

JEREMIAH 22:3

Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

2 ONGPATHÜ 24:4

hatü nyeinya vaishi büpai mang neshiüpü iy longi yenhü. Mehenangkü büpai Jerusalemü mang neshiüpü iy yenpai mahü, hatü Shembüpai mang tükhen nemong.

EZEKIEL 33:31

Jomphongi nüng touei düngei peiteipükei peinyüke, hatü nüngi epü banghen nüng touei uonyüke, shejao jomi dou leiyei nedüknyu. Jui mon jom vaipü enyüke, shejao jomei mongdangü mop nempai maei nyüke.

MENVIH KESHO 10:3

Nemeipüthüi laophülei mongi lümpü kü changmeinyeih, hahnempü shennyaki Shembüpa kü thaüvaütü yakphongnyeih.

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

1 KORINT 6:10

gühpü, hahnempü, chokpümokpü, yaüeilungpü, hatü peileipüthü– hathü üpayao Kahvang ongching mükjüp nedangpih.

ROM SHAHSHA APPÜ 1:29

Jomphong kü lemphüli mang, ten, hahnempü hatü ten dükpai maei nyüke. Jomphongü mükhühmongyung, jüteishangtei, dehilao, ühingnakai, hatü glüpi maei nyüke. Jomi mihla,

ZEPHANIAH 3:3

Pinnyülei lakchongbüthüyü ngüngpü mailangthü khih; pinnyülei shahphenbüthüyü phu-ao neao-i hahteipü shuwthü khih.

JOB SHAHSHA APPÜ 31:7

Ngelei lakham ngelei lem kübü chaiyei kamei nyujema, hatü ngelei mük kü meipü lem kü ngelei mong kamei nyujema, hatü ngelei lak kü lemhük dangkao kawhikang nyujema;

2 SHÜPPÜKENGPÜ 36:8

Jehoiakimi vanglem lemshingkü vampü lebü douthü, büpai dükpü jiühitnalai douthü hatü büpa khüei vampü douthü peü Israel hatü Judah ongthülei Büshah Laitap kü nyangei nyüpeih. Büpa kü jeiyei cheha Jehoiakin ong vaiteke.

1 ONGPATHÜ 21:19

Nüngi büpa kü Shembüpai hapakei enyüke shei etuh: “Nüngi shennyakao jü, hatü büpalei mükjüpao yahnyu je?” Shembüpai hapakei enyüke: “Shi-i Naboth-ei iy laipü shingei-üng nüngei iyao laihen” etuh shei eteke.

JOSHUA 7:21

Jeni yahpü douthü khongkü ngei Babylon amei bhagthuh meipü hük, ngin dok nyi hükshing, hatü hon dokbhao shei ahshi-üng mükhühshi eepü nangkü ngei hathü yahpeih. Hathüyü hamei ashakshemei kahdok shotü ngin peü mü phangei shihtü dungshi shepeih” shei Akhani e.

MÜLANGPÜ 18:21

Shejao nanglakthü khong kübü dou aokhen shennyak hanei Kahvang nyempü, monglemaokpü, shahshem nanglei kü jiühitpü shennyak jetuh, hatü hapa shennyakthüi haja shak kü, kho shak kü, pinyipüan shak kü, hatü an shak kü lakchongbü vaiyei tuhtuh.

KANDOK 24:2

Mehenangkü jomei mongkü ten dükhen mon temnyüke, hatü jomei ju-i vongshüh vamhühen mon enyüke.

ISAIAH 56:11

Jomü mechemao moh nemeipü hahnempü shi khih. Jomphongü kon neshiüpü mi yombüthü; Jom peü laophülei lem kü mon lüdaikemnyüke, peüi laophü nanglei danghen lem mon yemnyüke.

JEREMIAH 6:6

Jeiyong Shembüpai hapakei enyüke: Jomei püthü agtükkemtuh; Jerusalem penyü benhen thai chantuh. Hapa chingnyü hanghi danghen jiüpeih, meheyao neshiü shejao halei shüveidoidei mon nyüke.

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

JEREMIAH 17:11

Shahhing ne-epü mop dangpeyü ouha hük laophüi nedipü ati sheipükei nyüke. Büpalei yangnyu tavanshem kü hathü mop mahdaihen, hatü shompülei büpayü ngapa khih shei nyinghen.

EZEKIEL 18:12

Büpai taopa hatü ne-angpüthü kü shüveinyüke, büpai gühnyüke, hatü lahtü yahpü jiüshi nyokei neshuohnyu. Büpai lajeithü kü veinyüke, büpai jiühitpü douthü düknyüke.

MIKA 2:2

Jomi mih-ei kah kü vaünyüke, hatü aetlangnyüke; hatü shemthü kü mükhühnyüke, hatü yahlangnyüke. Jomi shennyak hatü büpalei shem, hatü büpalei mükjüp kü shüveinyüke.

MIKA 3:10

Ammi Kahvangei chingnyü, Zionü jüteipai, hatü Jerusalemü shahshem mangi chongnyiam lingnyüke.

1 SAMUEL 8:3

Shejao cheha nyi-i büpalei lem kü nekam. Jiji-i laophü shümoh meihen lem yemei dai, hatü yawhdou yah-ei shahhing ne-e-i shahphenteke.

2 ONGPATHÜ 23:37

Chebü chepa ami dükpü keiha büpai Shembüpa touei mepa mang nyu, ha dük.

JEREMIAH 7:6

ammi benhapa kü, hashihha kü, vaümnyü kü neshüvei, nevaijü hapa shing kü mang neshiüpü iy neyenhü, hatü am ma yahhen mü lebü kahvangthü kü khümei nedaijema,

JEREMIAH 19:4

Mehenangkü jomi ngei yakphong hatü hapa shingü lebü kahvangthülei shing leitük; jomi halei jom nevaijü jomei bühipathü nevaijü Judah ongthüi mechemao nenyingpü kahvangthü kü moila shuohteke, hatü jomi hapa shingü mang neshiüpü iy yenhüpai matükteke.

EZEKIEL 19:7

Büpai jomei veyom shing bentük, hatü jomei jilathü lavüngtoiyei leitük; büpa ngüngpai kahdok kü nyupüthü peü nyemhü.

EZEKIEL 19:9

Nyiamphaaki mantü jomi büpa nyiamdulei shüei shütü Babylon ong touei müei dei. Jomi büpa khoklatei küpphong, hanangkü hajük kü büpa ngüngpü Israel kahshangthülei nedani leidai.

EZEKIEL 22:6

“Veituh, Israel ongthü peüi iy yenhühen laophülei wong nonyüke.