JEREMIAH 22:15 - DAÜLANGPÜ LAIHING (BSI)

¹⁵ Cedar pü yah-ei shem vepai nüng meipü ong leshi leihünyu je? Ampai hahtü yingtü mehe shahhing hatü mehe jiüpa ha nedükangpü je? Hanangkü büpa mü lemphüli meishi nyuhampeih.

JEREMIAH 22:15 Referans Kwoze

2 ONGPATHÜ 23:25

Mongdang, laangha hatü wong kempai Mosa Shahkung kü nyupükei jiüshi dükei Shembüpa touei heihpü ongpa büpa she kao hatü büpa phei kao nenyu.

ISAIAH 3:10

Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

CHONGVENBÜ 10:17

Longli ongli kübü shennyaki vanglem lempü, hatü wong danghen shingvaishi hepak jiüshi mohitap lingpü, shejao yiüi nechokpü kahmükü moihiman!

KANDOK 25:5

Ongpa toueipü nemeipü yaktüktuh, shejüang büpalei ongching shahhingi lingkahen.

KANDOK 29:4

Shahhing homei ongpa hüki kahmük hük chong wonghünyeih, shejao üpai yawhdou kü kennya, büpai ha bentüknyeih.

2 ONGPATHÜ 22:2

Büpai Shembüpa touei mehe jiü, ha dük, hatü büpai chebü Davidei lemthü kü laknyong lakdah melemeiyao neleplüki kamteke.

JEREMIAH 42:6

Ham meishi nyuhen shingvaishi hami nüng shompü Shembüpa, nüngei Kahvangi epü nemeijao meijao banghen; mehenangkü hami Shembüpa, jenei Kahvangei ven banghen hih” shei e.

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

KANDOK 21:3

Jakpü moila meyü mehe jiüpü, hatü shahhing nyüpa, ha dükhen-üng Shembüpa touei yahhübenüng nyüke.

1 ONGPATHÜ 10:9

Nüng kü monghahpü hatü nüng Israel ong uoshing kü uohüpü Shembüpa nüngei Kahvangei men longtuh! Shembüpai Israel am kü düngei bampü nangkü shahhing hatü daülangshemshepü dou dükhen shingvaishi büpai nüng ong vaihüpü khih” shei e.

2 SAMUEL 8:15

Davidi nanglakthü peü kü mehe shahhing hatü jiüshangpü ha dükei Israel am peü shak kü vanglem lem.

1 KORINT 10:31

Hanangkü hahjao yingjao nevaijü nüngi mehe mehe dükhenshang, lemphüli Kahvang müknyinshekhang shingvaishi düktuh.

PHONGSHANTHÜ DOU 2:46

Nyihjeih jomi phopshemei chemi hepak longi tük; jomi shem shem kü aan bhaokei mongongpai hatü mong dhaopai,

LUK SHAHSHA APPÜ 11:41

Hanangkü mongei mehe nyu, ha taopathü kü shuohtuh, hatü lemphü daüdaihen” shei e.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

JEREMIAH 22:18

Hanangkü Josiahlei cheha Jehoiakim, Judah amei ongpa nangkü Shembüpai hapakei enyüke: “Üpaiyao büpalei mahngshe kü, ‘Onyükei, jeihinaü!’ ‘Onyükei, nyahinaü!’ shei nethephen. Üpaiyao ‘Onyükei, ngelei shembü!’ ‘Onyükei, ngelei ongpa!’ shei neyounghen.”

JEREMIAH 22:3

Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

ISAIAH 33:16

jomphongü yangei shaopü shingei nyuhen, jomei nyushingü yaong penyüsha nyuhen. Jom kü hahying changshi shuohhen, hatü yung netao-i bhashahshi danghen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

CHONGVENBÜ 2:24

Shennyak hüki hahhen, yinghen hatü laophülei dousho kü monghampü mü lenei meheyao mei nedükaokpih. Hapayao Kahvang leipü peipü khih shei ngei nyingteke;

KANDOK 31:9

Shah etuh, hatü jiüshangpü shahphen shuohtuh; Taopa hatü nehahneyingpüthüi danghen jiüpü med kü yaongtuh.

KANDOK 20:28

Bampü hatü hinglempai ongpa hük yangei tuhnyüpeih, hatü büpalei ong uoshing daülangshemshepai shoungei tuhnyüpeih.

2 SHÜPPÜKENGPÜ 34:2

Büpai Shembüpa touei mehe jiü, ha dük, hatü laknyong lakdah melemeiyao neleplüki chebü Davidei lem kü kam.

1 SHÜPPÜKENGPÜ 3:15

Josiahlei hapeüthü: Hashongpa Johanan, nyipabü Jehoiakim, jempabü Zedekiah, alipabü Shallum.

SHAHKÜP 4:40

Am hatü ammei hühihathü meishi nyuhen shingvaishi hatü Shembüpa, ammei Kahvangi den shing am kü shuohpü kahdok kü den luangi nyuhen shingvaishi shinnyih ngei am kü shuohpü shahkungthü bangei düktuh.

JEREMIAH 7:5

Ammi hingmei, ammei lemthü hatü ammei dükhiling jeilejema, hatü hüki hük mü shahhing kü noteijema,

2 SHÜPPÜKENGPÜ 35:22

Shejao Josiah-i büpa toueipü nyokei neleidai-i vehok hokhen shingvaishi büpai owyeiowya temtü dai. Kahvangi epü aimü mehe Neko-i etepa büpai ha nebangi büpa mü hokhen Megiddo Kahjilei dai.

2 SHÜPPÜKENGPÜ 35:26

Josiah ong vaishingkü dükpü lebü douthü hatü Shembüpalei shahkung kü nyangei nyupükei büpai hinglemei dükpü douthü,