JEREMIAH 21:7 - DAÜLANGPÜ LAIHING (BSI)

⁷ Hapheikü ngei Judah ong Zedekiah, büpalei lakchongbüthü hatü hapa chingnyü cham, yan hatü münghishaü kübü yangpüthü peü Babylon ongpa Nebukadnezzar hatü jom jühen yempü vepathü kü shuohtükhen. Büpai jom yani mahhühen; büpai jom kü phahji nevaijü yahyang shinshang meheyao nehuhen.”

JEREMIAH 21:7 Referans Kwoze

JEREMIAH 37:17

Hapheikü Zedekiah ongpai büpa yahnüng deishih-ei ongshemei müei lei, hatü ongpai joei büpa kü, “SHEMBÜPAleipü peipü shah meheyao nyüla?” shei phe. Jeremiah-i “Nyüpeih!” shei e. Hahepak kü büpai, “Nüngü Babylon ongpa kü shuohtükhen” shei e.

EZEKIEL 7:9

Ngei am kü yahyangei nevaijü shinshangei neveipih; ngei ammei dükhiling hatü ammei jiühitnalai douthü am mü nyupü thahshi ngei ha shemhen. Shejüang am kü bheipeyü Shembüpa, ngei khih shei ammi nyinghen.

JEREMIAH 13:14

Hapheikü ngei behe hashih peü aihük mü dük keiha hüki hük mü kaongteihühen. Ngei hathü mahtükshingkü nephahjihen, neyanghen nevaijü neshinshanghen shei Shembüpai enyüke.

SHAHKÜP 28:50

Jomi longi mangshi, behe kü dhüm neshuoh, hashih kü nephahji-i nyukahen.

EZEKIEL 9:10

Shejao ngei jom kü nephahjihen; jomi mih kü mehe dük, ngei jom kao ha dükhen” shei e.

EZEKIEL 8:18

Hanangkü ngei mongshih wong kempai jom kü dou dükhen; ngei jom kü yahyangei nevaijü shinshangei neveihen. Jomi ngelei dhaong tüngei heih-ei lenjao ngei jomi epü nebanghen” shei eteke.

ISAIAH 47:6

Ngei ngelei nanglakthü kü mongshih-ei nyupeih; Ngelei mükjüpao nevaipükei ngei jom yakphongpeih; Ngei ammei lak kü jom shuohpeih, shejao amphongi jom kü phahji nehu; Viünyü viüpa kao ammi hanggovih kohüpeih.

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”

JEREMIAH 15:5

“Üpai am kü shinshanghen? Oh Jerusalem, nevaijü üpai mahng thepphahen? Am mekei nyüke shei üpai yaongei pheyuhen?

JEREMIAH 15:9

Naü nyetei nyü shomeiyingei shahen, hatü ngüshom heetü dihen. Nyihnüng vaishi tuhtü pinnyülei vanghenyü shüdaihen; Pinnyü veühen hatü hai danghen. Yangei aoei nyupüthü vepalei yani mahhühen shei Shembüpai enyüke.

JEREMIAH 22:25

Nüng jühen yempü, nüngi nyempü Nebukadnezzar hatü Babylon am kü nüng shuohtükhen.

JEREMIAH 27:6

Shaang ngei hapa kahmükthü peü ngei chongphopü Babylon ongpa Nebukadnezzar kü shuohtüktih, hatü phaüyemthüi dangkao büpa chongphohen shuohtüktih.

JEREMIAH 34:3

Nüng büpalei lakmong kübü neyangaokpih, shejao hingmei hahtükhen hatü büpalei lak kü shuohtükhen; nüngi Babylon ongpa nüngei müki lekei eehen, hatü büpa mü dhe dhe gongei eteihen; nüng Babylonei daishasha.

EZEKIEL 23:28

Shembüpa Kahvangi hapa enyüke: Ammi jiühitpü hatü ammi tengei tuhtü lüdaipüthü küang ngei am shuohtükhen.

JEREMIAH 14:12

Jomi shüaeiyunglejao jomi lenpü ngei nedannyih, hatü jomi jakpü moila hatü hahying moila shuohjao ngei hathü neyahhen, shejao yani, münghishaü homei, hatü chami ngei jom mahtükhen.

JEREMIAH 19:7

Hapa shingei ngei Judah hatü Jerusalem amei küpjanthü mangtükhen. Ngei jomei vepathülei yani mahhühen; jom jühen yempüthülei lak kü shuohhen, hatü ngei jomei mahmahng asha alang hatü yemhimakthülei phai leitükhen.

JEREMIAH 20:4

Mehenangkü Shembüpai hapakei enyüke: “Ngei nüng hatü nüngei küphüthü peü nyemhühen; nüngei müki eeshi jom vepalei yani mahhen. Ngei Judah am peü Babylon ongpalei lak kü shuohhen; büpai jom wüpküpei müei daihen, hatü yani jom jükemhen.

JEREMIAH 32:4

Babylon ongpalei lak kübü Judah ongpa neyangaokpih, shejao hingmei Babylon ongpalei lak kü shuohtükhen, hatü büpa mü dhe dhe gongei eteihen hatü büpalei müki lekei büpa eehen.

JEREMIAH 36:29

Shao ongpa Jehoiakim kü Shembüpai hapakei enyüke shei etuh: Nüngi hapa laidü jaktüktü, “Mehekei nüngi Babylon ong peiyei hapa kahdok mangtüktü haleipü nyüha baha hatü yemhimak kemei jütükhen shei nyangpa?” shei eteke.

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

YOUNG LAI 2:20

Veituh, Oh Shembüpa, nüngi hanghi shuohpü kü! Nyühathüi laophüi bühhahpü hapeüthü jüei hahnyüke; Ngongpathü hatü thibüthü Phopshemei jütükkemnyüke!

YOUNG LAI 2:22

Mohitap nyih kü kei nüngi ngeihpü shonpü ngelei vepathü kemei nyükteke; Shembüpa mongshihpü nyih kü üpayao neyangaok; Ngei büh-ei paümei, haümei longhahpü moihiyangthü vepathüi jütükteke.