JEREMIAH 21:12 - DAÜLANGPÜ LAIHING (BSI)

¹² Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

JEREMIAH 21:12 Referans Kwoze

ISAIAH 1:17

Jiüpü dükhen nyingtuh, shahhing yemtuh, neaoknethangpüthü kü sheühtuh. Hashihhathü kü jiüpü düktuh, vaümnyülei shahphentuh.

JEREMIAH 4:4

Shembüpa touei am shuw japtüktuh, ammei mongdang kübü shuw japtüktuh, Oh Judah nanglak hatü Jerusalemei nyupüthü, hei nevaijema ammi dükpü mang nangkü, ngelei mongshih aw kei vamhen, hatü ha üpaiyao nemetaokhen.”

ISAIAH 1:31

Wong kohpüthüao phenha vanpü keiha vandaihen, hatü büpalei dou mü chemi awlah-i phenha van hahtükpü keiha, üpaiyao hapa aw nemetaoki hahtükhen.’ ”

ZEPHANIAH 3:5

Shejao daülangpü Shembüpa jom mü nyüke; büpai nejiüpü nedüknyu. Nepjeih büpai neshai-i nanglakthü kü shahhing düknyeih, Shejao nedaünelangpüthüi douten dükpü kü neveünyu.

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

JEREMIAH 17:4

Am pungpü homei ngei am kü shuohtükpü mükjüp mahtükhen, hatü ngei ammi nenyingpü kahdokei vepathü chongphoei anghen; mehenangkü ngei mongshihpai aw bahhen, hatü hapa den kü bahshi nyuhen.

JEREMIAH 7:20

Hanangkü Shembüpai hapakei enyüke: Ngei mongshih hatü lohpü hapa shing, hangkuthü, yemhimakthü, pühivungthü hatü betjükvungjük kü khüpeilanghen; hapa kü aw bahhen hatü ha nemethen.

JEREMIAH 5:28

jom nitei hatü nyülüki leinyüke. Jom mang dou dükhen kü hajük shei neshiü; jomi shahhingi shahphen neshuohnyu; Jomi hashihhathü kü jomei jiüpü hean neshuohnyu, hatü ponghahpüthü kü shahhing nedükshuohnyu.

ROM SHAHSHA APPÜ 13:4

Mehenangkü büpayü am meihen shingvaishi Kahvang chongphobü nyüke. Shejao ammi nejiüpü dükjema, ammi nyemtuh; mehenangkü vanglem lempü ami angsha kü yanlu nenonyih. Nejiüpü dükpü am kü mongshih vamei hanghi shuohhen Kahvangei chongphobü nyüke.

LUK SHAHSHA APPÜ 1:69

Büpai ham shing yemleipü vaung hük büpalei chongphobü David am phang kübü vamhüteke.

EZEKIEL 22:31

Hanangkü ngelei mongshih ngei jom kü khüpshuohhen hatü awi kei ngelei mongshih-i jom hahtükhen; jomi dükpü dou ngei jomei shangjing kü koei leitüktih shei Shembüpa Kahvangi enyüke.”

YOUNG LAI 4:11

Shembüpai mongshih wong kempai mongshih anei büpai Zion kü aw bahhü, hatü hapalei chongnyiam hahtük.

JEREMIAH 23:19

Veituh, mongshihpai Shembüpalei Yinglükleisho vamkahen, hatü nemeipüthülei shangjing kü alüngleple vamhühen.

JEREMIAH 5:14

Hanangkü Jeiyong Shembüpai hapakei enyüke: Jomi ha shah epü nangkü, ngei shaang ngelei shah nüngei ju kü aw kei leihünyeih, hatü hathü nanglakü pü keiha hapa awi hathü hahtükhen.

ISAIAH 7:13

Hapa kü Isaiah-i jangei, “Shaang bangtuh, Oh Davidei hühihathü! Shennyak nyiueinangei leihüpeyü maanteke shei deihshi ngelei Kahvangao nyiueinangei leihühen deihpü je?

ISAIAH 7:2

Mechem Judah ongpai Aram am Israel kahdokei peiyei nyükeja shei danpa, Ahaz ongpa hatü nanglakthü peü yingnyülei vanglüki phenha jenhüpü keiha jomei mongdang kheüteke.

MENVIH KESHO 101:8

Nepjeih ngei hapa kahdok leipü nemeipüthü mahtükhen; Shembüpalei chingnyüleipü ten dükpüthü peü jütükhen.

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

JEREMIAH 21:5

Ngei ngelei lak haongei, wong kohpü lak noei mongshih longpai am khüei hokhen.

JOB SHAHSHA APPÜ 29:17

Ngei nemeipüthülei bha bhagtükpeih, hatü jomei bhalei maalangpü aetei leihampeih.

2 SAMUEL 8:15

Davidi nanglakthü peü kü mehe shahhing hatü jiüshangpü ha dükei Israel am peü shak kü vanglem lem.

SHAHKÜP 32:22

Ngelei mongshih awlom keiha bahhen, hatü chüpü Sheol-ao shamtükhen; Hapai kahdok kü vampü hahying kemei lühtükhen, hatü kahshangthü chongnyiam shingao aw kü jaktükhen.

LEVI 26:28

ngei mongshih anei am khüei yaonghen, hatü ammei mang shingvaishi shao shing nyet nyeinya hanghi shuohhen.

MÜLANGPÜ 18:13

Nyihphei Mosai nanglakthü khongkü nedanteipü shah phenei nyu, hatü büpa dhom kübü nyak thahshi nang nekongi nyu.

JEREMIAH 7:5

Ammi hingmei, ammei lemthü hatü ammei dükhiling jeilejema, hatü hüki hük mü shahhing kü noteijema,

JEREMIAH 23:2

Hanangkü Shembüpa, Israel Kahvangi ngelei nanglak mi yombüthü kü hapakei enyüke: “Mehenangkü ammi ngelei mithü kü nejungnelangi haitük, hatü changtükpü nangkü, ammi dükpü douten tata kü ngei am kü hanghi shuohhen shei Shembüpai enyüke.

JEREMIAH 44:22

Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.