JEREMIAH 21:10 - DAÜLANGPÜ LAIHING (BSI)

¹⁰ Ngei hapa chingnyü kü mei nevai ten dükhen temtüktü nyüpeih shei Shembüpai enyüke. Hapayü Babylon ongpalei lak kü shuohhen, hatü büpai hapa awi mahtükhen.”

JEREMIAH 21:10 Referans Kwoze

JEREMIAH 44:11

Hanangkü Jeiyong Shembüpa, Israel Kahvangi hapakei enyüke: Ngei am kü shanghah koei peihen, hatü Judah am peü kü dohpü koei peihen temtüktih.

AMOS 9:4

Vepathüi jom wüpküpei yah-ei daijao, haleipao ngei jom jühen ngeükhüam shuohhen. Ngei mei shingvaishi nevai, shejao ten shingvaishi ngei jom kü mük neshai-i veihen.

JEREMIAH 44:27

Mehenangkü ngei jom kü mei shing nevai, shanghah shuohhen nangkü veishi nyuhen; Ijiplei nyupü Jehoda am peü mangmahkem thahshi yan hatü münghishaü homei dihükemhen.

EZEKIEL 15:7

Ngei jom khüei ngelei dhe veihen; jomi aw toueipü nyaiyei daijao, awi nedoh-i jom hahtükhen; ngei jom khüei ngelei dhe veipü eejü amphongi ngeiyü Shembüpa shei nyinghen.

JEREMIAH 52:13

Büpai Shembüpalei shem, ongshem hatü Jerusalem leipü shemthü peü kü awi hap. Shongnyü shemthü peü büpai shamtük.

JEREMIAH 39:8

Babylon ami ongshem hatü nanglakthülei shem awi haptük hatü Jerusalem bham bentük.

JEREMIAH 38:18

Shejao Babylon ongpalei lakchongbüthü touei shakei nevamjema, hapa chingnyü Babylon am kü shuohtükhen, hatü hapa chingnyü awi shamtükhen; jomei lak leipü nüng dangkao neyangpih’ ” shei e.

JEREMIAH 38:3

Shembüpai shao hapakei enyüke: “Hingmei hapa chingnyüyü Babylon ongpalei veshanthü kü shuohtükhen hatü jomi ha hahtükhen.”

JEREMIAH 34:2

Shembüpa, Israel Kahvangi hapakei enyüke: “Shembüpai hapakei enyüke shei Judah ongpa Zedekiah touei peiyei etuh: Ngei hapa chingnyü Babylon ongpalei lak kü shuohtükhen, hatü büpai ha awi haptükhen.

2 SHÜPPÜKENGPÜ 36:19

Jomi Shembüpalei shem awi shamtük, Jerusalem bham mangtük, ongshem kemei awi shamtük hatü haleipü douvang yungshongthü kemei mangtük.

JEREMIAH 38:23

“Ammei nyühihathü peü Babylon am touei müei daihen. Nüngao jomei lak kübü neyangaokhen, shejao Babylon ongpai shümei yahlanghen, hatü hapa chingnyü awi shamtükhen.”

MENVIH KESHO 34:16

Ten dükpüthü khüei Shembüpalei dhe veishi nyüke, kahdoknyü kü jom deihhen kübü katitükhen.

LEVI 26:17

Ngelei dhe am khüei yaakshingkü ammei vepathüi am neütükhen; ammi jiühitpüthüi am shak kü vanglem lemhen, hatü am kü üpaiyao nechangpü kü am nyemei nyaihen.

LEVI 17:10

Israel shennyak hanei-i nevaijü jom mü lakeiloipü benha hanei iy hahjema, ngei hapa iy hahpü shennyak khüei yaonghen, hatü hapa shennyak nanglak khong kübü katitükhen.

ZEKHARIAH 1:6

Ngelei shahthü hatü ngelei shahkungnyüthü ngei chongphopü thibüthü homei eteke, shejao ambü ampai ha bangphei hiang hatü hanghi nepongangpü je? Hanangkü jom mong lep, hatü eteke, “Jeiyong Shembüpai jen kü jenei lemthü hatü douthü kü shangpükei büpai dükhen shei tempükei jen kü dükphüteke.”

JEREMIAH 34:22

Ngei ngeükhüam shuohhen, hatü ngei hathü hapa chingnyülei müei leihen shei Shembüpai enyüke. Jomi ha khüei hokhen, kaamei yahhen hatü awi haptükhen. Üpaiyao nenyuaokhen mü ngei Judah jilathü lavüngtoiyei tuhphonghen.

JEREMIAH 26:6

ngei hapa shemü Shiloh kei leitükhen, hatü hapa chingnyü-ü kahdok shak kübü jatthü khongkü thaüvaütükpü dou hük leitükhen.

JEREMIAH 17:27

Shejao ammi Sabbath nyih Jerusalem penyüsha homei hanggo kotü neshüpü homei Sabbath nyih daülangi tuhtuh shei ngei epü nebangjema, ngei Jerusalem penyüshathü kü mechemao nemethen aw vamhühen hatü hapai penyüshathü hahtükhen.’ ”

JEREMIAH 33:5

Hanei am Babylon am khüei hokhen peikahen, hatü ngei mongshihpai jüpü shennyakthülei mahmahngi hathü mahühen, mehenangkü jomi dükpü mang nangkü ngelei dhe hapa chingnyü leipü jodaipeih.

JEREMIAH 39:16

“Daituh, hatü Ethiopia am Ebed-Melekh kü, ‘Jeiyong Shembüpa, Israel Kahvangi hapakei enyüke’ shei etuh: Ngei epü shah keiha hapa chingnyü kü moihimani nevai, shanghah dhaümkahen. Hapa vampü hepak kü nüngao ha eehen mü halei nyuhen.

EZEKIEL 24:11

Hapa dük kong awkhin shangkü haüeishuoh, hatü hapa hakpüh-i leihütuh. Hapheikü mon hapa dük leipü dü hahtüktü daülangi leikahen.

AMOS 2:5

Hanangkü ngei Judah am kü aw shomhen, hatü hapai Jerusalem penyüsha hahtükhen.

JEREMIAH 38:17

Hahepak kü Jeremiah-i Zedekiah kü, “Jeiyong Shembüpa Kahvang, Israel Kahvangi hapakei enyüke: ‘Nüngi Babylon ongpalei lakchongbüthü touei shakei vamdaijema nüngei yangnyu yanghen, hatü hapa chingnyü awi neshamtükhen; nüng hatü am shem nyuhen.