JEREMIAH 20:9 - DAÜLANGPÜ LAIHING (BSI)

⁹ “Büpa jung ne-etei-ü, nevaijü büpalei men hajük kü ne-etei-ü shei ejao, ngelei mongdang mongei büpalei shah-ü aw kei, hatü ngelei vangni mongei aw bahpükei shaamnyüke. Ngei hapa noshi nyiudaiteke, hingmei ngei neaoknyu.

JEREMIAH 20:9 Referans Kwoze

MENVIH KESHO 39:3

Ngelei mongei mongdang shaamnyüke; ngei phopei deihshuohjü aw bahnyüke; hahepak kü ngei ngelei yeijaangi shah eteke.

PHONGSHANTHÜ DOU 4:20

mehenangkü mehe hami ee, hatü dan, ha ne-e-i nenyuaokpih” shei jangei e.

EZEKIEL 3:14

Laanghai ngei shangei an hatü ngei müei dai, hatü Shembüpalei ngan ngei touei wongmü pei, hatü ngei shahyaki mongshih-ei deihteke.

PHONGSHANTHÜ DOU 17:16

Mechem Pauli Athenei jiji danei nyupa, hapa chingnyü kü lajeithü maei eetü longi büpa kü mongkü tüngei deih.

JEREMIAH 6:11

Shejao ngeiyü Shembüpalei mongshih-i maei nyüpeih; ngei ha kopai nyiudaitü nyüpeih. Chingyangshongei hashihthü kü, hatü nethethü thaipüyupü kü ha khüpeishuoh; Nyühipa nyiphen yah-ei lüdaihen, viünyü viüpa kemei deilanghen.

LUK SHAHSHA APPÜ 9:62

Jisui büpa kü, “Üpai hanshong kü laki düktü ngaümphei lemei yaakei veihenshang Kahvang ongching kü nechang” shei e.

PHONGSHANTHÜ DOU 18:5

Mechem Silas hatü Timoti nyi Macedonia leipü ngoijapa, Paulü Jehoda am kü chongvenei Jisu-ü Messiah hih shei denpü shuoh-ei nyu.

JEREMIAH 4:19

Ngelei mongshang, ngelei mongshang! Mongdang bhaohen mü tüngnyüke! Oh, ngelei mong kü mongshang! Ngelei mongdang tuknyüke, hatü ngei nenmü nenyuaoknyu. Mehenangkü ngei amit vüngpü dannyüke, hatü thep nyükpü ngei dannyüke.

JEREMIAH 23:9

Thibüthü nang epü: Ngelei mongei mongdang mangdaiteke, ngelei vang peü kheünyüke; Mehenangkü Shembüpa hatü büpalei daülangpü shahthü homei ngeiyü yiüi manpü, hatü yiüi chokpü shennyak kei leidaiteke.

JEREMIAH 23:29

Ngelei shah-ü aw nevaijü yaong khih mü nihtükpü kaoklak neleang je? shei Shembüpai enyüke.

EZEKIEL 3:3

Hapheikü büpai ngei kü, “Shennyak ha, ngei nüng kü shuohpü laidü yah-ei moh-ei hahtuh” shei e. Hanangkü ngei hapa hah, hatü hapayü nyahjiü keiha vüngnyangi nyuteke.

AMOS 3:8

Mailang vaüjü üpai nenyemhenang? Shembüpa Kahvangi mechem ehen, üpai netetnevani nyuaokhenang?

JONAH 1:2

“Hapa chingnyü longpü Ninevehlei daituh hatü halei chongveneishuoh; mehenangkü jomei mang ngei thah-ei aongteke.”

JONAH 1:3

Shejao Jonah-i Shembüpa toueipü lükei Tarshish lemei dai. Büpa Joppalei yiüjashingkü Tarshish lemei daihen jahas hük heüteke. Büpai fara shuohtü jahas mongei shü hatü Shembüpa toueipü lükei Tarshish lemei dai.