JEREMIAH 20:7 - DAÜLANGPÜ LAIHING (BSI)

⁷ Oh Shembüpa, nüngi ngei kü lueilemteke, hatü ngeiyü lueilemtükteke. Ngei meyü nüng-üng wong kohpüba, hatü nüngi ngei kü neüteke. Helushoei ngeiyü mihnyi pü leidaiteke, peüi ngei kü yaünyüke.

JEREMIAH 20:7 Referans Kwoze

HOSEA 9:7

Hanghihen nyihthü ngoikünyüke; Dükpü shangshi hanghihen nyihthü yopailei nyüke; Israel ami ha nyingtuh. Mehenangkü ammei mang ahshi-üng longdaipü nangkü; hatü nejiünepaipü ahdaipü nangkü thibüthü kü ngapa, hatü laangha shennyakthü kü yoipa khih shei deihnyüke.

YOUNG LAI 3:14

Ngeiyü jom touei mihnyi pü leitük; helu shoei jomi ngei kü naamei kesho venpeih.

EZEKIEL 3:14

Laanghai ngei shangei an hatü ngei müei dai, hatü Shembüpalei ngan ngei touei wongmü pei, hatü ngei shahyaki mongshih-ei deihteke.

JEREMIAH 20:9

“Büpa jung ne-etei-ü, nevaijü büpalei men hajük kü ne-etei-ü shei ejao, ngelei mongdang mongei büpalei shah-ü aw kei, hatü ngelei vangni mongei aw bahpükei shaamnyüke. Ngei hapa noshi nyiudaiteke, hingmei ngei neaoknyu.

HEBREW 11:36

Lebüthüyü ne-ienelempü, üphahpü hatü nyiamvüi shatü khoklatei tuhhahpü pongteke.

1 KORINT 9:6

Nevaijü Barnabas henji mon shünyü shing dou dükpü kübü dohhen jiüpü neshiüpü je?

PHONGSHANTHÜ DOU 17:32

Mechem jomi dipü kübü yangei leipü jung danpa, hanei ami nyienteke, shejao lebüthüi, “Hami shao-üng hapa jung banghen hih” shei e.

PHONGSHANTHÜ DOU 17:18

Shao Epikurean hatü Stoik vaipü vanglem kü nyingpühingpüthüi büpa mü shah doktei. Hanei ami, “Hapa shahvang ahpai mehe ehünyuja” shei e. Lebüthüi, “Büpayü mih Kung amei Kahvang jung baongbü khih” shei e. (Hayü büpai Jisu jung shahjang meipü hatü yangei leipü jung epü nangkü nyuteke.)

LUK SHAHSHA APPÜ 23:11

Herodi dangkao büpalei veshanthü mü büpa nyonghü, hatü yaüeilungei e; hapheikü büpai büpa kü bhagthuh meipü hük thuhhütü Pilat touei nyokei shom.

LUK SHAHSHA APPÜ 16:14

Pharisee am lop kü bampüthüi ha peü dan, hatü jomi büpa kü yaüei e.

MIKA 3:8

Shejao ngei shingvaishi payü Jakob kü jom pungpü, hatü Israel am kü jomei mang eshuohhen, Ngei kü Shembüpalei laangha, hatü ngan hatü shahhingi maei nyüpeih.

JEREMIAH 29:26

Shembüpai Jehoiada ngongpa nangjei ngongpa vaihen nüng jeteke, hatü thibü nevaipü kü thibü keiha dou dükpü ngapathü yepei üng kü nyiamvü shentü tuhhen shingvaishi nüngü Shembüpalei shemei lakchongbü khih.

JEREMIAH 17:16

Nüngei mi yombü vaipü kübü ngei paüei nelüdai; ngei shanghahpü nyih nelümnyih shei nüngi nyangei nyüke. Ngelei juben kübü mehe vamei enya hayü nüng touei ngaihe-i nyüke.

JEREMIAH 15:18

Mehekei ngei kü tüngpü nedohdainya, hatü ngelei ma nemeidainya? Nüngi ngei keyü yung jepdaipü shoha kei lueilemhen je?

JEREMIAH 15:10

Onyükei! Mehekei onyüi ngei hapa kahdoknyü kü büh-ei tuhphongpa? Kahdok kü nyupüthü peü mü dehen, shah dakteihen mü vamteke. Ngei mih kü lop nelushuoh, nevaijü ngei luhahpüyao neshiüpih, shejao peüi ngei kü thaüvaünyüke.

2 ONGPATHÜ 2:23

Elisha-i Jeriko leipü layaongei Bethel yemei aong. Büpa lemei kamei nyushingkü chingnyü leipü bahanaüthü hanei vamei büpa kü yaüeilungei, “Shangpaangpa lüdaituh! Shangpaangpa lüdaituh!” shei e.

JOB SHAHSHA APPÜ 12:4

Ngeiyü küphüthü toumü mihnyi pü leidaiteke; Ngei Kahvang kü nyükjü büpai janglangmao; ngei kü eela neshiüjao ngeiyü mihnyi pü leidaiteke.

MENVIH KESHO 119:51

Changmeipüthü ngei kü düngei yaünyüke, shejao ngei payü nüngei shahkungnyü kübü nelepdainyih.

JEREMIAH 38:19

Zedekiah ongpai Jeremiah kü, “Shelei Babylonei heihdaipü Hebrew am kü ngei nyem-angke; mehenangkü Babylon ami ngei hathülei lak kü shuohtükhen khih, hatü jomi ngei kü nemei-i dükphahen khih” shei e.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

JOB SHAHSHA APPÜ 30:9

hatü shaang jomei hapeüthüi kesho mü venei ngei kü nyinyüke; ngeiyü jomphongei shahsho kü shihteipü shennyak leidaiteke.

ISAIAH 8:11

Shembüpai büpalei wong longpü laki hongtü ngei kü hathü shennyakthülei lem kü tekam shei shahvüng yahphopeih. Büpai,