JEREMIAH 20:13 - DAÜLANGPÜ LAIHING (BSI)

¹³ Shembüpa kü lokeishuoh; Shembüpalei men vihtuh. Büpai nemeipüthülei lak kübü taopathü yangnyüpeih.

JEREMIAH 20:13 Referans Kwoze

ISAIAH 25:4

Nüngü taopathülei loishing meipü, hatü nehahneyingpüthü shanghah shingkü nüng jomei loishing. Baihivang hatü nyahpüshampü kü nüngü loishing hatü dhüm nyuteke. Mechem nemeipüthüi ünyü hepak kübü vang keiha ching hahpa,

MENVIH KESHO 69:33

Mehenangkü Shembüpai nehahneyingpüthüi phoppü dannyeih, hatü khoklatei küppü laophülei nanglak netuhphongnyih.

MENVIH KESHO 72:4

Ongpai taopathülei shah jiüshi phenhen; nehahneyingpüthü kü sheühhen, hatü mih kü shüveipüthü ngümtükhen.

MENVIH KESHO 34:6

Taopai nyük, hatü Shembüpai büpai nyükpü dan; büpai shanghah peü kübü büpa yang.

JEREMIAH 15:21

Ngei nüng nemeipüthülei lak kübü yanghen, hatü shihmangpü ami shümlangpü kübü angei leihen.”

JEREMIAH 31:7

Shembüpai hapakei enyüke: “Jakob nangkü mongongpai kesho loktuh; jatthü khongkü peü mü shongpüba kü menvih kesho loktuh, hatü, ‘Oh Shembüpa, aoei nyupü nüngei Israel nanglak yangtuh’ shei etuh.”