JEREMIAH 20:12 - DAÜLANGPÜ LAIHING (BSI)

¹² Oh Jeiyong Shembüpa, nüngi daülangpüthü kü doknyeih, hatü mongdang sholi dokei veinyüpeih. Nüngi jom kü bhüh yempü kü ngei veishah; mehenangkü ngelei nang nüng kü shuohtüktih.

JEREMIAH 20:12 Referans Kwoze

JEREMIAH 11:20

Shejao, Oh Jeiyong Shembüpa, nüngü shahhing shahphenbü, hatü mongdang sholi dokpüba, nüngi jom kü bhüh yempü kü ngei veishah; mehenangkü ngelei nang kemei nüng kü lanei shuohtüktih.

MENVIH KESHO 62:8

Hepak peü kü büpa kü hinglemtuh, Oh nanglakthü; ammei mongdang büpa kü ngaiyei shuohtuh; mehenangkü Kahvangü jen loishing.

MENVIH KESHO 54:7

Mehenangkü büpai ngei shanghah peü kübü yangteke, hatü ngelei mükivepathü kü neütüktü veinyüpeih.

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

MENVIH KESHO 59:10

Ngelei Kahvang büpa bampai ngei mü ponghen; ngelei Kahvangi ngelei vepathü kü aokpü dangpü kü veihühen.

MENVIH KESHO 139:23

Ngei yemtuh, Oh Kahvang hatü ngelei mongdang nyingtuh; ngei kü doktuh hatü ngelei mongdeih nyingtuh.

MENVIH KESHO 7:9

Oh nemeipüthülei douten dohhütuh, shejao daülangpüthü chonglinghütuh, nüngi mongdang hatü sholi doknyeih, Oh daülangpü Kahvang.

JEREMIAH 17:18

Ngei kü shüveipüthü veü ponghütuh, shejao ngei tevaühüma; Jom nyemhütuh, shejao ngei nyempü kübü yangshih. Jom kü shanghah nyih koei peijatuh, jom shingnyi nyeishi mangtüktuh.

ISAIAH 37:14

Hezekiah-i phongmokbüthü leipü lai yah-ei ieteke. Hapheikü büpai Shembüpalei shemei aongei Shembüpa touei hapa lai paanteke,

MENVIH KESHO 17:3

Nüngi ngelei mongdang dokei veijü, nüngi yanüng ngei dokei veijao nüngi mehe tenao nedangpih; ngelei jui mang nethahnyih.

MENVIH KESHO 11:5

Shembüpai daülangpüthü hatü nemeipüthü kü dokei veinyeih, dehilao kü bampüthü kü büpalei laanghai jiühitnyeih.

SHAKEI VAMPÜ 18:20

Pinnyü lomohpü nangkü mongongtuh, Oh vangsho am, daülangpü, phongshan hatü thihivamthü! Mehenangkü Kahvangi am nangkü pinnyü kü shahphenteke.”

SHAKEI VAMPÜ 6:10

Jomphongi ngeüwong anei, “Jeiyong Shembüpa, daülangpü hatü hingshangpü, kahdoknyülei nyupüthü kü hamei iy nangkü nüngi shahphenhen hatü bhüh yemhen shekü meshük lushi nyuhen?” shei lenteke.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

1 PETER 4:19

Hanangkü üami Kahvangi mongpükei shangpongnya, hingshangpü jom Lingbü kü lanei shuohhen hatü nedoh-i mei dükhen.

1 PETER 2:23

Mechem jomi büpa kü yaüeilungei epa, büpai ha kü nekhang; mechem büpa shangpongpa, büpai nyemneshao, shejao shahhing shahphenbü kü büpa lanei shuoh.

JEREMIAH 12:8

Ngelei mükjüpü phaü leipü mailang kei leidaiteke. Pinnyüi ngei khüei ngeü an, hanangkü ngei pinnyü kü jiühitnyeih.

ISAIAH 38:14

Khihmang hatü yungou keiha ngei vaüteke, athubai keiha ngei mahng thepteke. Shang philei veihampai ngelei mükyang yungdaiteke. Oh Shembüpa, ngei ponghahnyeih, ngei yangshih!

MENVIH KESHO 86:4

Nüngei chongphobülei laangha mongonghütuh; Oh Shembüpa, ngelei laangha nüng kü ngangei veinyeih.

2 SHÜPPÜKENGPÜ 24:22

Joash ongpai Zekhariahlei chepa Jehoiada-i büpa kü phahji hupü betüktü büpai cheha jütük. Büpa mong mangshemdai-i, “Shembüpai ha eetü bhüh nyemyem” shei nyüktü e.

1 SAMUEL 1:15

Shejao Hannah-i jangei, “Hapakei nevai, ngelei shembü, ngeiyü longi mongshang kü nyupü nyüha hih, ngei yiü neyingangpih. Shembüpa kü ngelei mongshang eshouhnyeih.

MENVIH KESHO 58:10

Nemeipüthü kü bhüh yempü eetü daülangpüthü mongmeihen; nemeipüthülei iy kü jom kamteihen.