JEREMIAH 2:7 - DAÜLANGPÜ LAIHING (BSI)

⁷ Ngei am changeishaei nyupü kahdokei, haleipü betjük hatü meipü kemei hahhen shingvaishi müei leipeih. Shejao mechem am halei shüpa, ammi ngelei kahdok sheihtük, hatü ngelei mükjüp jiühitnalai leitükpeih.

JEREMIAH 2:7 Referans Kwoze

JEREMIAH 16:18

Jom nemeipü hatü jomei mang nangkü ngei shingnyi shemhen; mehenangkü jomi ngelei kahdok yangnyu neshiüpü lajei mahngi, hatü ngelei mükjüp jiühitnalai-i matükteke.

BHEI-IE 13:27

Jomi Mosa kü, “Nüngi shompü kahdok thahshi ham aongtepih; kahdok kü kahcheü kohshi; halei amma hatü nyahjiü yennyüke. Haleipü betjükü hapa khih.

EZEKIEL 36:17

Shennyak ha, mechem Israel am phang laophülei kahdokei nyupa, jomei lemthü, jomei douthü, hatü ngei touei jomi dükpeyü nyüha hük hangha tenpü hepak kü nedaüi leipükei nyuhampeih.

JEREMIAH 3:9

Pinnyüi mükbungjuyung dükpü longi maanteke shei kahdok kemei sheihtük, hatü pü hi yaong peü mü mükbungjuyung dükteke.

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

MIKA 2:10

Paotuh hatü daituh; mehenangkü hapayü nüng nyiumeishing nevai; Mehenangkü meihen neaoki ammei mangi sheihtük, hatü tentükteke.

EZEKIEL 20:6

Hapa nyih ngei jomphong kü Ijip kahdok leipü ngei jom shing yempü kahdok, amma hatü nyahjiü mon yenpü, kahdok peü shak kü müknyinshekhangpü kahdokei müei leihen lahpeih.

NEHEMIAH 9:25

Jomi penyü showtükpü chingnyü hatü kahcheü kohpü kahdok yahhü, nüngi doumeinangmei-i maei nyupü shemthü, yungkuk meishi shotükpü, nyalingngupai kah, olive kah hatü betjük püthü changshi nyupü kaamei yahhü. Jomi moh-ei hahtü nitei nüng meipü nangkü jom mongong.

SHAHKÜP 21:23

amphongi hapa mahng vangnyak kemei pülei sheüshi tetuhphong. Büpa ha nyih-üng vütüktuh; mehenangkü üpa pü kü sheünya, büpa Kahvangei thaüvaü phangkü nyüke. Shembüpa, ammei Kahvangi am kü mükjüp shuohpü kahdok nyeteinyangei tetuh.

SHAHKÜP 6:18

Shembüpa touei mepa jiüpü hatü meipü nyüpa, ha düktuh, shejüang am meishi nyuhen, hatü Shembüpai ammei bühipa kü lahpü kahcheü kohpü kahdokei shüei hapa yah-aokhen,

JEREMIAH 3:2

Shaopü shangtaothü kü veihümao, ammi halei büm neyupü shing nyüla? Yingnyülei phaüi nganei longteipükei, lemhao peülei ammi chühimai danei uonyüke. Ammei mang hatü büm yupü homei ammi hapa kahdok sheihtükteke.

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”

JEREMIAH 32:30

Israel hatü Judah nanglakthü lebü meheyao nedüki jom nethe hepak mebü mang mon thahpeih; Israel nanglakthüi lebü meheyao nevai shejao jomei lakdoui ngei mongshihhüpeih shei Shembüpai enyüke.

EZEKIEL 20:28

Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.

HOSEA 9:3

Shembüpalei kahdok kü jom nenyuaokhen; Ephraim am Ijip kahdokei nyokei daihen, hatü Assyrialei nedaüpü hahying hahhen.

SHAHKÜP 32:9

Mehenangkü Shembüpalei heanü büpalei nanglakthü nyüke; Jakobü büpalei mükjüp nyüke.

NEHEMIAH 9:26

Shejao jomi ven nedani nüng khüei yaong; jomi nüngei shahkung ngaümpheilei tuhphong. Jomi nüng touei mong lepei leihen shahvüng shuohpü thibüthü jütük; jomi nüng kü ne-ienelemi nyembenüng mang thah.

ISAIAH 19:25

Jeiyong Shembüpai jom kü moihimanhen hatü, “Ngei nüng kü moihimanhen, ngelei nanglak Ijip; ngei lingpü Assyria am; hatü Israel am, ngelei mükjüp jathili” shei ehen.

EZEKIEL 20:24

mehenangkü jomi ngelei vanglemthü nenotei, shejao ngelei shahkung yaktük hatü Sabbath mangtük, hatü jomei müki chebü chepa amei lajeithü kü veihampeih.

EZEKIEL 23:35

Hanangkü Shembüpa Kahvangi ha enyüke: Nüngi ngei betük hatü nüngei ngaümpheilei yaktükpü nangkü nüng iyjeiphailei hatü büm yuei kamteipü mang nüngi kohen.