JEREMIAH 2:6 - DAÜLANGPÜ LAIHING (BSI)

⁶ Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

JEREMIAH 2:6 Referans Kwoze

SHAHKÜP 32:10

Büpai jom jahpanei, lavüngtoipü phaüi nganei longteiyei nyushi dangteke, Büpai jom yangteke, hatü jom kü jungteke, hatü yomteke.

HOSEA 13:4

Shejao ngeiyü Ijip kahdok leipü am mülangpü Shembüpa, ammei Kahvang. Ngei nevaipheikü lebü Kahvang ammi tetuh, hatü ngei mü lenei lebü yemleipüba neshiü.

MATHI 4:16

Shangmang kü nyupü shennyakthüi vangngai longpü hük eeteke, hatü dipü yingdhüm kahdokei nyupüthü touei vangngai vamteke.”

HOSEA 12:13

Shembüpai thibü hük shomei Israel am Ijip leipü mülang, hatü jom jungei yomteke.

JEREMIAH 5:2

Jomi, “Vanyangyem Shembüpa nyüpeih” shei ejao shahshemi lahnyüke.

JEREMIAH 2:8

Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.

JEREMIAH 2:2

Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

ISAIAH 64:7

Nüngei men kü üpaiyao nenyük, nevaijü nüng kü neshong; Mehenangkü nüngei dhe ham toueipü jolang, hatü hamei mang tata kü ham yakphongteke.

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

MENVIH KESHO 77:5

Ngei peihdaipü nyihthü deihnyeih, hatü lüdaipü bongthü lenyeih.

MENVIH KESHO 23:4

Ngei dipü yingdhüm kahji homei dailangmao ngei mepa kao nenyemhen. Mehenangkü nüng ngei mü nyüpeih; nüngei nyiamlüng hatü lenshuoh-i ngei nyiushem meihünyeih.

JOB SHAHSHA APPÜ 35:10

Shejao üpaiyao, “Ngei lingpü Kahvang melei nyüpa, vangnyak kü wong shuohpü,

JOB SHAHSHA APPÜ 3:5

Shangmangi hatü vangdhüm longpai ha jümlangtuh; phumnyaki ha kü jümtuh; vangnyaki hapalei vanghenyü banglangtuh.

2 ONGPATHÜ 2:14

Büpai Elijah leipü vüjapü ashak yah-ei yung kü bheitü, “Elijahlei Shembüpa Kahvang melei nyüpa?” shei e. Mechem büpai yung kü bheipa, hahepak kü laknyong lakdah kü yung handaitü büpa kahvan kü kamei lei.

SHAHPHENBÜTHÜ 6:13

Gideoni jangei, “Shejao longpüba, Shembüpa ham mü nyujema, mehekei hami henüng ponghahpa? Hamei bühipai ham kü thamabenüng hajük eküpeyü melei daipa? Shembüpai ham Ijip leipü müei neleiangpü je? Shejao shaang Shembüpai ham yakphong, hatü Midian amei lak kü ham shuohtükteke” shei eteke.

MÜLANGPÜ 20:2

Ngeiyü am Ijip kahdok aa laphen kübü müei leipü Shembüpa, ammei Kahvang;

SHAHKÜP 1:19

Hapheikü Shembüpa, jenei Kahvangi jen kü epü keiha jen Sinai Kahshang kübü layaongei ammi eepü longpü hatü nyembenüng jahpan peü homei Kadesh Barnea mangngoi thahshi Amor amei phaüshang kahmük peü homei daiteke.

JEREMIAH 13:16

Büpai vangnyak koei peikü shekü, hatü vangngai pibom kü nüngei la-i kahshangthü kü huluh shuohhü shekü, Shembüpa, ammei Kahvang kü müknyinshekhang shuohtuh. Mechem nüngi vangngai kü veihen, büpai shangmang hatü vangnyak leitüknyeih.

JEREMIAH 51:43

Pinnyülei kahdokü üpaiyao nenyupü, üpayao yendai ouham nelongteipü lavüngtoipü kahvan bhih kahdok leitükhen.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

JEREMIAH 5:12

Jomi Shembüpa nang shahshem eteke, hatü, ‘Büpai meheyao nedükphapih. Jen kü mehe tenao nepeiküpih; münghishaü, hokpüheipü meheyao ne-eepih’ ” shei eteke.

AMOS 2:10

Ngei am Ijip kahdok leipü müei leipeih; vangbong pinyi jahpanei am müpeih, hatü Amor amei kahdok am kü shuohpeih.