JEREMIAH 2:5 - DAÜLANGPÜ LAIHING (BSI)

⁵ Shembüpai hapakei enyüke: Ambü ampai ngei toueipü yandaihen mü jomi ngei kü pungpü mehe yeppa? hatü jom yahlak neshiüpü douthü pheikü daiyei jomao yahlak neshiüi leidaiteke.

JEREMIAH 2:5 Referans Kwoze

2 ONGPATHÜ 17:15

Jomi büpalei shahkungnyüthü nebangi mong vaan, hatü büpai chebü chepa am mü vangteishuwteipü, hatü büpai jom kü shuohpü shahvüng yaktük. Jomi yahlak neshiüpü lajeithü kü khümei yahlak neshiüi leidai. “Jomi dükpükei tedük” shei Shembüpai jom kü ngeükhüam shuohlangmao jomi jom ngeih-ei shonei nyupü jatthülei deiaei nyuhteke, hatü Shembüpai tedük shei epü douthü dük.

ROM SHAHSHA APPÜ 1:21

mehenangkü jomi Kahvang nyingjao jomi büpa kü Kahvang kei dhüm neshuoh nevaijü büpa kü menvih neshuoh, shejao jomei mongdeih yahlak neshiüi leidai, hatü jomei sholi kü vangnyaki madai.

JONAH 2:8

Üami angsha lajeithü khümnya, jomi nüng kü vaipü yaktükteke.

MENVIH KESHO 115:8

Hathü lingpüthüao hathü kei, hatü hathü kü khümpüthü peü jom kei nyüke.

ISAIAH 44:9

Üami lajeithü lingnya, jomü yahlak neshiü, hatü jomi monghahpü kahvangthü nanglei neshiü. Üami hapa kahvang kü khümnya, jomphongü mükphüngpa hatü ngapathü hatü jomphong veü danghen.

1 SAMUEL 12:21

hatü am nanglei nedanghen nevaijü am neyangaokhen yahlak neshiüpü douthü lemei teleptei.

SHAHKÜP 32:21

Jomi kahvang nevaipü dou hüki ngei mükhühhüteke, jomei yahlak neshiüpü lajei-i ngei mongshihhüteke. Nanglak nevaipü jatthü ngei noteihen, hatü jomi ha kü mong yunghühen. Ngapa jatthü ngei noteihen, hatü ha kü jom mongshihhühen.

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

JEREMIAH 2:31

Oh ha denhivan kübü nanglakthü, Shembüpalei shah deih-ei dangtuh! Ngei am kü phaüshihhaomang kei, nevaijü shangmang kahdok kei chongküpü je? Shejema mehekei ngelei nanglakthüi, “Ham mongpükei longteihen hih; ham nüng touei nepeiküpih” shei epa?

MATHI 15:8

“Hathü shennyakthüi jomei ju-i mon ngei kü dhüm hunyüke, shejao jomei mongdang ngei toueipü taishi lüdaiteke;

EZEKIEL 11:15

“Shennyak ha, Jerusalemei nyupü shennyakthüi, ‘Nüngei jeihinaüthü, nüng mü showsheipüthü hatü Israel am kemei Shembüpa kü khümhenü jom longi taishi yandaitih, kahdokao jomi ham kü yahphopeih’ shei enyüke.”

JEREMIAH 14:22

Nüng nevaipheikü Oh Shembüpa, hamei Kahvang, lebü jatthülei lajeithüi vang keihüaokhen je? Nevaijü vangshothüi vanglah haihüaokhen je? Hami nüng kü monglemnyeih, mehenangkü ha dükpeyü nüng mon.

JEREMIAH 12:2

Nüngi jom sheiteke, hatü jom tünglang yiüteke: jom longei betjük jüknyüke; Jomei jubenei düngei nüng jung enyüke, shejao jomei mongdang longi taidaitü nyüke.

JEREMIAH 10:8

Jom peü sholi neshiüpü ngapathü; jom keyü yahlak neshiüpü pü lajeithüi nyuhpeih.

ISAIAH 29:13

Shembüpai enyüke: “Hathü shennyakthüyü jomei jui mon ngei yopailei peinyüke, hatü jubenyeijaangi mon ngei kü dhüm shuohnyüke, shejao jomei mong ngei toueipü longi taishi lüdaiteke. Jomi ngei kü khümpeyü shennyaki nyuhshuohpü vanglem kü mon khümnyüke.

ISAIAH 46:12

Ngei epü bangtuh, am mongdang vaanpüthü, am daülangshemshepü kübü taishi yandaipüthü.

JEREMIAH 2:4

Shembüpalei shah bangtuh, Oh Jakob am shem, hatü Israel am phangthü kemei.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

EZEKIEL 14:5

Lajeithü kü mong shuohtüktü ngei yakphongpü Israel nanglakthülei mong yepei leihen shingvaishi ngei hapa dükhen.”