JEREMIAH 2:34 - DAÜLANGPÜ LAIHING (BSI)

³⁴ Yemhimak jüpülei iy nevai, shejao nüngei ashakviha kü mang neshiüpü shennyakthülei iy lüpshi dangteke; Henüng douthü kemei vamei tuhtü,

JEREMIAH 2:34 Referans Kwoze

2 ONGPATHÜ 21:16

Büpai Judah am mang thahhüei Shembüpa touei mehe mang ha jomi dükpü mü Manasseh-i Jerusalem jung phihük kübü jung phihük thahshi mang neshiüpü kü iy longi yenhü.

JEREMIAH 19:4

Mehenangkü jomi ngei yakphong hatü hapa shingü lebü kahvangthülei shing leitük; jomi halei jom nevaijü jomei bühipathü nevaijü Judah ongthüi mechemao nenyingpü kahvangthü kü moila shuohteke, hatü jomi hapa shingü mang neshiüpü iy yenhüpai matükteke.

2 ONGPATHÜ 24:4

hatü nyeinya vaishi büpai mang neshiüpü iy longi yenhü. Mehenangkü büpai Jerusalemü mang neshiüpü iy yenpai mahü, hatü Shembüpai mang tükhen nemong.

MÜLANGPÜ 22:2

Gühpa hük nyak kü mih-ei shem apei shüpü yepei jütükjema, büpa jütükpü shennyak kü jüpü mang neshiü.

EZEKIEL 24:7

Pinnyüi laophü mongei iy yenhüteke. Bhihla-i nelintükaokhen mü yaongba shangei haishi nyüke.

EZEKIEL 20:31

Mechem ammi moila shuohhen hatü ammei hapeüthü aw kü jakei moila shuohhenshang, ammei lajeithü homei am nyingi nedaüi leinyüke. Hakei tuhtü amphongi ngei kü phehen je, Oh Israel phang? Ngeiyü vanyangyem Kahvang, amphongi ngei kü lanshei nephehen shei Shembüpa Kahvangi enyüke.

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 7:31

hatü jomi ngei ne-epü, ngelei mongeiyao nelepü dou jomei hapeüthü Hinnom Kahjilei Topheth kahvang kü aw kü jakei moila shuohhen vaümchongthü nedoh-i lingnyüke.

JEREMIAH 6:15

Jomi veüshi düknyüke, hatü jiühitnalai mang thahnyüke; shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

ISAIAH 59:7

Jomei la nemeipü lemei moknyüke, hatü mang neshiüpü kü iy-aongmakohühen moknyüke; Jomei mongdeih kemei ten mon nyüke; Jomei lemü bentükhen hatü tentükhen kü mon dainyüke.

ISAIAH 57:5

Amü püdhüm vungdhüm ieyeilei mükbongjuyung dükei lihila kahvangthü kü khümnyüke; Ammi kahjithü hatü yaongsha püsha peülei laophülei hapeüthü jüei moila shuohnyüke.

ISAIAH 59:3

Mehenangkü ammei lak kü iy khashi nyüke, ammei laki shaitüktü nyüke. Ammei jubenyeijaangi shahshem enyüke, hatü ammei jubenyeijaangi nemeipü dükhen nümnümnyüke.

JEREMIAH 2:33

Chühimai yawhhen nüng meshük manpüang! Nemeipü nyühathü kü dangkao nüngi nüngei lemnyuh-aokteke.

JEREMIAH 7:6

ammi benhapa kü, hashihha kü, vaümnyü kü neshüvei, nevaijü hapa shing kü mang neshiüpü iy neyenhü, hatü am ma yahhen mü lebü kahvangthü kü khümei nedaijema,

YOUNG LAI 1:9

Pinnyü nedaünelangpeyü pinnyülei büm-ow kü khashi nyüke; Ngoikahen nang pinnyüi deih-ei nelenyu; Pinnyü dopü nyemshi hanshi; üpaiyao pinnyü nyiushem meihühen neshiü. Pinnyülei vepathüi neüshuohpü nangkü, “Oh Shembüpa, sheühshih” shei enyüke.

YOUNG LAI 4:14

Mükphüngpüthü kei jom chingshongei longteinyüke; Jomei ashakviha kü üpaiyao nehonghen mü iy-i hoitüktü nyüke.

EZEKIEL 9:9

Büpai ngei kü, “Israel hatü Judah amei mangü ahshi-üng ahdaiteke; kahmük kemeilei jüteipai maei hatü Jerusalemü iy-aongmashateipai madaiteke. Jomi, ‘Shembüpai kahmük yaktükteke; Shembüpai meheyao ne-eenyih’ shei enyüke.

EZEKIEL 22:25

Mailangi yemhimak jüei shaakpükei haleipü ongthüi laophülei nanglakthü jütüktü jomei lop hatü mophimo peü aokpükei yahlangnyüke, hatü jomi jüpü nangkü hashih vaümnyü longi vamhünyüke.

MÜLANGPÜ 22:1

Mechem shennyak hanei-i mohoh nevaijü mi güh-ei jühen hatü yutükhenshang, gühpai mohoh hük kü nga hang shemhen, hatü mi hük shing ali shemhen.

EZEKIEL 23:45

Shejao daülangpü shennyakthüi hathü kü mükbongjuyung hatü jüpü nangkü shahphenhen; mehenangkü jomü mükbongjuyungthü hatü jomei lakei iy lüpshi nyüke.